Diplomatica Belgica - Record 2915

DiBe ID

2915

ACTORS

Issuer(s)
(= author)

Function/title: bishop
Name: Theodwin
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: count/countess
Name: Bruno
Institution/jurisdiction: Hengebach
Diocese: Diocese Cologne
Principality: Lower Lorraine
Religious order:

Beneficiary(ies)

(= recipient)

Function/title: cathedral/collegiate chapter
Name:
Institution/jurisdiction: Liège (Holy Cross)
Diocese: Diocese Liège
Principality: Liège
Religious order:

DATE

Scholarly dating (preferential)	//1063 (donnée par document / mentioned in document - )
Scholarly dating (any)	//1063 (donnée par document / mentioned in document - ) Scholarly qualification: -
Date in the charter	//1063
Place-date (in the text)	Leodii
Place-date (normalised)	Liège (BELGIQUE, Région Wallonne, Liège) Diocese: Diocese Liège Principality: Liège

SUMMARY AND DESCRIPTION

Summary	notifie que Bruno a cédé en gage , moyennant trois cents marcs d'argent , un alleu qu'il possédait à Herve (Liège, Verviers, Herve) et dont il s'est réservé l'avouerie
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine domini et in nomine trinitatis. Tyetwinus gratia dei Leodiensis episcopus perpendens sacre legis auctoritate oblationes et uota fidelium irrita penitus haberi non posse sed dei iudicio ex sacerdotum arbitrio rata semper et immutabilia consistere decreui posterum notitie demandare que in subiecta nobis ecclesia sancte crucis diebus nostris ex oblatione fidelium in donariis domini illata sunt que sicut dei iudicio rata esse nullo modo ambiguuntur sic nostra quoque sententia haberi immutabilia decreuimus ac presenti auctoritatis nostre priuilegio communiuimus hec autem sunt que dicimus. Bruno comes de Hengebach fratribus canonicis eiusdem ecclesie sancte crucis per manum nostram de thesauro ipsius ecclesie mutuam accepit pecuniam uidelicet marchas argenti trecentas quas fidelium deuotio contulerat sue que libertatis predium in Haruia cum tota ipsius predii familia in presentia nostra coram multis potentibus et nobilibus uiris tam clericis quam laicis ad altare sancte crucis tradidit et a se in ius et possessionem ecclesie transire fecit aduocatiam tamen ipsius predii sibi retinuit suis que legitimis heredibus post se tenendam reliquit et hoc ab ipso Brunone definitum et ab uniuersis qui presentes fuere laudatum est ut tamdiu ecclesiae iam dictum predium securo et quieto iure possideat donec quilibet ipsius Brunonis heres legitimus et huius predii aduocatus predicte pecunie summam ex integro restituat. Interim ecclesia iam dictum libere teneat per dominum non tamen quasi datum pro commodata pecunia uademonium cum uero quilibet heres Brunonis legitimus ipsum predium redimere uoluerit sic ei redimere licebit ne nullo modo pro hac redemptione alteri ecclesie seu cuilibet ecclesiastice seculari ue persone hoc ipsum predium inuadiare aut aliunde aliquatenus nisi ex proprio suo redimere possit omnem que pecuniam id est trecentas marchas argenti ex integro simul restituet ecclesie nec acceptos supputare fructus poterit in hac quantitate pecunie quia notum et oblatio Brunonis est. Et hos fructus interim concessit et constituit fratribus et canonicis in eleemosynam ut in orationibus suis parentum suorum et sui ipsius habeant memoriam. Huius ergo traditionis siue conditionis executionem et seriam carta presenti confirmauimus et sigillo nostro muniuimus testes autem hii adhibiti sunt Hugo prepositus sancti Lamberti sancti que Seruatii Wibodo decanus Godescalcus archidyaconus item Godescalcus Hermanus archidiaconus Wolbertus prepositus sancte crucis Godezo decanus Nizo scholasticus Boso feruluus et alii multi ex clero Leodiensi item laici Fredericus dux Albertus comes Namurcencis Lambertus de Laoule Albertus de Tienbeche elbertus de Bugeis Hermannus de Grueles et Cunno frater eius Ewrinus de Waldemont Steppo de Mullanz et alii multi et si quis hec aliquando iniquo fraudis cuiuslibet machinamento infregerit si tertio commonitu non resipuerit hunc auctoritate dei omnipotentis et nostra anathematizatione execramus et eterna dei regni hereditate priuamus. Actum Leodii anno ab incarnatione domini millesimo LXIII° indictione prima regnante imperatore Henrico III° anno regni eius VIII°.

Source	ERNST M.S.P. 1838

TRADITION

Original	No
Manuscripts	Liège, Archives de l'Etat [AE], Collégiale Sainte-Croix T24/2 5 (1501-1600)
	Liège, Bibliothèque Générale de Philosophie et Lettres (BGPhL), Manuscrit 2927 ()

EDITIONS AND SECONDARY LITERATURE

Editions	ERNST M.S.P.. Histoire du Limbourg, suivie de celle des comtés de Daelhem et de Fauquemont, des annales de l'abbaye de Rolduc, II, Liège, 1838; V, Liège, 1840; VI, Liège, 1847., 6, n.22, p.107-108, LINK LINK LINK LINK LINK LINK LINK
Secondary literature	PONCELET E.. Inventaire analytique des chartes de la collégiale de Sainte-Croix à Liège (1005-1796) (Publications de la Commission royale d'Histoire, Series II in 8°), 2 vol., Bruxelles, 1911-1912., 1, n.5, p.5, LINK LINK LINK LINK
	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.176, p.95,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.143, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.512, LINK LINK