Diplomatica Belgica - Record 4974

DiBe ID

4974

ACTORS

Issuer(s)
(= author)

Function/title: count/countess
Name: Theoderic of Alsace
Institution/jurisdiction: Flanders
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: count/countess
Name: Theoderic of Alsace
Institution/jurisdiction: Flanders
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name: Absalon abbot
Institution/jurisdiction: S.Amand
Diocese: Diocese Tournai
Principality: Flanders
Religious order: Benedictines

DATE

Scholarly dating (preferential)	24/12/1142 (terminus ante quem - DE HEMPTINNE-VERHULST)
Scholarly dating (any)	24/12/1142 (terminus ante quem - DE HEMPTINNE-VERHULST) Scholarly qualification: -
	25/12/1141 (terminus post quem - DE HEMPTINNE-VERHULST) Scholarly qualification: -
	//1142 (donnée par document / mentioned in document - ) Scholarly qualification: -
Date in the charter	//1142
Place-date (in the text)	Casleti
Place-date (normalised)	Cassel (FRANCE, Hauts-de-France, Nord) Diocese: Diocese Thérouanne Principality: Flanders

SUMMARY AND DESCRIPTION

Summary	déclare qu'il a donné le droit de "songeia" à Froidmont , tenu en fief par le chevalier Letbertus et que celui a reçu une indemnité de vingt-huit marcs d'argent
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine patris et filii et spiritus sancti. Ego Theodericus dei miseratione comes Flandrie uolo certum habeat successorum meorum diligentia presentium quoque et futurorum fidelium deuotio quod in ecclesia beati ac uere amabilis pontificis Amandi comites Flandrie id honoris et dignitatis constat habere quod ipsam ecclesiam et res ad eam pertinentes sub sua protectione ac tutela debent conseruare et uiolentias iniustitias que prauorum hominum ab ea uiriliter arcere. Proinde nobis nostris que successoribus ualde utile atque honestum fore credimus si predicte ecclesie precipuam curam impendamus ut usibus fratrum in ea religiose conuersantium aliquid de his que a deo accepimus secundum nostre liberalitatis munificentiam addamus. Volumus igitur nouerint tam presentes quam futuri fideles quod uenerabilis abbas Absalon et fratres prefate ecclesie beati Amandi aliquando nostram presentiam adierint et deuotionem sue petitionis nobis humiliter optulerint uidelicet ut songeiam nostri iuris quam debebant et soluebant homines et hospites uille sancti Amandi que uocatur Frigidus Mons in pago Tornacensi sita ipsis ad sui sustentationem deinceps soluendam et habendam ex nostro gratuito dono concederem. Iam enim quidam miles Lietbertus cui ipsa songeia soluebatur XX-ti VIII-to marcas argenti ab ipsis acceperat et tam propter pretaxatam pecuniam quam propter diuine mercedis remunerationem eam songeiam quam ex illustri uiro Hugone de Adengem in feodum tenebat ipsis ut deinceps et deberetur et solueretur concesserat. Concesserat autem assentiente et id ipsum concedente predicto Hugone. Concesserat etiam et concessionem firmauerat in presentia domini Nouiomensium ac Tornacensium episcopi Simonis assentientibus et laudantibus amicis et carne cognatis Theoderico preposito Euerardo Radulpho Gualtero Grauo Argenti cum filiis suis. Sungeiam itaque sicut dictum est Lietbertus concesserat et eam Hugoni de quo tenebat in feodum reddiderat. Hugo similiter solo diuine mercedis respectu sue liberalitatis dono concesserat et per manum filiorum suorum Siheri Goxuini detentus enim corporali molestia presentiam nostram adire non potuit eam quam et ipse de nobis in feodum tenebat nobis in presentia multorum reddiderat. Iuste ergo et rationabiliter predictus abbas et sui fratres songeiam sibi a predictis Lietberto et Hugone concessam a nobis exposcebant et eam sibi concedi similiter nostre largitatis beneficio petebant. Et nos eorum dignam petitionem attendentes tum propter nostram nostrorum que successorum pacem et quietem tum quia orationibus fidelium speramus consequi eternam felicitatem songeiam de Frigido Monte uilla sancti Amandi in pago Tornacensi ecclesie eiusdem sancti Amandi et fratribus in ea domo famulantibus perpetuo iure habendam concessimus. Et concessionem nostram sigilli nostri impressione idoneorum quoque testium annotatione confirmauimus. Signum Theoderici comitis Flandrie. Signum Sibille comitisse uxoris eius. Signum Milonis Morinensis episcopi. Signum Milonis et Philippi archidiaconorum eius. Signum Balduini prepositi Caslensis fratris comitis Rogeri prepositi Brugensis. Signum Guillelmi castellani de Sancto Audomaro Gilleberti Bergensis Radulphi Brugensis Arnulphi comitis Gisensis. Ego Rogerus Brugensis prepositus recensui. Actum Casleti anno domini M° C° XLII°.

Source	DE HEMPTINNE TH.-VERHULST A. 1988

TRADITION

Original	No
Manuscripts	Lille, Archives départementales du Nord [AD], 12 H 2 (1201-1300)

EDITIONS AND SECONDARY LITERATURE

Editions	DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.62, p.105-106,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.158, LINK LINK