‹
›
return to all results
| DiBe ID | 3320 |
| ACTORS |
|
Issuer(s)
(= author) |
Function/title:
king/queen Name: Philip I Institution/jurisdiction: France Diocese: Archbishopric Sens Principality: France Religious order: |
|
Function/title:
count/countess Name: Baldwin I Institution/jurisdiction: Hainaut Diocese: Diocese Cambrai Principality: Hainaut Religious order: |
|
|
Author(s) of the actio juridica (= disposer) |
Function/title:
king/queen Name: Philip I Institution/jurisdiction: France Diocese: Archbishopric Sens Principality: France Religious order: |
|
Function/title:
count/countess Name: Baldwin I Institution/jurisdiction: Hainaut Diocese: Diocese Cambrai Principality: Hainaut Religious order: |
|
|
Beneficiary(ies)
(= recipient) |
Function/title:
monastic house Name: Institution/jurisdiction: Hasnon Diocese: Diocese Arras Principality: Hainaut Religious order: Benedictines |
| DATE |
|
Scholarly dating
(preferential) |
4/8/1065 (terminus post quem - PROU) |
|
Scholarly dating
(any) |
4/8/1065 (terminus post quem - PROU) Scholarly qualification: - |
| //1065 (donnée par document / mentioned in document - ) Scholarly qualification: - | |
|
Date in the charter
|
//1065 |
|
Place-date (in the text) |
Corbeiae |
|
Place-date (normalised) |
Corbie (FRANCE, Hauts-de-France, Somme)
Diocese: Diocese Amiens Principality: France |
| SUMMARY AND DESCRIPTION |
| Summary | restaure l'abbaye et restitue les biens qui lui avaient été enlevés (énumération) ; le roi confirme cette restauration |
|
Description
|
Language:
Latin Authenticity: unsuspected document Textual tradition: simple copy Nature of the charter: diploma Vidimus/Vidimé 1 |
| FULL TEXT OF CHARTER |
| In nomine sanctaę et indiuiduae trinitatis patris et filii et spiritus sancti. Ego Balduinus filius Balduini Philippi regis Francorum procuratoris et baiuli futurae posteritati spiritus sancti gratia renatae huius conscriptionis paginam curaui transmittere qualiter omnipotentis et clementis dei patientia et benignitas quae teste apostolo adducit peccatores ad penitentiam me in graui mei corporis inualetudine uisitauerit et super restauratione Hasnoniensis coenobii in honore beati- Petri apostolorum principis olim constructi et a uiris nobilibus sublimati uel ditati nunc negligentia uel depopulatione tam laicorum quam clericorum ad nihilum pene redacti me per uisum monuerit. Quod scribo non accepi ab homine sed ipsum testor quem praemisi deum monitus sum ab eo in nimia corporis mei aegritudine per beatos martyres Marcellinum et Petrum qui infra septa requiescunt eiusdem basilicae. Hanc ergo admonitionem cum patri meo Balduino matri que Adelae ex ordine recensuissem eorum salubri consilio aliorum que plurimorum abbatum clericorum laicorum exhortatione gratissima executurum me obligaui et sic ab importabili quam patiebar corporis molestia misericorde deo alleuiante manum euasi. Processu uero aliquanto temporis cum ingratus dei misericordiae iam neglectui uel potius promissa mea tradidissem obliuioni non enim sentiebam quae sensi iterum grauis facta est super me manus domini incidi quidem in languorem fortissimum quo non erat qui me speraret euasurum. Recolligens igitur quibus olim me obligaueram et imputans peccatis meis grauiter flens et eiulans quae ferebam accitis iterum genitore meo et genitrice et aliis quamplurimis iureiurando astrinxi me reinformaturum quidquid neglexerat reatus obliuionis. Repropitiante uero mihi misericordissimo coelorum rege et animam quam pene perdideram reuocante ubi adhuc iacens in terra quasi positus in extasi nimiis angustabar doloribus dubius euasionis per ardentem cereum quia locus prefatus in ditione patris mei erat eo donante et deo disponente recepi obedientiam coenobii eiusdem restaurationis. Receptis ergo uiribus quibus pene fueram destitutus ardentissimo feruore spiritus cepi me cum cogitare qua uia qua ue ratione quibus ue auxiliariis tamdiu neglecta tam distracta et prope ad nihilum inclinata releuare possem uel redintegrare et quia didiceram a bonis sacrae scripturae auctoritate instructis tam clericis quam monachis quod plane incendat peccati rubiginem qui ualide ardet per amoris ignem et tanto peccati rubigo consumitur quanto peccatoris cor igne caritatis concrematur quia in sua erat dioecesi contuli me quantocius ad uenerabilem sanctae dei genitricis ecclesiae Cameracensis Lietbertum praesulem cuius consilio et auxilio uel assensu renouatis supradicti coenobii aedificiis uel officinis monachorum promoui ordinem. Exquisitis autem cum omni diligentia et recuperatis ex parte bonis coenobio suprafato a uiris religiosis olim attributis monachorum ibidem deo deseruientium restitui usibus sed quia modica probaui adieci de meis libera et ab omni exactione remota quae continentur inferius. Recuperata Hasnonia tota in terra et syluis et aqua ut terminatur praecinctus in parochia libera et sine aduocatura et ab omni exactione remota habitatores uero quicumque habitauerint infra praecinctum dominis suis census tantum soluent capitum et post perpetuo sine aduocato manebunt Azinium et sanctus Vedastus cum omni integritate cum molendinis et pratis et cambis et lodiis excepta aduocatura Wauuerchinium quae est eiusdem legis excepto quod aduocatura non est in curte abbatis in Montinio decima una in Scaldino decima I in Wasleirs de culturis decima cum curtuli I in Harten 3 curtilia cum terra I in Cauuentin de culturis decima I in Fessan decima I in Haspera decima I in marcha sancti- Remigii et Vesoniolo decima I in Deriuilla de culturis decima in comitatu Haynau de Obsiis et Bauisiel medietas terrarum et lodii ecclesiae in Bercleris a le fossa pars terrae plurima ampliata in Bermerain allodium I dedi quod emi in Sinio iuxta Duacum lodium ecclesiae cum curtili I libero Torhult iuxta Duacum cum molendinis et aqua omnino libera et sine aduocatura apud Courrieres partem uillae quam emi liberam iuxta Islam medietatem uillae Ferieres quam emi liberam in Vesonio partem uillae quam emi tertiam partem allodiorum Comitissae de Toringa neptis meae Adelae quam mihi legitime tradidit in Alost et in Lede et in Hesenghen ex hac parte aquae nomine Tenre in terra et syluis et seruis ecclesiam de Felsecl lodium et altare in Flandria terram nomine Strallant in Testerep centum oues cum terra in ministerio Furnensi bercariam unam et 24 mensuras terrae apud Reningens curtem unam cum terra et humecto apud Drincham uacariam unam iuxta Bruetburc in humecto quod uulgo dicitur Breuc V reparia terrae et lodium et altare apud Boserich duo reparia terrae medietatem uillae Oen. His itaque patratis in honorem dei et beati- Petri apostoli diligenter dispositis meorum consilio et instinctu regem Francorum adii obtinui que precibus sui impressionem sigilli. Superni clementia respectus rex Francorum Philippus qui domum dei aedificat respectus rex Francorum Philippus qui domum dei aedificat in terris uel olim aedificatam et peccatis habitatorum exigentibus ad nihilum uel ad modicum redactam suscitat et in bonis ampliat attestante scriptura sibi domum in coelis aedificat et quem peccatorum multiplicatione repulerat spiritum sanctum in se suscitat et ad manendum reuocat. Unde ego Philippus rex Balduini cognati mei iustis assensum praebens petitionibus regiae dignitatis authoritate Hasnoniensi coenobio ab eodem reparato et ampliato et reparata et ampliata concessa et concedenda inconuulsa et inuiolanda firmo. Ne quis auferre uel inuadere uel alienare quicquam de concessis uel concedendis uel loco illi uim inferre praesumat bannum regium Francorum regi soluendum uiginti librarum auri decerno et regali potestate statuo. Signum Geruasii Remorum archiepiscopi. Signum Balduini Nouiomensis episcopi. Signum Widonis Ambianensis episcopi. Signum Widonis Beluacensis episcopi. Signum Fulconis abbatis Corbeiensis. Signum Waleranni camerarii. Signum Radulfi dapiferi. Signum Widonis buticularii. Signum Baldrici constabularii-. Signum Balduini marchionis Flandrensis. Signum Balduini filii eius et reparatoris eiusdem loci. Signum Radulfi comitis. Signa- Walterii filii eius et Simonis fratris sui. Signum Wilhelmi comitis Suessionensis. Signum Widonis de Monte. Lietheri signum Thietbaldi de Monte. Moranci signum Nauelonis de peirefont. Signum Widonis de Rochafort. Signum Wazelini de Calni. Signum Eustachii comitis. Signum Raingoti Gandensis. Signum Arnulfi de Aldinarda. Signum Walterii de Simai. Signum Walteri comitis de Hesdin. Signum Balduini comitis de Gisnes. Signum Walteri castellani Duacensis. Signum Anselmi. Signum Rotberti aduocati de Attrebato. Signum Iohannis aduocati. Signum Balduini Gandensis. Signum Arnulphi de Arda. Signum Isaac de Valentianis. Signum Gozuini Montensis. Signum Hugonis baueth. Signum Hiberti de Lietsines. Signum Walteri de Lens. Signum Wietdrici de Tornaco. Actum Corbeiae in basilica beati- Petri apostoli anno- ab incarnatione domini M LXV indictione III epacta XI regnante Philippo anno- VI episcopante Lietberto Cameracensi anno XVII. Ego Balduinus cancellarius scripsi. | |
| Source | DUVIVIER CH. 1863 |
| TRADITION |
| EDITIONS AND SECONDARY LITERATURE |
|
Editions
|
DEWEZ J.. Histoire de abbaye de Saint-Pierre d' Hasnon, Lille, 1890., annexe C, p.550-553, LINK |
| PROU M.. Recueil des actes de Philippe Ier, roi de France (1059-1108) (Chartes et Diplômes relatifs à l'Histoire de France), Paris, 1908., n.22, p.59-63, LINK LINK | |
| DUVIVIER CH.. Quelles étaient l'importance et les limites du Pagus Hainoensis jusqu'au XIe siècle ?, dans: Mémoires et Publications de la Société des Sciences des Arts et des Lettres du Hainaut, 2e série, 9, Mons, 1863-1864., n.51, p.415-417, LINK | |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.517, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.675, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.68, LINK LINK | |
| VREDIUS O.. Sigilla comitum Flandriae et inscriptiones diplomatum ab iis editorum cum expositione historica Olivari Vredi Iuris-consulti Brug., Brugis Flandrorum, 1639., p.5, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
