‹
›
retourner aux résultats
| DiBe ID | 7155 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Evrard d’Avesnes Institution/juridiction: Tournai Diocèse: Diocèse Tournai Principauté: Flandre Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Evrard d’Avesnes Institution/juridiction: Tournai Diocèse: Diocèse Tournai Principauté: Flandre Ordre religieux: |
|
Fonction/titre:
miles/chevalier Nom: Jean Institution/juridiction: Tressin Diocèse: Diocèse Tournai Principauté: Flandre Ordre religieux: |
|
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Cysoing Diocèse: Diocèse Tournai Principauté: Flandre Ordre religieux: Arrouaise |
| DATATION |
|
Datation interprétée
(préférentielle) |
24/3/1183 (terminus ante quem - PYCKE-VLEESCHOUWERS) |
|
Datation interprétée
(toutes) |
//1183 (approximation - DE COUSSEMAKER/COPIE GODEFROY 137) Qualification érudite: - |
| 24/3/1183 (terminus ante quem - PYCKE-VLEESCHOUWERS) Qualification érudite: - | |
| 25/3/1182 (terminus post quem - PYCKE-VLEESCHOUWERS) Qualification érudite: - | |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | l'évêque de Tournai (Hainaut) confirme la vente par Jean de Tressin (Nord, Lille, Templeuve, Tressin) à l'abbaye de deux parties de la dîme de Chéreng (Nord, Lille, Templeuve, Chéreng) |
|
Description
|
Langue:
latin Véracité: document non suspecté Tradition de l'acte: original Nature diplomatique: charte |
| TEXTE DU DOCUMENT |
| In nomine sanctę et indiuiduę trinitatis patris et filii et spiritus sancti. Ego Eurardus per misericordiam dei Tornacensis episcopus uniuersis sanctę matris ęcclesię filiis in perpetuum. Quoniam aureis seculis periculosa tempora successerunt et partes seruorum dei quę respectu cęlestis prouidentię ad usus ęcclesiarum consecrantur seculares filii sinistro latere persecuntur decet pastoralis curę prouidentiam diffidentię filiis extento brachio contraire et integras seruare partes christi ut thesaurus ęcclesiastici census qui cotidianis inimicorum crucis christi pulsatur incursibus episcoporum qui sacris curis superintendunt religiosa sollicitudine conseruetur. Est quędam parrochia in nostra diocesi quę uocatur Cherenz ad corpus spectans Cysoniensis ęcclesię in qua quidam miles Iohannes de Tresin duas partes decimę quę ad sanctuarium illius ęcclesię pertinent sicut de patribus transire solet ad filios hereditarię successionis ordine possidebat. Hic Iohannes paupertatis loro non modice castigatus cum alieni fenoris inopia grauaretur illas partes decimę quas habebat ęcclesię sancti Calixti accepta caritate ęcclesię pro centum quadraginta quinque marcis argenti uendidit et pro remedio animę suę et patrum suorum cum uxore sua et filiis eidem ęcclesię super altare coram liberis comitis hominibus in elemosinam dedit approbante comite qui firmitate sui consilii prouidere uolens ęcclesię libertati ne aliqua contra ęclesiam in posterum posset super hoc iniuria nasci rem totam liberorum suorum hominum judicio mancipauit querens si ęcclesia sine nota alienę inuasionis istis posset largitionibus promoueri. Quorum judicium et sententia fuit ut Iohannes decimam suam domino suo Symoni de Lalaing redderet a quo eam tenebat Symon Amalrico de Landast Amalricus comiti cuius potestati summa illius facti auctoritas uidebatur inniti. Quod et factum est. Cum autem per singulos dominos deuenisset in manu comitis et nichil a dominis precedentibus in decima posset clamari comes iterato liberorum hominum judicio et ab eis accepto quod ubi uellet concedere eam posset conuocato domino Samuhele tunc Cysonii abbate et fratribus qui presentes erant eamdem decimam pro sua anima et predecessorum suorum animabus ęcclesię beatissimi papę et martyris Calixti in elemosinam concessit. Et ne posterorum ingeniosa crudelitate posset ęcclesia grauari predictam decimam inpressione sui sigilli signatis testibus ęcclesię confirmauit. Nos uero quibus incumbit specialiter ęcclesiis prouidere decimam illam ad ęcclesiam suam quasi menbrum ad proprium corpus redisse gaudemus et quod factum est ęcclesiastica liberalitate laudamus et uniuersos qui pactum hujus tam sacri fęderis uiolare uoluerint ęterna excumunicatione dampnamus et ne uel antiquitate temporum uel malignitate gentium possit largitio facta mutari ad robur ęcclesię confirmandum predictam decimam predictę ęcclesię sigilli nostri signaculo quasi in ęternum uiuente ymmagine confirmamus significatis testibus quorum hęc sunt nomina. Signum domni Eurardi Tornacensis episcopi. Signum Arnulfi decani. Signum Gossuini archidiaconi. Signum Theoderici archidiaconi. Signum Theoderici prepositi. Signum Theoderici Condatensis decani. Signum Iohannis cantoris. Signum Rogeri capellani. Signum Iuonis sancti Martini abbatis. Signum Eustachii abbatis de Pratis. Signum Danielis abbatis. Signum Gonteri decani. Signum Thomę signum Henrici signum Lamberti signum Gilleberti signum Walteri signum Raineri signum Oliueri signum Stephani signum Gossuini signum Winomari signum Symonis signum Mathei signum Hugonis signum Symonis canonicorum. Signum magistri Henrici. | |
| Source | DE COUSSEMAKER I. 1886 |
| TRADITION |
|
Original
|
Oui
Lille, Archives départementales du Nord [AD], 38H 26/98 |
| Manuscrit(s) | Lille, Médiathèque municipale Jean Lévy [BM], Manuscrit 113 (Collection GODEFROY 137) (1601-1700) |
| EDITIONS ET TRAVAUX |
|
Edition(s)
|
DE COUSSEMAKER I.. Cartulaire de l'abbaye de Cysoing et de ses dépendances (867-XVIIe s.), Lille, 1886., n.44, p.59-62, LIEN LIEN |
| PYCKE J.-VLEESCHOUWERS C.. Les actes des évêques de Tournai (1146-1190). Episcopalis officii sollicitudo II, vol. 2 (Tournai – Art et Histoire, Instruments de travail, 22), Louvain-la-Neuve, 2014. , n.132, p.183-184, | |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1270, LIEN LIEN |
| FOUREZ L.. Les sceaux à effigie des évêques de Tournai , dans: Revue belge de numismatique et de sigillographie, 96 (1950), p.89-100., n.8 et planche VIII,3, p.91-92, LIEN | |
| VLEESCHOUWERS C.. Chronologische problemen aangaande de bisschoppen van Doornik (1146-1218): episcopaatsjaren en jaarstijl, dans: Handelingen van het Genootschap voor Geschiedenis "Société d'Emulation" te Brugge, 117 (1980), p.5-55., note 80, p.26, | |
| DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band III. Regering van Filips van de Elzas (Tweede deel: 1178-1191) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2009., note 6, p.134-136, | |
| PYCKE J.-VLEESCHOUWERS C.. Les actes des évêques de Tournai (1146-1190). Episcopalis officii sollicitudo II, vol. 2 (Tournai – Art et Histoire, Instruments de travail, 22), Louvain-la-Neuve, 2014. , p.183, | |
| PIETRESSON DE SAINT-AUBIN P. & A.-M.. Répertoire numérique. Série H. Tome II. Ordres religieux divers. Ordres militaires. Hôpitaux et établissements de bienfaisance. 36 H à 214 H (Archives départementales du Nord), Avesnes-sur-Helpe, 1943., col.2, p.114, LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
