Diplomatica Belgica - Record 8685
DiplomataBelgica
Search | Tradition Search
DiBe 1 of 1
return to all results
DiBe ID 8685
ACTORS
Issuer(s)
(= author)
Function/title:  emperor/empress
Name:  Henry VI
Institution/jurisdiction:  Holy Roman Empire

Diocese:  Archbishopric Mainz
Principality: German Empire
Religious order: 

Author(s) of the actio juridica 

(= disposer)

Function/title:  emperor/empress
Name:  Henry VI
Institution/jurisdiction:  Holy Roman Empire

Diocese:  Archbishopric Mainz
Principality: German Empire
Religious order: 
Beneficiary(ies)

(= recipient)

Function/title:  cathedral/collegiate chapter
Name: 
Institution/jurisdiction:  Cambrai (Notre-Dame)

Diocese:  Diocese Cambrai
Principality: Cambrai
Religious order: 
Function/title:  monastic house
Name: 
Institution/jurisdiction:  Vaucelles

Diocese:  Diocese Cambrai
Principality: Cambrai
Religious order:  Cistercians
Function/title:  bishop
Name:  Peter I of Alsace
Institution/jurisdiction:  Cambrai

Diocese:  Diocese Cambrai
Principality: Cambrai
Religious order: 
DATE
Scholarly dating
(preferential)
26/4/1196 (donnée par document / mentioned in document - )
Scholarly dating
(any)
26/4/1196 (donnée par document / mentioned in document - ) Scholarly qualification: -
Date in the charter
26/4/1196

Place-date

(in the text)

apud Mogunciam

Place-date

(normalised)

Mainz (DEUTSCHLAND, Rheinland-Pfalz, - )

Diocese: 
Archbishopric Mainz Principality:  German Empire
SUMMARY AND DESCRIPTION
Summary confirme , en reprenant les mots du diplôme accordé par son père Frédéric I , empereur du S . Empire romain (DiBe 7050) , l'accord conclu entre l'évêque et le chapitre de Cambrai d'une part , et les moines de Vaucelles d'autre part
Description
Language: Latin
Authenticity: unsuspected document Textual tradition: original
Nature of the charter: diploma
FULL TEXT OF CHARTER
In nomine sancte et indiuidue trinitatis. Henricus dei fauente clemencia Romanorum imperator semper augustus et rex Sycilie. Placet magestati nostre et congruum atque racionabile uidetur, ut omnys nostra ordinatio, assensus et confirmatio de diuersis contractibus, qui inter diuersas ecclesias uel personas frequenter eueniunt, in scripto redigatur et in memoria atque noticia per successiones temporum posteris relinquatur. Eapropter cognoscant fideles imperii presentes et futuri, qualiter noster fidelis ac dilectus Petrus Cameracensis electus et cum eo maior ecclesia Cameracensis simul cum ecclesia Ualcellensi in una uoluntate conuenerunt suamque uoluntatem et conuentionem inter se stabiliter et concorditer firmauerunt, sicut in sequentibus declaratur. Contigit itaque, quod predecessor Petri Cameracensis electi pie uidelicet memorie episcopus Nicholaus fratribus de Ualcellis in elemosinam terram quandam nemorosam et incultam donauerat assensum prebente capitulo suo, ad cuius dominium tercia pars illius terre pertinebat, ea tamen interueniente pactione, ut de singulis carrucatis illius terre exculte duo modii, unus frumenti et alter auene, ad mensuram Cameracensem per singulos annos sibi et successoribus suis et capitulo suo censualiter soluerentur, episcopo duas partes huius census in Castello, capitulo Cameraci terciam recepturo. Adiectum est pactioni, ut singule carrucate XV essent modiorum determinatis terre limitibus in longitudine a silua sancti Martini usque ad Sambram, sicut profluit aqua de Gurguceon, in latitudine ab aqua de Gurguceon usque ad saltus et landas silue de Estruem. Porro quoniam in terra illa silue ueteres protenduntur, que Castelli et aliorum locorum circumiacentium in subsidium et munimen esse uidentur contra inpugnatorum incursus, uysum est predicto electo et maiori ecclesie Cameracensi toti regioni imminere periculum, si silue eradicarentur. Unde inito cum totius ecclesie Cameracensis personis consilio pro terra illa prenominatis fratribus aliam terram donauerunt toti regioni minus utilem et minora nemora continentem, que terra iacet inter terras de Balduiniualle et Sambram et noualia de Castello et aquam de Gurguceon, in qua terra quatuor carrucatas excolant, quarum singule secundum antiquum pactum XV fiant modiorum et duo modii censuales secundum prenotatam formam sepedicto electo et succcessoribus suis et ecclesie maiori annuatim soluantur. Concesserunt etiam eisdem fratribus Ualcellensibus X modiatas terre et quandam terram, quam Nicholaus episcopus pro quarta parte terragii de terra, que dicitur de Quartariis, fratribus excambiuit, eosdem quoque usus, quos homines de Castello in siluis, aquis et pascuis habere dinoscuntur. Predictam autem donationem et factam inter eos conuentionem, sicut in Petri Cameracensis electi et maioris ecclesie priuilegiis continetur, approbamus et nostra imperiali auctoritate confirmamus et presenti scripto, ut de cetero ratum et firmum in statu suo permaneat, roboramus adhibitis idoneis testibus, quorum nomina hec sunt: abbas de Eberbach, abbas de Claustro, abbas de Nouocastro, abbas de Blidenstat, prepositus maioris ecclesie in Maguncia, Henricus prepositus sancti Mauricii, palatinus comes, Theodericus marcio de Landesberc, Marquardus dapifer, Cuno de Mynzenberc, Trushart de Cesteneburc, Heroldus Eberbachensis. Signum domini Heinrici sexti Romanorum imperatoris inuictissimi et potentissimi regis Sicilię. -MONOGRAMMA- Ego Cunradus Hildensemensis ecclesie electus et imperialis aule cancellarius uice domini Cunradi Moguntine sedis archiepiscopi et Germanie archicancellarii recongnoui. Acta sunt hec anno ab incarnacione domini M°C°XC°VI°, indictione XIIII-a, regnante domino Henrico Romanorum imperatore inuictissimo et rege Sicilie gloriosissimo, anno regni eius XXVI°, imperii VI°, regni uero Sicylie II°; datum apud Mogunciam per manus Alberti imperialis aule prothonotarii VI° kalendas maii.
Source PFERSCHY-MALECZEK B. 2017
EDITIONS AND SECONDARY LITERATURE
Editions
CHARTAE GALLIAE. Base de données de chartes médiévales, Ressource électronique, F11244, LINK LINK
TOCK B.-M.. Les chartes de l'abbaye cistercienne de Vaucelles au XIIe siècle, (ARTEM. Atelier de Recherche sur les Textes Médiévaux, 12), Turnhout, 2010., n.149, p.217-219,
STUMPF K.F.. Die Reichskanzler, vornehmlich des X. , XI. und XII. Jahrhunderts : nebst einem Beitrage zu den Regesten und zur Kritik der Kaiserurkunden dieser Zeit, I-III, Innsbruck, 1865-1883., 3, n.199, p.278-280, LINK LINK
PFERSCHY-MALECZEK B.. Vorabedition Urkunden Heinrichs VI. für deutsche, französische und italienische Empfänger (Ressource électronique - 18/03/2017), BB 504, p.324-325, LINK
Secondary literature BOEHMER J.F.-BAAKEN G.. Regesta Imperii. IV. Aeltere Staufen. Dritte Abteilung: Die Regesten des Kaiserreiches unter Heinrich VI. 1165 (1190)-1197, Köln-Wien, 1972., n.504, p.205, LINK
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.396, LINK LINK
PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.3, LINK
LMU. Abbildungsverzeichnis der europäischen Kaiser- und Königsurkunden, Ressource éléctronique, RIH.VI.504 - 1196.04.26, LINK LINK

 

Collaborator: Philippe Demonty