Diplomatica Belgica - Record 7924

DiBe ID

7924

ACTORS

Issuer(s)
(= author)

Function/title: bishop
Name: Alexander of Jülich
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Alexander of Jülich
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Liège (S.Lawrence )
Diocese: Diocese Liège
Principality: Liège
Religious order: Benedictines

DATE

Scholarly dating (preferential)	18/9/1131 (donnée par document / mentioned in document - )
Scholarly dating (any)	18/9/1131 (donnée par document / mentioned in document - ) Scholarly qualification: -
Date in the charter	18/9/1131
Place-date (in the text)	Leodii
Place-date (normalised)	Liège (BELGIQUE, Région Wallonne, Liège) Diocese: Diocese Liège Principality: Liège

SUMMARY AND DESCRIPTION

Summary	Alexandre I donne à l'abbaye un manse de terre sis à Jehay-Bodegnée pour lequel on perçoit un revenu annuel de cinq sous ; Raganbaldus de Jesserem et Henri de Jehay-Bodegnée qui le tenaient respectivement en fief et en arrière-fief acceptent la décision de l'évêque
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine domini nostri Iesu christi. Ego Alexander per gratiam dei episcopus Leodiensis notum facio presentibus et futuris dei fidelibus uniuersis quod mansum terre in Iehain soluentem V solidos annis singulis in festum sancti Lamberti tradiderim libera donatione pro redemptione anime mee ad altare sancti Laurentii. Quem uidelicet mansum antea tenuerat de nobis Reimbaldus de Iusserim uir nobilis et de ipso Reimbaldo Henricus de Iehain liber homo. Effeci autem ut utrique ante nostram presentiam uenirent et Henricus quidem terram illam in manum Reimbaldi sui domini reponeret Reimbaldus uero in manum nostram et sic ambo omne jus quod eatenus habuisse uidebantur in ipsa terra ore et manu propria abdicarent et exfestucarent ac nostre uoluntatis deliberationi adiudicarent coram uiris nobilibus et ecclesiastice familie hominibus. Sic que illis Reimbaldo uidelicet et Henrico presentibus et laudantibus ad altare beati Laurentii accessimus et predictum mansum beato martyri fideli deuotione obtulimus ut ex hoc et in perpetuum iure perpetuo obtineat illum tanquam liberum sue proprietatis allodium. Quod si quis in posterum quolibet fraudis machinamento ecclesie sancti Laurentii super hoc molestus esse tentauerit tanquam peruasor oblate deo eleemosyne ab omni sancte christianitatis communione segregatum se esse nouerit nisi commonitus resipuerit et beato martyri condignam satisfactionem obtulerit. Atque ut hoc firmum sit et irrefragabile chartam hanc pro testimonio iussimus conscribi et nostri impressione sigilli uoluimus insigniri testibus idoneis de his qui interfuere adhibitis clericis pariter et laicis. Testes fuerunt Iohannes archidiaconus et sancte crucis prepositus. Dodo archidiaconus et sancti Bartholomei prepositus Herimannus archidiaconus et Niuellensis prepositus. De laicis Arnulphus comes Lossensis Wigerus aduocatus Ebaldus de Florinis Godescalcus de Morelmeis Walterus de Barce de familia ecclesie Thedericus de Ponte Wedericus de Prato Lambertus et Arnulphus de Hoio Albricus de Vileir et alii multi. Actum Leodii XIIII° calendas octobris anno ab incarnatione domini MCXXXI° indictione nona imperante Lothario anno regni eius VI° episcopatus nostri tertio.

Source	CLOSON J. 1902

TRADITION

Original	No
Manuscripts	Liège, Archives de l'Evêché, G III 2 (1501-1600)

EDITIONS AND SECONDARY LITERATURE

Editions	CLOSON J.. Alexandre I de Juliers, évêque de Liège, dans: Bulletin de la Société d'Art et d'Histoire du Diocèse de Liège, 13 (1902), p.403-473., p.469, LINK
Secondary literature	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.296, p.134,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.139, LINK LINK