Diplomatica Belgica

DiBe ID

82

ACTORS

Issuer(s)
(= author)

Function/title: bishop
Name: Baudry
Institution/jurisdiction: Noyon-Tournai
Diocese: Diocese Noyon
Principality: France
Religious order:

Author(s) of the actio juridica

(= disposer)

Function/title: bishop
Name: Baudry
Institution/jurisdiction: Noyon-Tournai
Diocese: Diocese Noyon
Principality: France
Religious order:

Beneficiary(ies)

(= recipient)

Function/title: monastic house
Name: Aloldus abbot
Institution/jurisdiction: Arras (S.Vaast)
Diocese: Diocese Arras
Principality: Flanders
Religious order: Benedictines

DATE

Scholarly dating (preferential)	11/4/1102 (terminus ante quem - DIPLOMATA BELGICA: AVANT W08622)
Scholarly dating (any)	11/4/1102 (terminus ante quem - DIPLOMATA BELGICA: AVANT W08622) Scholarly qualification: -
	//1102 (donnée par document / mentioned in document - ) Scholarly qualification: -
Date in the charter	//1102
Place-date (in the text)	Tornaci
Place-date (normalised)	Tournai (BELGIQUE, Région Wallonne, Hainaut) Diocese: Diocese Tournai Principality: Flanders

SUMMARY AND DESCRIPTION

Summary	l'évêque de Noyon-Tournai donne aux bénédictins d'Arras (S.Vaast) l'autel de Mons-en-Pévèle (Nord, Lille, Templeuve, Mons-en-Pévèle) que ceux-ci tenaient sous le régime du personat
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sanctae et indiuiduae Trinitatis, Patris et Filii et Spiritus Sancti. Ego Baldricus, Tornacensis et Nouiomensis Dei gratia episcopus, nostris et caeteris sanctae matris Ecclesiae filiis, salutem et benedictionem. Cum inter cetera preceptorum christiane religionis commendabiliter existat ramus uterque caritatis , Dei uidelicet amor et proximi et utriusque tanta predicetur connexio ut alterum non ualeat, nisi semper altero posito, ut ad summum ualeamus ascendere, alterum amorem, dico proximi, studeamus nobis irrefragabiliter ponere. Merito siquidem hoc preceptum debemus amplecti, quod tantopere diuina prouidentia commendauit. Hoc namque per legem et prophetas mundo prius innotuit, quod ut altius filius Dei commendaret, in tempore gratie uisibilis apparens, in sole tabernaculum suum posuit. Et quoniam caritas loquitur : « Omni petenti te da », et uiscera caritatis nunquam tenet inopia, oportet nos elaborare petentibus hylariter amministrare , prout ratio dictabit et equitas. Quamobrem ego Baldricus, Tornacensis et Nouiomensis episcopus, sepius imploratus, satisfacere uolui dulcissimis precibus domni Aloldi , uenerabilis abbatis et fratrum Atrebatensis cenobii, de titulo gloriosi confessoris Christi Uedasti, ut altare de Monte in Pabula, quod personaliter tenuerat , firmarem sine personatu possidendum predictę congregationi. Unde cum fratre Lamberto, archidiacono nostro , et ceteris clericis nostris communicato consilio, tibi reuerentissime frater abba Alolde tuisque successoribus pro redemptione peccatorum meorum, sine quauis turpis lucri exactione, prędictum altare non solum concedimus, uerumetiam qua presidemus auctoritate sine personatu inperpetuum firmamus , ea tamen conditione ut presbiter quem abbas elegerit altari deseruire, episcopo uel archidiacono uel decano per abbatem uel eius legatum ad curam suscipiendam ducatur, propulsa omni uenalitate, saluo in omnibus iure episcopi et redditibus eius et archidiaconi et ministrorum eius. Si uero presbiter ipse postea abbati uel fratribus displicuerit, alterum eliget et premisso modo substituet altari. Si quis autem post hanc diffinitionem nostram, manu sacrilega, ab ęcclesia cui, disponente Deo, annuimus auffere uel pecunias exigere presumpserit, dator et acceptor uel ablator cum heretico Symone anathema sit. Cuius rei gratia pignus hoc caritatis nobis recompensandum reduci uolumus ad memoriam quatinus, audito obitu nostro, exequias et anniuersarium meum, nomine meo inter nomina fratrum posito, perpetualiter abbas et fratres celebrare studeant. Sane quoniam in deterius defluunt tempora nec humanę actiones possunt retineri nisi per litteras, hoc donatiuum libertatis annotamus presente pagina. Quod ut inconuulsum et sine refragatione permaneat, in augmentum firmitatis presentium testium subscripsimus nomina. Signum Baldrici uenerabilis episcopi. S. Lamberti archidiaconi. S. Petri decani. S. Gonteri praepositi. S. Balduini cantoris. S. Hellini. S. Ioannis. S. Henrici decani. S. Etberti. S. Geldulphi. S. Guarmondi decani. S. Guarmondi scholastici. S. Desiderii. S. Bernardi. S. Rodulphi. S. Razelini. S. Aymerici abbatis Aquicinctini. Actum est Tornaci, anno M° C° II° ab incarnatione Domini, indictione Xa, regnante rege Phylippo Francię, episcopante domino Baldrico anno quarto. Ego Guido cancellarius scripsi, dictaui et subterfirmaui.

Source	PYCKE J.-VLEESCHOUWERS C. 2015

TRADITION

Original	No
Manuscripts	Arras (Dainville), Archives départementales du Pas-de-Calais - Centre Mahaut-d'Artois [AD], 9 J AA (1601-1700)
	Arras (Dainville), Archives départementales du Pas-de-Calais - Centre Mahaut-d'Artois [AD], 1 H 2 ()

EDITIONS AND SECONDARY LITERATURE

Editions	DUVIVIER CH.. Actes et documents anciens intéressant la Belgique (Publications de la Commission royale d'Histoire, Series II in 8°), 2 vol., Bruxelles, 1898-1903., 1, p.336-338, LINK LINK
	PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , n.109, p.168-170,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.98, LINK LINK
	KERF F.. Altarbesitz und Inkorporation. Zu Vorformen der Inkorporation in Nordfrankreich während des 11. und 12. Jahrhundert, dans: Licet preter solitum. Ludwig Falkenstein zum 65. Geburtstag, KÉRY L., LOHRMANN D. et MÜLLER H. (éds), Aachen, 1998, pp. 33-46., note 28, p.41,
	PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , p.169,