Diplomatica Belgica - Record 2586

DiBe ID

2586

ACTORS

Issuer(s)
(= author)

Function/title: bishop
Name: Radbod II
Institution/jurisdiction: Noyon-Tournai
Diocese: Diocese Noyon
Principality: France
Religious order:

Author(s) of the actio juridica

(= disposer)

Function/title: bishop
Name: Radbod II
Institution/jurisdiction: Noyon-Tournai
Diocese: Diocese Noyon
Principality: France
Religious order:

Beneficiary(ies)

(= recipient)

Function/title: cathedral/collegiate chapter
Name:
Institution/jurisdiction: Bruges (S.Donatian)
Diocese: Diocese Tournai
Principality: Flanders
Religious order:

DATE

Scholarly dating (preferential)	28/12/1089 (nouveau style / new style - GYSSELING-KOCH/LAMBERT/PYCKE-VLEESCHOUWERS)
Scholarly dating (any)	28/12/1089 (nouveau style / new style - GYSSELING-KOCH/LAMBERT/PYCKE-VLEESCHOUWERS) Scholarly qualification: -
	28/12/1090 (donnée par document / mentioned in document - ) Scholarly qualification: -
Date in the charter	28/12/1090
Place-date (in the text)	Tornaci
Place-date (normalised)	Tournai (BELGIQUE, Région Wallonne, Hainaut) Diocese: Diocese Tournai Principality: Flanders

SUMMARY AND DESCRIPTION

Summary

affranchit de toute charge l'église du chapitre et ses chapelles sises à Weinebrugge (West-Vlaanderen, Brugge, Brugge (Sint-Michiels) , "Gera" [S.Kruis (West-Vlaanderen, Brugge, Brugge)] , Oostkamp (West-Vlaanderen, Brugge, Oostkamp) , Ruddervoorde (West-Vlaanderen, Brugge, Oostkamp) et Waardamme (West-Vlaanderen, Brugge, Oostkamp) et détermine l'étendue de la paroisse et ses rapports avec celle de Brugge (S. Sauveur) [chirographe]

Description

Language: Latin
Authenticity: suspected document Textual tradition: original
Nature of the charter: charter Vidimus/Vidimé 1

FULL TEXT OF CHARTER


-CRUX- In nomine sanctae et indiuiduae trinitatis patris et filii et spiritus sancti. Ego Radbodus dei gratia Nouiomagensis seu Tornacensis aecclesiae episcopus cum summa diligentia pertractassem officio pontificali saluberrimum atque honestum fore sinus sanctae matris nostrae aecclesiae amplificare amplificatos stabiles permanere firmissimum hoc esse decernens contra inquietudinem et diminutionem aecclesiarum plurimas nostri episcopatus aecclesias priuilegio nostrae auctoritatis stabiliui. Inter quas aecclesiam in honore sanctae dei genitricis Mariae sancti que Donatiani archiepiscopi in castello Brugiensi a principibus Flandriae fundatam allodiis ceteris que ornamentis locupletatam ne inquietudine uel oppressione ulla posterorum nostrorum uel infestatione laicorum grauaretur ab omni exactione testimonio et consilio Gualteri archidiaconi ceterorum que clericorum nostrorum liberam cum omnibus bonis sibi libere concessis uel concedendis confirmaui nihil mihi uel posteris meis retinens in ea nisi ut curam animarum illi quem canonici eiusdem aecclesiae canonice elegerint commendemus ita quidem ut in dandis prebendis ceteris que negotiis aecclesiae et rebus procurandis pio que patrocinio defendendis consilio canonicorum et ammonitione communi ius prepositi et reuerentia maneat. Si uero is cui cura commissa fuerit neglegentius egerit ipse prepositus quantum ad se pertinet adhibita fratrum ammonitione eum premoneat ut quod corrigendum est diligenter emendare insistat. Concedimus etiam eidem aecclesiae atque libere confirmamus quicquid intra claustrum uel munitionem castelli continetur in parrochiam. Preterea canonici ipsius loci nostrae potestatis licentiam habeant parrochianos aecclesiae sancti saluatoris uisitandi inungendi aduocatis tamen ad ipsam inunctionem clericis predictam parrochyam sancti saluatoris custodientibus insuper et sepeliendi eos qui apud illos sepeliri uoluerint in atrio sancti Donatiani ea conditione ut episcopo seu uicario eius VII solidi soluantur. Crisma autem oleum que sacrum oleum que infirmorum a decano accipiant. Si uero atrium ipsius aecclesiae infractum fuerit episcopalem aquam in recontiliationem sine aliqua dilatione uel contradictione similiter a decano habeant nec ulterius ab officio cessent nisi forte infractor ille intra castellum sit. Confirmamus quoque eis hanc nostrae auctoritatis potestatem ut inuasores uel defraudatores rerum aecclesiae uel atrii legitime monitos et non resipientes excommunicent et a communione aecclesiae suę repellant et deinde apud episcopum seu uicarios eius ius suum prosequantur. In aecclesiis uero quinque supradictę basilicę adherentibus libere que concessis scilicet Weinabrigga Gera Horscamp Ridaruorda Wara hanc solam mihi posteris que meis potestatem retineo ut singulis annis ab aecclesia matre Horscamp II solidi Weinbrigga similiter matre II solidi soluantur de capellis uero singulis XII denarii similiter dentur quod in bissextili anno tam in menbris quam in matribus dupplicetur. In anno autem aduentu episcopi de ęcclesia matre II solidi et II sistarii auene de capellis XII denarii et I sistarius auene soluantur et in renouatione persone earundem aecclesiarum X solidi soluantur ut autem ipsi aecclesiae huius libertatis institutum eius que quam comes Rodbertus ei priuilegio firmauit ratum maneat et inuiolabile sub anathemate siquis uiolauerit idoneis testibus corroborauimus et sigilli nostri inpressione signauimus. Hoc autem confirmandum esse decreuimus quod archidiaconus in quarto anno sinodalia iura exercens in parrochia de Horscamp consuetam sicut antea habeat impensam. Signum domni Radbodi episcopi. Signum Walteri archidiaconi Tornacensis. Signum Henrici decani. Signum Walkeri custodis. Signum Hermanni prepositi. Signum Sigeri cantoris. Signum Heremari decani Nouiomensis. Signum Baldrici archidiaconi Nouiomensis. Signum Stephani presbiteri. Signum Gohardi presbiteri. Signum Renberti presbiteri. Signum Tedberti diaconi. Signum Henrici diaconi. Signum Landberti diaconi. Signum Landberti subdiaconi. Signum Lettardi subdiaconi. Actum Tornaci V kalendas ianuarii anno dominicę incarnationis M XC indictione XII regnante rege Francorum Philippo anno XXX domno autem Radbodo episcopante anno XXII. Ego Wido cancellarius dictaui subscripsi. -crux-

Source	GYSSELING M.-KOCH A.C.F. 1950

TRADITION

Original	Yes Bruges, Archief Bisdom [A Bisdom], S.Donaas, A240/4
Manuscripts	Ghent, Universiteitsbibliotheek, Manuscrit 466 (112) ()

EDITIONS AND SECONDARY LITERATURE

Editions	GYSSELING M.-KOCH A.C.F.. Diplomata Belgica ante annum millesimum centesimum scripta (Bouwstoffen en Studiën voor de Geschiedenis en de Lexicographie van het Nederlands, 1), 2 vol., Bruxelles, 1950., 1, n.171, p.297-300,
	LAMBERT V.. De oorkonden van het Sint-Donatiaanskapittel te Brugge (9de eeuw-1300) (Koninklijke Academie van Belgie. Koninklijke Commissie voor Geschiedenis. Series I in 4°), Brussel, 2008., n.9, p.15-17,
	PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , n.75, p.113-116,
Secondary literature	OPPERMANN O.. Untersuchungen zur Nordniederländischen Geschichte des 10. bis 13. Jahrhunderts. I. Die Egmonder Fälschungen (Bijdragen van het Instituut voor middeleeuwsche Geschiedenis der Rijks-Universiteit te Utrecht, 3), Utrecht, 1920., p.232,
	GYSSELING M.-KOCH A.C.F.. Diplomata Belgica ante annum millesimum centesimum scripta (Bouwstoffen en Studiën voor de Geschiedenis en de Lexicographie van het Nederlands, 1), 2 vol., Bruxelles, 1950., 1, p.294,
	LAMBERT V.. De oorkonden van het Sint-Donatiaanskapittel te Brugge (9de eeuw-1300) (Koninklijke Academie van Belgie. Koninklijke Commissie voor Geschiedenis. Series I in 4°), Brussel, 2008., p.15,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.574, LINK LINK
	NOTERDAEME J.. De fiscus Snellegem en de vroegste kerstening in het westen van Brugge, dans: Handelingen der Maatschappij van Geschiedenis en Oudheidkunde te Gent, n.r., 11 (1957), p.49-128., p.104-105,
	MEIJNS B.. Aken of Jeruzalem? Het ontstaan en de hervorming van de kanonikale instellingen in Vlaanderen tot circa 1155, 2 vol., Leuven, 2000., 1, p.303,