‹
›
return to all results
| DiBe ID | 24462 |
| ACTORS |
|
Issuer(s)
(= author) |
Function/title:
count/countess Name: Margaret of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Margaret of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
count/countess Name: Margaret of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Function/title:
king/queen Name: William of Holland Institution/jurisdiction: Germany Diocese: Diocese Liège Principality: Lower Lorraine Religious order: |
|
|
Function/title:
county Name: Institution/jurisdiction: Flanders Diocese: Diocese Tournai Principality: Flanders Religious order: |
|
|
Function/title:
county Name: Institution/jurisdiction: Holland Diocese: Diocese Utrecht Principality: Frisia Religious order: |
| DATE |
|
Scholarly dating
(preferential) |
19/5/1250 (donnée par document / mentioned in document - ) |
|
Scholarly dating
(any) |
19/5/1250 (donnée par document / mentioned in document - ) Scholarly qualification: - |
|
Date in the charter
|
19/5/1250 |
|
Place-date (in the text) |
Bruxelle |
|
Place-date (normalised) |
Brussels (BELGIQUE, Bruxelles-Capitale, - )
Diocese: Diocese Cambrai Principality: Brabant (Leuven) |
| SUMMARY AND DESCRIPTION |
| Summary | la comtesse de Flandre et de Hainaut notifie avoir conclu un traité , par la médiation du légat apostolique Pierre , évêque d'Albano , avec le roi des Romains , Guillaume de Hollande , et son frère Florent ; ce traité précise que Guillaume , conformément au traité conclu en 1167 entre les comtes de Flandre (Philippe) et de Hollande (Florent III) DiBe 5312 , tient la Zélande , pour la partie située entre l'Escaut et le Heidenzee (cours d'eau disparu entre Wulpen et Koezand) en fief du comte de Flandre ; la convention règle en outre la répartition des revenus entre les parties , l'exercice de la justice , l'octroi de franchises urbaines et les procédures destinées à faire respecter l'accord |
|
Description
|
Language:
Latin Authenticity: unsuspected document Textual tradition: original Nature of the charter: charter Vidimus/Vidimé 1 |
| FULL TEXT OF CHARTER |
| Margareta, Flandrie et Haynonie comitissa uniuersis presentibus et futuris presentem paginam inspecturis salutem. Cum inter nos ex una parte et serenissimum dominum Willelmum regem Romanorum illustrem et nobilem uirum Florentium fratrem eius ex altera super iurisdictionibus, prouentibus, consuetudinibus et iuribus quibusdam que antecessores nostri, comites Flandrie, in insulis Zelandie inter Schaldam et Hedinezee habuerant ab antiquo, et super quadam pecunie summa quam nobis per suas litteras iidem rex et frater suus debebant et super quibusdam arreragiis in quibus ipsi nobis tenebantur, et quibusdam aliis discordia suborta fuisset, tandem mediante uenerabili patre domino Petro Albanensi episcopo, apostolice sedis legato, fuit compositum inter nos et dictos regem et fratrem sub forma inferius annotata: In primis quidem idem rex tam pro se quam pro suis successoribus, comitibus Hollandie, recognouit nobis et nostris successoribus, comitibus Flandrie, quod id quod habet in insulis Zelandie inter Schaldam et Hedinezee, tenet in feudum a nobis, et recognouit nobis et nostris successoribus, comitibus Flandrie, pro se et suis successoribus, comitibus Hollandie, omnia iura que antecessores nostri, comites Flandrie, in dictis insulis habuerunt et quecumque continentur in forma pacis que olim facta fuit inter bone memorie Philippum comitem Flandrie et Florentium proauum suum, comitem Hollandie, quam dictus dominus rex approbauit et confirmauit et sigilli sui munimine roborauit et promisit se bona fide in perpetuum seruaturum, prout in litteris suis super hoc alias confectis plenius continetur, quarum tenor talis est: --- Uerum quia super quibusdam articulis inter nos et dictum regem questio uertebatur, super illis compositum est et declarati sunt articuli in hunc modum: Primus articulus erat de iactibus maris. Dicebat enim idem rex quod dicti iactus maris aduenientes infra terminos suprascriptos eius erant et esse debebant, nos uero in contrarium dicebamus et asserebamus quod ad nos tanquam ad illam a qua tenetur terra in feudum, pertinere debebant. Super hoc articulo uolumus, recognoscimus, confitemur et protestamur quod dicti iactus maris, in quibuscumque rebus prouenerint, debent inter nos et heredes nostros, comites Flandrie, et dictum regem et heredes suos, comites Hollandie, cum aduenerint, in perpetuum equaliter diuidi, et sic in perpetuum dictus rex pro se et suis heredibus, comitibus Hollandie, promisit se seruaturum, et nos pro nobis et heredibus nostris, comitibus Flandrie, promittimus nos seruare. Secundus articulus dubitationis fuit de precibus siue precariis seu donis cummunibus sic A faciendis ab hominibus dicte terre, uel si excantie ibi aduenirent. Dicebat idem rex quod poterat sibi illa specialiter retinere, nobis contrarium asserentibus et dicentibus quod, cum omnia que de terra predicta proueniunt, debeant esse communia, predicta uel aliquid predictorum non poterat specialiter retinere, etiam si ipsi ea specialiter donarentur, sicut nec poteramus et nos. Super hoc sic ordinatum est quod predicta omnia, quecumque proueniunt ex precariis, precibus siue donis communibus siue excantiis, tam in rebus mobilibus quam immobilibus, inter nos et heredes nostros, comites Flandrie, et dictum regem et heredes suos, comites Hollandie, equaliter diuidentur, etiam si alicui predicta dona communia specialiter donarentur, et sic pro nobis et nostris successoribus, comitibus Flandrie, promittimus nos perpetuo seruaturos. Tercius articulus dubitationis fuit de tenendis placitis in terra Zelandie, de equitandis bannitis, de iurisdictione et iusticia exercendis. Dicebat enim idem rex quod ipse tenebat placita, equitabat bannitos, exercebat iurisdictionem et iusticiam in terra Zelandie, nos uero dicebamus quod hoc non poterat facere sine nobis uel balliuo nostro. Super hiis ordinatum est et compositum quod ipse et heredes sui, comites Hollandie, tenentur audire placita, equitare bannitos et omnem iurisdictionem et iusticiam exercere in terra Zelandie infra terminos suprascriptos nobiscum et cum heredibus nostris, comitibus Flandrie, uel nostro balliuo, nec ipse sine nobis uel nostro balliuo potest facere, nec nos sine ipsis illa uel aliqua de predictis. Item emendas taxare non poterit nec excantias nec forefacta remittere uel de ipsis componere sine nobis uel heredibus nostris, comitibus Flandrie, uel balliuo nostro, nec nos sine ipsis, sed omnia que de huiusmodi uel aliis quibuscumque proueniunt, inter nos et ipsum et heredes suos, comites Hollandie, equaliter diuidentur; et sic in perpetuum dictus rex pro se et suis heredibus, comitibus Hollandie, promisit se seruaturum, et nos pro nobis et heredibus nostris, comitibus Flandrie, promittimus nos seruare. Item conquerebamur quod idem rex fecerat ibi aliquas uillas franchas, cum facere non posset quia in tota terra predicta non debet esse uilla francha nisi Middelbourg que ab antiquo fuit francha. Idem autem rex recognoscit, consentit et confitetur quod ibi non potest construere uel edificare uillas franchas nec factis seu edificatis dare franchisiam siue libertatem, nec etiam nos uel heredes nostri, comites Flandrie, possumus hoc facere, quia bene recognoscimus quod non potest ibi esse aliqua francha uilla nisi Middelbourg que franchisiam habuit ab antiquo; et si aliquibus uillis uel alicui uille ipse rex dedit franchisiam, eam quantum in ipso est, penitus reuocauit, et similiter nos reuocauimus, nec permittet quod utantur franchisia sibi data. Cum autem dictus rex nobis deberet sex milia librarum Flandrensis, monete et quedam arreragia estimata ad ualorem decem milium librarum eiusdem monete, sicut parate eramus probare, ad preces dicti legati et ob reuerentiam sedis apostolice distulimus et suspendimus repetitionem dictarum sedecim milium librarum, ita quod nec nos nec heredes nostri, comites Flandrie, dictam pecunie summam poterimus repetere a dicto rege uel ab heredibus suis, comitibus Hollandie, nisi ipse uel heredes sui contra istam pacem uenirent; si uero, quod absit, dictus rex uel heredes sui, comites Hollandie, uenirent contra pacem predictam, poterimus nos uel heredes nostri, comites Flandrie,, illam pecuniam repetere, et dictus rex professus est et profitetur quod ipse uel heredes sui, comites Hollandie, tenentur nobis et heredibus nostris, comitibus Flandrie,, reddere dicta sedecim milia librarum et satisfacere integre de eisdem. Quia uero pacem istam cupimus perpetuo et inuiolabiliter obseruari, uolumus, consentimus et a dicto legato petimus, supponentes nos sue iurisdictioni et potestati ac uenerabilium patrum --- Tornacensis et --- Cameracensis episcoporum, quibus ipse hoc de nostro consensu commisit, ut, si nos uel heredes nostri, comites Flandrie, contra pacem istam uel aliquem pacis articulum ueniremus et requisite in curia nostra Brugis uel heredum nostrorum, comitum Flandrie, nollemus hoc prout homines nostri, pares comitis Hollandie, iudicarent, emendare, quod dicti prelati uel alter eorum si alter non superesset uel esset legitimo impedimento detentus, terram Flandrie et dicte Zelandie possint supponere ecclesiastico interdicto si infra quadraginta dies post monitionem ipsorum uel alterius eorum non duxerimus emendandum, et tenemur nos et heredes nostri conducere nuncium uel nuncios qui mittentur pro interdicto ponendo. Insuper renunciat in hiis omnibus dictus dominus ex pro se et suis successoribus, comitibus Hollandie, omni iuri quod competit ipsi uel posset competere, canonico uel ciuili, appellationi ad quamcumque curiam, omni priuilegio obtento seu etiam obtinendo. Et dicti prelati habebunt similiter potestatem quod, si dictus rex uel heredes sui, comites Hollandie, contra predictam pacem uel aliquod predictorum facerent et requisiti nollent coram nobis stare iuri uel emendare quod factum esset contra pacem per iudicium hominum nostrorum, parium suorum, in curia nostra Brugis, possent terram ipsius regis, scilicet Hollandiam et Zelandiam, ecclesiastico supponere interdicto uel alter eorum, prout superius est expressum, si infra quadraginta dies post monitionem ipsorum uel alterius eorum non duxerint emendandum quod factum esset contra pacem, nec relaxabitur interdictum donec illud fuerit emendatum, et renunciamus in hiis omnibus pro nobis et nostris heredibus, comitibus Flandrie, omni iuri quod competit nobis uel posset competere, canonico uel ciuili, appellationi ad quamcumque curiam, omni priuilegio obtento seu etiam obtinendo. Pacem istam superius annotatam et cartas super hoc factas uel concessas ab ipso rege et suis predecessoribus promisit idem rex pro se et suis successoribus, comitibus Hollandie, bona fide in perpetuum et inuiolabiliter in omnibus et singulis se seruare, renuncians expresse omni iuri, omni carte, omni priuilegio a quocumque dato uel dando, quod dicto regi uel eius heredibus, comitibus Hollandie, competit uel in futurum competere possit in predicta terra Zelandie contra predicta et quodlibet predictorum in hac pace contentorum; et nos similiter pro nobis et heredibus nostris, comitibus Flandrie, promittimus dictam pacem et cartas super hoc factas bona fide inperpetuum et inuiolabiliter in omnibus et singulis nos seruare, renunciantes expresse omni iuri, omni carte omnique priuilegio a quocumque dato uel dando, quod nobis et nostris heredibus, comitibus Flandrie, competit uel in futurum competere possit in predicta terra Zelandie contra predicta et quodlibet predictorum in hac pace contentorum. Et ipsam pacem et cartas supradictas tenere fideliter et non contrauenire, de speciali mandato ipsius regis, tactis sacrosanctis ewangeliis, in animam ipsius regis, ipso presente, magister Arnulphus prothonotarius suus iurauit inuiolabiliter et in perpetuum obseruare; et similiter ipsam pacem et cartas supradictas tenere fideliter et non contrauenire, de speciali mandato nostro, tactis sacrosanctis ewangeliis, in animam nostram, nobis presentibus, magister Adam Toutere canonicus Sonegiensis iurauit inuiolabiliter et in perpetuum obseruare; et petiuimus pacem istam a domino legato predicto confirmari, et domino pape supplicamus quod eam confirmare dignetur. Supradicta omnia et singula tam nostro sacramento quam ipsius regis firmata tenebuntur firmare heredes uel successores ipsius regis, comites Hollandie, nobis et heredibus uel successoribus nostris, comitibus Flandrie, cum omnibus hominibus suis quos nos et predicti heredes nostri habere uoluerimus, proprio iuramento et innouare iuramentum de pace tenenda et seruanda quotiens nos et predicti heredes nostri, comites Flandrie, uoluerimus innouatio nem predicte pacis et harum conuentionum habere; si uero idem rex uel successores ipsius, comites Hollandie non possent, modo uel quando uellemus innouationem iuramenti habere, adducere omnes quos nos et dicti heredes nostri nominaremus, nos uel predicti heredes nostri nuncium nostrum mittemus sub conductu predicti regis uel heredum et successorum suorum, comitum Hollandie, ut iuramentum faciant presente misso nuncio nostro quod in presentia nostra et predictorum heredum uel successorum nostrorum deberent facere. Ut autem hec omnia et quecumque etiam in carta dicti domini regis necnon in litteris predecessorum suorum continentur, inconcussa in perpetuum maneant et consistant, hanc presentem paginam sigilli nostri auctoritate corroborando muniuimus et testes qui interfuerunt, subscribi fecimus. Sunt autem hec eorum nomina: uenerabiles patres dominus Petrus Albanensis episcopus, apostolice sedis legatus, Nicholaus Cameracensis et Petrus Cathalanensis episcopi, nobiles uiri Iohannes de Auesnes, Guido aduocatus Atrebatensis et Iohannes de Dampetra, dilecti filii nostri, --- abbas de Ekmunda, --- abbas Sancti Trudonis, Arnoldus de Diest, Giselbertus de Amestella, Henricus Buffels, Hugo de Cralinghe, Henricus de Striena, Simon de Zubburg, Razo de Gauera, Arnulphus de Cysonio, Arnulphus de Maritania, Iohannes de Ghistelle, Willelmus de Maudenghem, --- castellanus Gandensis, Theodoricus de Beuera, Gerardus de Rodes, Eustachius de Rodio, Henricus de Hufalisia, Baldricus de Rosin et Balduinus de Balliolo, milites, et alii quamplures. Actum Bruxellie anno Domini millesimo ducentesimo quinquagesimo, feria quinta post Pentecosten. | |
| Source | KRUISHEER J.G. 1986 |
| TRADITION |
|
Original
|
Yes
The Hague, Nationaal Archief [NL-HaNA], Graven van Holland, nummer toegang 3.01.01, inventarisnummer 643 |
| EDITIONS AND SECONDARY LITERATURE |
|
Editions
|
VAN MIERIS F.. Groot charterboek der Graaven van Holland, van Zeeland en Heeren van Vriesland : beginnende met de eerste en oudste brieven van die landstreeken, en eindigende met den dood van onzegraavinne, vrouwe Jacoba van Beijere, 4 vol., Leyden, 1753-1756., 1, p.258-260, |
| KLUIT A.. Historia critica comitatus Hollandiae et Zelandiae, 4 vol., Medioburgi, 1777-1782., II,2, n.170, p.575-586, LINK LINK LINK LINK LINK | |
| MEERMAN J.. Geschiedenis van graaf Willem van Holland, Roomsch konig, Aanhang van het vierde deel, S'Graavenhaage, 1783-1797., 2, n.69 (édition fragmentaire), p.353-354, LINK LINK LINK LINK LINK | |
| VAN DEN BERGH L.P.C.. Oorkondenboek van Holland en Zeeland tot het einde van het Hollandsche Huis (1229), Amsterdam-'s Gravenhage, 1866-1873., 1, n.514, p.274-276, | |
| KRUISHEER J.G.. Oorkondenboek van Holland-Zeeland tot 1299. II: 1222 tot 1256, Assen, 1986., 2, n.849, p.499-508, LINK LINK | |
| Secondary literature | KRUISHEER J.G.. Oorkondenboek van Holland-Zeeland tot 1299. II: 1222 tot 1256, Assen, 1986., 2, p.499, LINK LINK |
| DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.428, LINK LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 4, p.588, LINK LINK | |
| KORT J.C.. Inventaris van het archief van de Graven van Holland, 1189-1581 (ca. 1650) , Toegangsnummer: 3.01.01 (28/02/2018, Nationaal Archief)., Ressource éléctronique, inventaris 643, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
