Diplomatica Belgica - Details Chartre 1934

DiBe ID

1934

ACTEURS

Auteur(s)
(= auteur de l'acte écrit)

Fonction/titre: pape
Nom: Eugène III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Eugène III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Godescalc abbé
Institution/juridiction: Affligem
Diocèse: Diocèse Cambrai
Principauté: Brabant (Leuven)
Ordre religieux: Bénédictins

DATATION

Datation interprétée (préférentielle)	3/4/1148 (donnée par document / mentioned in document - )
Datation interprétée (toutes)	3/4/1148 (donnée par document / mentioned in document - ) Qualification érudite: -
Date dans la charte	3/4/1148
Date de lieu (dans le texte)	Remis
Date de lieu (normalisée)	Reims (FRANCE, Grand Est, Marne) Diocèse: Diocèse Reims Principauté: France

RESUME ET DESCRIPTION

Résumé	confirme à l'abbaye la possession de ses biens et privilèges (énumération)
Description	Langue: latin Véracité: document non suspecté Tradition de l'acte: original Nature diplomatique: bulle

TEXTE DU DOCUMENT


Eugenius episcopus seruus seruorum dei dilecto filio Godescalco abbati Haffligeniensis monasterii eius que successoribus regulariter substituendis in perpetuum. Desiderium quod ad religionis propositum et animarum salutem pertinere dinoscitur auctore deo sine aliqua est dilatione complendum. Ea propter dilecte in domino fili Godescalce abbas tuis iustis postulationibus clementer annuimus et beati Petri Haffligeniense monasterium cui deo auctore preesse dinosceris ad exemplar predecessorum nostrorum sancte memorie Paschalis et Calixti Romanorum pontificum sub beati Petri et nostra protectione suscipimus et presentis scripti priuilegio communimus statuentes ut quascumque possessiones quecumque bona idem monasterium inpresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis deo propitio poterit adipisci firma tibi tuis que successoribus et illibata permaneant. In quibus hec propriis duximus exprimenda uocabulis. Ecclesiam de Ascha a personatu et episcopali obsonio liberam et quietam et quicquid comes Henricus bonę memorię consentiente fratre suo Godefrido prefato monasterio de sui iuris alodio dinoscitur contulisse. Ecclesiam sancti Petri in Frasna. Cellam et ecclesiam sancti Andree prope Brugis. Cellam et ęcclesiam sancte Marie in Wauera. Cellam et ęcclesiam sancte Marie in Bornehem. Cellam sancte Marię in Friderbecca cum ecclesiis de Lindina et Willibrinca. Ecclesiam in Genapia ex dono comitissę Idę Bononiensis alodium cum terris et siluis. In ipsa uilla Genopia terram quam prefatum monasterium habet sub annuo censu ab ecclesia Nuuellensi et in Lenlo et Ausele. Monasteria sanctimonialium in Forest et Bigardis. Ecclesias quoque de Eschen Heclengem Morcelle Winze Hardinxem Heremboldengem Martines Leuedalee Merbeca Osensella Lundercella Linsella Puderce Bacerrot cum omnibus eorum pertinentiis liberas a personatu saluis dumtaxat episcopalibus obsoniis. Terras in Anglia ex dono Adeleidis uxoris Henrici regis Anglorum in Idesworda et Westmeredona. In Fronedic et Pakenge bercarias ex dono Theoderici comitis Flandrensis et Clementię comitisse uxoris Roberti comitis. In Selleca Cobegem et Getta allodia. Quicquid uero libertatis et immunitatis a Cameracensibus episcopis Gerardo Odone Burchardo et Nicholao eidem monasterio iuste collatum est uobis nichilominus confirmamus. Crisma oleum sanctum consecrationes altarium seu basilicarum ordinationes monachorum qui ad sacros ordines fuerint promouendi a diocesano suscipiatis episcopo siquidem gratiam atque communionem apostolicę sedis habuerit et ea gratis et absque prauitate uoluerit exhibere. Alioquin liceat uobis catholicum quem malueritis adire antistitem. Qui nimirum nostra fultus auctoritate quod postulatur indulgeat. Obeunte uero te nunc eiusdem loci abbate uel tuorum quolibet successorum nullus ibi qualibet surreptionis astutia seu uiolentia preponatur nisi quem fratres communi consensu uel fratrum pars consilii sanioris secundum dei timorem et beati Benedicti regulam uel de suo uel de alieno si oportuerit collegio elegerint. Illud quoque adiungimus ut uestri monasterii aut ęcclesiarum uestrarum aduocatis facultas non sit pro se personam aliquam in aduocatia supponere per quam eiusdem cenobii bona aut ecclesiarum dissipentur. Decernimus ergo ut nulli omnino hominum liceat prefatum cenobium temere perturbare aut eius possessiones auferre uel ablatas retinere minuere aut aliquibus uexationibus fatigare set omnia integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolice auctoritate et diocesanorum episcoporum canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax domini nostri Iesu christi quatinus et hic fructum bone actionis percipiant et apud districtum iudicem premia eternę pacis inueniant. Amen. Amen. Amen. -rota- ego Eugenius catholicę ęcclesię episcopus subscripsi. -monogramma- datum Remis per manum Guidonis sancte Romane ecclesie diaconi cardinalis et cancellarii III nonas aprilis indictione XI incarnationis dominice anno M° C° XLVIII° pontificatus uero domni Eugenii III pape anno IIII°.

Source	DE MARNEFFE E. 1894

TRADITION

Original	Oui Leuven, Rijksarchief [RA], A eccl. 4607/10
Manuscrit(s)	Leuven, Rijksarchief [RA], Kerkelijk Archief Vlaams-Brabant 4623 (1401-1500)
	Leuven, Rijksarchief [RA], Kerkelijk Archief Vlaams-Brabant 4629 (1699-1700)
	Louvain-la-Neuve, Archives de l'Etat [AE], Archives ecclésiastiques du Brabant wallon 5404 (1601-1700)
	Louvain-la-Neuve, Archives de l'Etat [AE], Archives ecclésiastiques du Brabant wallon 5406 (1501-1600)
	Termonde, Archief Sint-Pieters en Paulus Abdij [A Abdij], Hafflighemum illustratum, Tomus I ()

EDITIONS ET TRAVAUX

Edition(s)	DE MARNEFFE E.. Cartulaire de l'abbaye d'Afflighem et des monastères qui en dépendaient (1086-1245) (Analectes pour servir à l'Histoire ecclésiastique de Belgique, IIe Section: Cartulaires et documents étendus), Louvain, 1894-1901., n.79, p.121-124,
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.9220, p.54, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.290, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.173, LIEN LIEN