‹
›
retourner aux résultats
| DiBe ID | 2178 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Radbod II Institution/juridiction: Noyon-Tournai Diocèse: Diocèse Noyon Principauté: France Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Radbod II Institution/juridiction: Noyon-Tournai Diocèse: Diocèse Noyon Principauté: France Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Eudes abbé Institution/juridiction: Tournai (S.Martin) Diocèse: Diocèse Tournai Principauté: Flandre Ordre religieux: Bénédictins |
| DATATION |
|
Datation interprétée
(préférentielle) |
//1094 (donnée par document / mentioned in document - ) |
|
Datation interprétée
(toutes) |
//1094 (donnée par document / mentioned in document - ) Qualification érudite: - |
|
Date dans la charte
|
//1094 |
|
Date de lieu (dans le texte) |
Noviomi |
|
Date de lieu (normalisée) |
Noyon (FRANCE, Hauts-de-France, Oise)
Diocèse: Diocèse Noyon Principauté: France |
| RESUME ET DESCRIPTION |
| Résumé | l'évêque de Noyon-Tournai approuve la restauration de l'abbaye par Eudes , écolâtre de Tournai |
|
Description
|
Langue:
latin Véracité: document non suspecté Tradition de l'acte: original Nature diplomatique: charte |
| TEXTE DU DOCUMENT |
| -CRUX- IN NOMINE PATRIS ET FILII ET SPIRITUS SANCTI. EGO RABBODUS , Nouiomensium seu Tornacensium episcopus, omnimodam salutem tam futuris quam pręsentibus. Nouerit karitas uestra, fratres dilectissimi, ęcclesiam Sancti MARTINI modici, quę in monte modico prope muros urbis Tornacensis sita est, antiquitus abbatiam fuisse, uerum paganis in ipsam ciuitatem irruentibus destructam et in laicalem postmodum ditionem redactam ad nihilum pene deuenisse. Adeo autem eiusdem ęcclesię percrebuit desolatio ut nec ad plenum unius saltem sacerdotis deseruiri posset officio. Congregatio siquidem illa hostili manu dispersa est et abiit. Familia eiusdem ęcclesię interempta est et deperiit. Terras eius laicalis manus in beneficio de manu antecessorum nostrorum et nostra longo post tempore habuit. Anno uero incarnationis dominicę M XC II ęcclesiolę illius rememorans pia Dei misericordia, fratris ODONIS et aliorum quattuor mentes spirituali cęlitus inflammauit gratia qui uno eodemque animo cum se huius seculi cenulenta pertimescerent implicari uoragine elegerunt magis in prefata ęcclesia Deo in pauperie deseruire quam animarum suarum ad perditionem diuitiis secularibus habundare. Cum ergo hac ex causa nostram adissent presentiam consilio et assensu RODULFI aduocati qui tunc temporis eam iure possidebat hereditario sub clericorum ac laicorum testimonio eandem eis cum adiacenti solummodo atrio concessimus ecclesiam, ea scilicet conditione ut eam libere utpote abbatiam haberent et inibi sub regula sancti Augustini tanquam regulares canonice Deo deseruirent. Anno autem altero introitus eorum maiori adhuc diuinitus inspirati sunt desiderio utpote qui iam bonorum allaborabant interesse collegio. Ut enim Deo plenius deseruirent quod artius ęstimabant sponte elegerunt et diuinę se gratię deuouentes habitum sancti BENEDICTI compuncte susceperunt. Percepta itaque infatigabili eorum perseuerantia in eodem anno – Deo annuente – indigenarum elemosinis adeo illa succreuit ęcclesia ut ibi XVII sub ditione predicti ODONIS abbatis monachi substituerentur et ad seruiendum Deo et sancto MARTINO secundum sancti BENEDICTI regulam ordinarentur. Uidentes ergo circamanentes aliquantulam fratrum deuotionem terrarum quas antiquitus abbatia illa tenuerat nobis fecere mentionem quatinus eas recolligeremus et usibus fratrum quibus deputatę fuerant pro remissione peccatorum nostrorum redderemus. Quorum beniuolis petitionibus – licet difficillimum uideretur – beniuole condescendentes aduocatum Rodulfum, quem eas tunc temporis in beneficio tenere didicimus, benigne conuenimus et pro consolatione animę suę quid ei super hoc faciendum foret ex officio nostro intente suggessimus. Et o inedicibilis Spiritus Sancti gratia inflammatum ilico cor hominis benigne ad omnia respondit, terras illas Sancti MARTINI quas in suo possidebat dominio libere ut eas ęcclesię illi restitueremus reddidit aliasque omnes eiusdem ditionis quas in uadimonio seu in beneficio alii de illo habebant quandocumque seu per redemptionem seu per eorum qui eas tenebant elemosinariam manumissionem ad ęcclesiam deuenire possent liberas uotiue concessit. Nouerit ergo ętas et sexus omnis quos contigerit audire terras omnes illas quas antiquitus ęcclesia illa tenuit predictum Rodulfum una nobiscum ęcclesię Sancti Martini quacumque hora, quoquo modo ab illis qui eas hactenus habuere liberari poterunt Sancto MARTINO libere concessisse et in usum fratrum inibi degentium amodo et in perpetuum habendas libere reddidisse. Ut uero hęc nostra recognitio inconuulsa maneat in seculum kartę huic paruitatis nostrę impressimus sigillum ut si quis eam scienter amodo uiolauerit, nisi ad emendationem redierit, Dei et sanctorum omnium et postmodum excommunicationis nostrę inenodabile incurrat uinculum. -CRUX- Signum DOMNI RABBODI EPISCOPI . S. Balderici archidiaconi. S. Petri cantoris. S. Ernulfi presbiteri. S. Roscelini presbiteri. S. Maurini presbiteri. S. Huberti presbiteri. S. Gerardi diaconi. S. Gerelmi diaconi. S. Aloldi diaconi. S. Anselmi diaconi. S. Ernulfi subdiaconi. S. Stephani subdiaconi. S. Hugonis subdiaconi. S. Desiderii subdiaconi. S. Landrici accoliti. S. Odonis accoliti. S. Petri accoliti. S. Hagenonis accoliti. S. Hugonis castellani. S. Hugonis Calniacensis. S. Landrici militis. S. Raineri militis. S. Helinandi militis. S. Sasgualonis militis. S. Goisberti militis. S. Gualteri Tornacensis archidiaconi. S. Petri decani. S. Herimanni prepositi. S. Elberti cantoris. S. Stephani presbiteri. S. Hellini presbiteri. S. Iohannis presbiteri. S. Ledberti diaconi. S. Sigeri diaconi. S. Tedberti diaconi. S. Geldulfi subdiaconi. S. Bernuini subdiaconi. S. Tedberti subdiaconi. S. Ingelbrandi accoliti. S. Werrici accoliti. S. Eurardi castellani. S. Rodulfi aduocati. S. Hugonis militis. S. Gunteri militis. S. Radbodi militis. S. Theoderici prepositi. S. Radulfi militis. S. Ledberti militis. Actum Nouiomi, anno incarnationis dominicę M XC IIII, indictione I, regnante rege Philippo anno XXXVI, domno R[adbodo] episcopante anno XXVI . Ego Guido cancellarius legi et subterfirmaui . | |
| Source | PYCKE J.-VLEESCHOUWERS C. 2015 |
| TRADITION |
| EDITIONS ET TRAVAUX |
|
Edition(s)
|
D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, n.1, p.1-3, LIEN LIEN |
| PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , n.88, p.132-136, | |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.587, LIEN LIEN |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.175, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.90, LIEN LIEN | |
| ROLLAND P.. Notes de chronologie tournaisienne, dans: Bulletin de l'Académie royale d'Archéologie de Belgique, 1925, p.58-73., p.12-13, | |
| NELIS H.. La minuscule caroline en Flandre et dans le Nord de la France aux XIe et XIIe siècles, dans: Annales de la Société d’Émulation de Bruges, 66 (1923), p.5-18., p.7, |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
