Diplomatica Belgica - Record 9738
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 9738
ACTORS
Issuer(s)
(= author) 		Function/title:  bishop
Name:  Alvisus
Institution/jurisdiction:  Arras

Diocese:  Diocese Arras
Principality: Flanders
Religious order: 

Author(s) of the actio juridica 

(= disposer)

Function/title:  bishop
Name:  Alvisus
Institution/jurisdiction:  Arras

Diocese:  Diocese Arras
Principality: Flanders
Religious order: 
Function/title:  count/countess
Name:  Clementia of Burgundy
Institution/jurisdiction:  Flanders

Diocese:  Diocese Tournai
Principality: Flanders
Religious order: 
Beneficiary(ies)

(= recipient)

Function/title:  monastic house
Name:  Drogo prior
Institution/jurisdiction:  Lihons-en-Santerre

Diocese:  Diocese Amiens
Principality: France
Religious order:  Benedictines
DATE
Scholarly dating
(preferential) 		//1142 (donnée par document / mentioned in document - )
Scholarly dating
(any) 		//1142 (donnée par document / mentioned in document - ) Scholarly qualification: -
Date in the charter
//1142

Place-date

(in the text)

Place-date

(normalised)


Diocese:  Principality: 
SUMMARY AND DESCRIPTION
Summary notifie et confirme que la comtesse Clémence a reconnu n'avoir aucun droit sur la moitié de "Francavilla" et sur trente-six courtils à Bapaume dont elle contestait la possession au prieuré de Lihons-en-Santerre
Description
Language: Latin
Authenticity: unsuspected document Textual tradition: copy (records)
Nature of the charter: charter
FULL TEXT OF CHARTER
Ego Aluisus dei miseratione Atrebatensis episcopus tam futuris quam presentibus in perpetuum. Nos qui deo auctore pastoris nomine censemur et tante sollicitudinis onere premimur oportunum est ut quod ad nostrum spectat officium sollicite prosequamur quatinus ecclesiarum dei utilitati studiose prouidentes et sua iura pro uiribus conseruantes mereamur a domino consequi euge boni servi. Nouerit ergo tam etas presentium quam posteritas futurorum quod ecciesia Lehunensis dimidiam partem Franceuille que est juxta Batpalmas multis temporibus quiete possedit terram siluam que et redditus uille et triginta sex curtilia apud Batpalmas nullo reclamante diu optinuit que post multum temporis domina Clementia Flandrensium comitissa sublimitate preminens et potestate uigens predicta ecclesia reclamante contra deum sibi usurpauit et per aliquod tempus nec deum timens nec hominem reuerens eidem ecclesie uiolenter abstulit. Nos autem karissimo fratre nostro Drogone Lehunensi ecclesie uenerabili priore constanter iustitiam requirente eam canonice tractauimus Remensis que et Atrebatensis ecclesie iudicio dictante banno subiecimus. Que ad ultimum culpam suam confitens et jus Lehunensis ecclesie indubitanter cognoscens filio nostro Gotsuino Aquicinensi abbate presente et ad hoc exhortante prefato priori supradictam possessionem integre reconsignauit sigilli sui appositione confirmauit et sic ab ipso abbate Aquicinensi qui a nobis missus uices nostras in hoc optinebat absolutionem suscepit. Pontificali igitur auctoritate prenominatam uillam cum silva terra ei pertinentibus et triginta sex curtilia apud Batpalmas quantum ad nostram pertinet dignitatem quia de episcopatu nostro est Lehunensi ecclesie confirmamus et sigilli nostri imagine roborantes testes qui comitisse Clementie culpam confitenti et possessionem reddenti affuerunt subnotari precepimus. Signum Gotsuini abbatis Aquicinensis. Signum Galteri Balduini Simonis eiusdem ecclesie. Signum Iacob Lehunensis monachi. Signum Euerardi cancellarii. Signum Radulfi capellani. Signum Hugonis de Lambris. Signum Thome de Cortrai. Signum Raimbaldi fratris eius. Signum Odonis de Molinel. Adam. Raingeri de Duaco. Signum Gualteri de Costices. Ego Aluisus dei gratia Atrebatensis episcopus hoc priuilegium relegi subscripsi et in nomine patris et filii et spiritus sancti propria manu confirmaui. Actum est hoc anno domini M° C° XLII° indictione IIII anno autem pontificatus donni Aluisi Atrebatensis episcopi XI°. Ut autem hoc priuilegium firmus roboretur Atrebatensium personarum nomina subnotantur. Signum Luce Atrebatensis archidiaconi. Signum Petri prepositi. Signum Nicholai decani. Signum Thome cantoris. Signum Sasgualonis canonici.
Source TOCK B.-M. 1991
EDITIONS AND SECONDARY LITERATURE
Editions
TOCK B.-M.. Les chartes des évêques d'Arras (1093-1203) (Collection de Documents inédits sur l'Histoire de France, Série in 8°, 20), Paris, 1991., n.78, p.93-94, LINK LINK
CHARTAE GALLIAE. Base de données de chartes médiévales, Ressource électronique, F00066, LINK LINK
Secondary literature SPROEMBERG H.. Beitrage zur französisch-flandrischen Geschichte. Band I: Alvisus, Abt von Anchin (1111-1131) (Historische Studien, 202), Berlin, 1931., n.126, p.174,

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015