Diplomatica Belgica - Record 8713

DiBe ID

8713

ACTORS

Issuer(s) (= author)	Function/title: bishop Name: Stephen Institution/jurisdiction: Tournai Diocese: Diocese Tournai Principality: Tournaisis Religious order:
Author(s) of the actio juridica (= disposer)	Function/title: bishop Name: Stephen Institution/jurisdiction: Tournai Diocese: Diocese Tournai Principality: Tournaisis Religious order:
Beneficiary(ies) (= recipient)	Function/title: cathedral/collegiate chapter Name: Institution/jurisdiction: Tournai Diocese: Diocese Tournai Principality: Tournaisis Religious order:
	Function/title: miles/knight Name: Razo Institution/jurisdiction: Tournai Diocese: Diocese Tournai Principality: Tournaisis Religious order:

DATE

Scholarly dating (preferential)	18/10/1196 (donnée par document / mentioned in document - )
Scholarly dating (any)	18/10/1196 (donnée par document / mentioned in document - ) Scholarly qualification: -
Date in the charter	18/10/1196
Place-date (in the text)	Tornaci
Place-date (normalised)	Tournai (BELGIQUE, Région Wallonne, Hainaut) Diocese: Diocese Tournai Principality: Tournaisis

SUMMARY AND DESCRIPTION

Summary	après avoir entendu attentivement les "allegationes" et "attestationes" des chanoines de Tournai , Etienne statue que le "miles" Razo n'a aucun droit sur le domaine de Lamain qui est la propriété entière du chapitre
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Ego Stephanus dei permissione Tornacensis ecclesie humilis minister ordinarius iudex in cognitione cause que uertebatur inter ecclesiam beate Marie et Rassonem militem super libertate et immunitate terre beate Marie de Lameng tam canonicis quam predicto militi Rassoni diem experiendi et respondendi assignaui cum que primo secundo et tercio ante nos conuenissent et per negocii narrationem et alterius partis responsionem lis contestata esset cepit predictus Rasso miles dilatorias exceptiones opponere et ad plures citationes contumaciter abesse. Nos autem auditis allegationibus et attestationibus ex parte canonicorum et diligenter attendentes depositiones testium habita contumacia militis pro presentia quia nobis de causa plene liquebat iure odinario contrahentes heremoditium consilio prudentium uirorum qui nobis cum aderant pronuntiauimus supradictam terram de Lameng beate Marie Tornacensi ab omni iurisdictione exactione et justicia aliena tam predicti Rassonis quam quorumlibet aliorum liberam esse et immumen et tanquam proprium allodium tam ipsam terram quam hospites in ea manentes iurisdictioni et potestati ecclesie subiacere. Hanc autem diffinitiuam sententiam protulimus auctoritate attestationum que subscripte sunt. Arnulphus decanus capituli beate Marie Tornacensis ecclesie iuratus dixit se per uiginti et duos annos fuisse canonicum et numquam uidisse patrem Rassonis uel ipsum Rassonem aliquid nomine iusticie uel aduocationis in terra beate Marie de Lameng cepisse et uidisse se homines illius terre uenientes ad iusticiam canonicorum siue per christianitatem siue per terrenam iusticiam et addidit quia ante dominum Willelmum Remensem archiepiscopum ecclesia per diffinitiuam sententiam obtinuit omnimodum libertatem curtis sue in uilla illa. Terricus prepositus ecclesie iuratus dixit se per quinquaginta annos fuisse canonicum et cetera sicut decanus sed dixit sententiam illam diffinitiuam domini Remensi fuisse non solum de curte sed etiam de tota terra beate Marie in illa uilla. Dixit etiam quia homines illius terre coram ipso sicut coram preposito suo causa iusticie ueniebant et ipse pro causis emendationes habebat addidit etiam quia pater Rassonis aliquando examen apum inuentum in terra cepit et detinere uoluit sed per iusticiam reddere coactus est. Magister Guinomarus idem dixit quod decanus usque ad sententiam domini Remensis et illud usque est exclusiuum. Henricus hospitalarius iuratus dixit se uidisse et antequam esset canonicus et post homines illius terre de qua contenditur uenire causa iustificandi de omnibus placitis aliquando ante prepositum aliquando ante capitulum aliquando ante episcopum. De apibus dicit idem quod prepositus. Iohanes de Lauduno iuratus dixit se fuisse canonicum per quadraginta annos et de hominibus qui ueniebant placitare coram capitulo uel preposito et de apibus dicit idem quod prepositus. Galterus de Iabeccha iuratus idem dixit de apibus quod prepositus. Omnes isti dixerunt se numquam uidisse et se ab antecessoribus audisse quod neque Rasso neque pater suus aliquid haberent in terra beate Marie de Lameng. Bonus de Lameng scabinus dixit super iuramentum suum quod quadraginta annis et eo amplius scabinus fuit et uidit quod domina Beatrix uxor Rabbodonis de Dossemer tenebat terram in qua dominus Rasso clamat modo iusticiam de ecclesia beate Marie Tornacensis in tanta francisia quod iusticia tota penitus erat sua et nullus omnino aliquam iurisdictionem habebat in illa preter eam et ecclesiam. Et si aliquod forisfactum in ea forte contigisset coram ipsa litigabatur et per iurisdictionem suam quam tenebat de ecclesia lis terminabatur. Vidit post euenire quod quidam qui manebat in illa terra quasdam uaccas furtim abduxit et occidit qui postea captus ante ipsam adductus est tanquam hospes suus et fecit de illo iusticiam sicut placuit ei tanquam de hospite suo. Hiis adiecit quod eadem Beatrix in ultima egritudine sua dimisit et donauit illam terram ecclesie beate Marie Tornacensis cum ea libertate in qua eam tenebat. Vidit postea quam eadem terra uenit in potestate ecclesie beate Marie Tornacensis quod quidam Giroldus ratam clamauit illam terram et assumpto illo qui iusticiam domini Rassonis seruabat cum scabinis fecit capi carrucam in illa terra canonici hoc scientes fecerunt scitari predictos scabinos et illum qui tenebat iusticiam domini Rassonis qui omnes recognouerunt coram canonicis quod fecerant eis iniuriam et dixerunt quod amplius hoc non facerent et reddiderunt carrucam cum emendatione et canonici quitauerunt eis emendationem ad preces domini Euerardi Radol qui etiam coram omnibus ibi astantibus testificatus est quod iniuriam fecerant canonicis quia terra que propria et libera eorum erat ceperant carrucam. Idem Bonus adiecit quod ipse inuenit in illa terra quoddam examen apum quod cum sciret iusticiarius domini Rassonis accepit inde medietatem quam postea reddidit ecclesie tanquam ius suum. Vidit postea quando cruces assumpte sunt quod Gonterus de Moscin et Rasso ceperunt decimam de hospitibus ecclesie per uim sed ipsi post reddiderunt eam ecclesie et hospitibus per iudicium. In summa firmiter asseruit quod dominus Rasso nullam omnino iurisdictionem habet in terra uel hospitibus beate Marie. Willelmus iuratus idem testatus est per omnia. Ad maiorem ergo firmitatem nomina personarum de quarum consilio sententiam ipsam formaui feci subscribi et sigilla ipsarum cum sigillo nostro presenti pagine appendi. Signum Domini Stephani Tornacensis episcopi. Signum Iohannis abbatis sancti Martini Tornacensis. Signum Balduini abbatis sancti Nicholai Tornacensis. Signum Hugonis abbatis sancti Andree Brugensis. Signum Balduini electi Aldeburgensis. Signum Danielis prepositi Herlebeccensis. Actum Tornaci XV° kalendas nouembris anno dominice incarnationis M° C° XC° VI°.

Source	VLEESCHOUWERS-VAN MELKEBEEK M. 1985

TRADITION

Original	No
Manuscripts	Tournai, Archives de la Cathédrale, Cartulaire C (1101-1300)
	Tournai, Archives de la Cathédrale, Cartulaire D (1201-1400)

EDITIONS AND SECONDARY LITERATURE

Editions

VLEESCHOUWERS-VAN MELKEBEEK M.. De officialiteit van Doornik: oorsprong en vroege ontwikkeling (1192-1300) (Verhandelingen van de koninklijke Academie voor Wetenschappen, Letteren en schone Kunsten van België. Klasse der Letteren, 117), Brussel, 1985., p.36-37,