‹
›
return to all results
| DiBe ID | 8534 |
| ACTORS |
|
Issuer(s)
(= author) |
Function/title:
count/countess Name: Philip of Alsace Institution/jurisdiction: Flanders-Vermandois Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Philip of Alsace Institution/jurisdiction: Flanders-Vermandois Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: Marchiennes Diocese: Diocese Arras Principality: Flanders Religious order: Benedictines |
|
Function/title:
other Name: Amalricus IV Institution/jurisdiction: Landas Diocese: Diocese Tournai Principality: Flanders Religious order: |
| DATE |
|
Scholarly dating
(preferential) |
24/12/1169 (terminus ante quem - DE HEMPTINNE-VERHULST-DE MEY) |
|
Scholarly dating
(any) |
24/12/1169 (terminus ante quem - DE HEMPTINNE-VERHULST-DE MEY) Scholarly qualification: - |
| 25/12/1168 (terminus post quem - DE HEMPTINNE-VERHULST-DE MEY) Scholarly qualification: - | |
| //1169 (donnée par document / mentioned in document - ) Scholarly qualification: - | |
|
Date in the charter
|
//1169 |
|
Place-date (in the text) |
Insule |
|
Place-date (normalised) |
Lille (FRANCE, Hauts-de-France, Nord)
Diocese: Diocese Tournai Principality: Flanders |
| SUMMARY AND DESCRIPTION |
| Summary | notifie qu'Amalricus de Landas et l'abbaye de Marchiennes ont conclu un accord au sujet de la possession de l'étang et du moulin situés entre Marchiennes et Bouvignies [chirographe] |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| -CRUX-. Ego Philippus, Dei gratia Flandrie et Uiromandie comes, compositionem quandam factam inter ecclesiam Marcianensem et Amolricum de Landast notam uolo fieri tam futuris quam presentibus quę in mei baronumque meorum presentia recitata est et presenti pagine commendata. Predicta itaque ecclesia de uiuario et molendinis quos fecit in proprio alodio suo inter Marcianam et Bouenies prefato militi quartam concessit partem, non solum quia aque uiuarii partem aliquam terre illius occupant, sed ut ab his qui ad res monachorum ui uel furto diripiendas inhiant, sollicite defendat et fideliter tueatur. Qui propterea in accipiendo minus recipit quia uiuarium de terra illius partem satis minorem occupauit et de alodio beate Rictrudis multo ampliorem. De omnibus uero que in reparandis molendinis et uiuario deinceps expendentur ille quartum operariis soluet denarium. Qui in uiuario et molendinis non piscatores uel custodes secundum suam uoluntatem constituet sed ecclesia sine alicuius contradictione ad hec seruitia quoscumque uoluerit libere assumet uel mutabit. Famuli autem illi cum ab ecclesia conducti fuerint statim et deinceps quotienscumque rogabuntur fidelitatem ipsi ecclesie se obseruaturos fide et sacramento pollicebuntur; que fidelitas ipsi Amolrico sufficiat nec aliam quasi propriam requirat. Ipse tamen nichilominus in soluenda eorum mercede quartam precii dabit partem. A quibus de iure suo nichil accipiet, nichil requiret sed pacis conseruande gratia statutum est ut quicquid de uiuario et molendinis conquisitum fuerit, totum ad ecclesiam libere deferetur et ibi supradicto militi pars sua reseruabitur. Querere piscem et capere prorsus ecclesie licebit usque ad pontem de Bouenies. Si uero ecclesie uisum fuerit ut ad tempus pro nutriendis piscibus a piscatione cessari debeat, hoc communi fiet consilio. Sciendum quoque quod triticum ecclesie moletur absque moltura et triticum similiter Amolrici ad sui scilicet et eorum opus qui proprio ipsius pane sustentantur. Extra uiuarium in potestate Sancte Rictrudis miles prefatus nichil habebit, nec receptaculum aliquod, nec fossatum in terra sua, nec alibi faciet, ut aquas de uiuario defluentes ad commodum suum ibi retineat. Ecclesie autem in decursu aque que de uiuario exibit ubicumque super alodium Suum defluat uel detineatur, sine reclamatione aliqua et sine questus participe, piscium seruatorium uel quicquid aliud in posterum sibi utile perspexerit disponere et construere licebit preter molendinum. In uiuario et molendinis quolibet modo delinquentes Amolricus non iudicabit nec manum mittet in eos, nec aliquam eis uiolentiam inferet nec ministri eius, sed tota offensionis correptio, potestati et iudicio ęcclesię reseruabitur a quocumque siue ab Amolrico siue ab altero delinquentes ęcclesię iudicandi offerantur. Que si ab his qui offenderint aliquid dictante iusticia acceperit, Amolrico quartum dabit denarium et licet ipsa ęcclesia, post dictatam iusticiam, partem suam aliquando condonare uoluerit, tamen miles ille ad condonandum suam urgeri non poterit. Et si casu aliquo, terra in solitudinem redacta, regio uastata fuerit et uiuarium cum molendinis destructum, ad terram suam sicut antiquitus ex integro possidendam ęcclesia libere reuertetur et Amolricus ad suam quam possidebat ante compositionem istam. Quod si uiuarium cum molendinis denuo restauretur, huius compositionis forma non mutabitur. Denique ad omnem consopiendum discordie fomitem sciendum est ex utraque parte esse concessum atque concorditer sancitum, quod Amolricus siue successores eius quamuis urgente necessitate partem suam de uiuario siue molendinis alicui uendere uel in uadimonium dare numquam poterunt. Quam partem inter heredes suos ille solus hereditate successoria possidebit, cui in dominatum cedet castellum de Landast. Huic compositioni interfuerunt ligii homines abbatis: Hellinus Flandrie dapifer; Wido de Goi; Gommerus de Beurui; Rainerus uillicus; Willelmus de Ascon; Amolricus Calderons. Interfuerunt etiam homines Amolrici: Willelmus et Theodericus fratres ipsius; Gerardus de Landast; Nicholaus de Leliu; Tetbaldus de Bouenies; Robertus Couisels; Gilius de Remelgies. Ut hęc ergo compositio tam futuris quam nostris temporibus rata et inconuulsa permaneat, presentis scripti tenore et sigilli nostri impressione, sub testimonio baronum meorum quorum nomina subscripta sunt eam corroboraui, rogatu quoque et precibus supradicti militis fideiussor constitutus ipsum et eius successores ex integro eam obseruaturos. Signum Balduini comitis de Ghinnis. Signum Walteri de Tenremunda. Signum Hugonis de Oysy. Signum Roberti aduocati de Betunia. Signum Arnulfi aduocati de Teruania. Signum Arnulfi uicecomitis de Arda. Signum Eustachii camerarii. Signum Hellini dapiferi. Signum Michahelis constabularii. Signum Razonis de Gauera. Signum Walteri de Lochris. Signum Hugonis castellani Insule. Signum Rogeri castellani Curtriacensis. Signum Roberti de Landast. Signum Walteri de Attrebato. Actum Insule, anno Domini M°C°LX°IX°. | |
| Source | DE HEMPTINNE TH.-VERHULST A.-DE MEY L. 2001 |
| TRADITION |
| EDITIONS AND SECONDARY LITERATURE |
|
Editions
|
DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band II. Regering van Filips van de Elzas (Eerste deel: 1168-1177), Addenda en errata in deel II, band I (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2001., n.318, p.70-73, |
| Secondary literature | COPPIETERS STOCHOVE H.. Regestes de Philippe d'Alsace, comte de Flandre, dans: Annales de la Société d'Histoire et d'Archéologie de Gand, 7 (1906), p.1-177., n.73, p.29, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.299, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.501, LINK LINK | |
| BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.198, LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
