Diplomatica Belgica - Record 7690

DiBe ID

7690

ACTORS

Issuer(s)
(= author)

Function/title: bishop
Name: Nicholas I
Institution/jurisdiction: Cambrai
Diocese: Diocese Cambrai
Principality: Cambrai
Religious order:

Author(s) of the actio juridica

(= disposer)

Function/title: bishop
Name: Nicholas I
Institution/jurisdiction: Cambrai
Diocese: Diocese Cambrai
Principality: Cambrai
Religious order:

Beneficiary(ies)

(= recipient)

Function/title: monastic house
Name: Warimbertus abbot
Institution/jurisdiction: Mont-S.-Martin
Diocese: Diocese Cambrai
Principality: Cambrai
Religious order: Premonstratensians

DATE

Scholarly dating (preferential)	22/3/1136 (terminus post quem - DIPLOMATA BELGICA: DEBUT NICOLAS I)
Scholarly dating (any)	22/3/1136 (terminus post quem - DIPLOMATA BELGICA: DEBUT NICOLAS I) Scholarly qualification: -
	//1136 (donnée par document / mentioned in document - ) Scholarly qualification: -
Date in the charter	//1136
Place-date (in the text)	Cameraci
Place-date (normalised)	Cambrai (FRANCE, Hauts-de-France, Nord) Diocese: Diocese Cambrai Principality: Cambrai

SUMMARY AND DESCRIPTION

Summary	approuve le transfert de l'abbaye au lieu dit Mont-S . -Martin , la soumet à l'abbaye de Laon (S . Martin) et lui confirme ses possessions
Description	Language: Latin Authenticity: unsuspected document Textual tradition: indeterminate textual tradition Nature of the charter: charter

FULL TEXT OF CHARTER


In nomine sanctae et indiuiduae trinitatis amen. Ego Nicolaus dei gratia sanctae Cameracensis ecclesiae indignus episcopus notum esse uolumus tam futuris quam praesentibus quod cum Garembertus frater locum Boenensem construxisset et fideles qui ibidem in eius disciplina deo famulaturi quotidie confluunt multa incommoda ob loci illius asperitatem patiuntur allodium Montis Sancti- Martini coemerunt. In quo aedificato monasterio petierunt a domino Gualtero sancti Martini Laudunensis abbate uiro spectabilis religionis ut aliquos e suis religiosis illuc mittere dignaretur. Ille petitionibus eorum benigne acquiescens fratres aliquot e suo monasterio sancti- Martini eodem adduxit et disciplinam Praemonstratensem caetera que eo pertinentia constituit. Qui quidem de die in diem adiutrice diuina gratia in melius pro sua paupertate et proposito proficientes a nobis bonorum omnium confirmationem humiliter postularunt. Nos igitur qui pontificali cathedrae deo authore licet indigni praesidemus etsi omnibus dioecesis nostrae fidelibus prout facultas suppetit in communi prodesse debeamus circa illos tamen qui abiecta mundi sarcina felici naufragio ad placidum et tranquillum portum contemplationis enatarunt praecipue uigilare decreuimus quatenus pia uicissitudine eorum orationibus aliquod nostrae imperfectioni subsidium comparemus. Iustis ergo eorum postulationibus annuentes locum illum qui Mons Sancti- Martini dicitur cum terris aquis pascuis syluis et omnibus ad eundem locum pertinentibus quem ipse frater Garembertus abbas et fratres eius praedecessoris nostri assensu acquisierunt approbamus et nostro munimine confirmamus. Hoc interposito quod ille Garembertus abbas cum subiectis sibi fratribus secundum regulam beati Augustini ad tenorem Laudunensis coenobii uiuant. Quod si abbas Sancti- Martini Montis ab ordine et consuetudine Laudunensis coenobii deuiarit abbas sancti Martini super correctione sua bis tertio ue eum commonebit. Quod si incorrigibilis apparuerit atque permanserit episcopus Cameracensis sub praesentia et testificatione abbatis sancti- Martini et duorum eiusdem ordinis coabbatum sine omni dilatione et reclamatione maioris audientiae tanquam ordinis sui transgressorem deponet. Depositum autem illum episcopus Cameracensis ad ecclesiam beati Martini emittet et alium idoneum canonica fratrum electione et abbatis Laudunensis consilio e uestigio subrogabit. Abbas uero sancti- Martini de quo praedictus Mons Sancti- Martini religionis hujus sumpsit exordium ab omni illum temporalis commodi exactione tam in praesenti quam in futuro absoluet. Ut autem ordo ibi teneatur abbas sancti- Martini uigilabit et laboris sui mercedem uigiles ibidem orationes habebit. Fratres uero ut soli deo uacare possint ab omni exactione tam nostra quam nostrorum ministrorum absoluimus. Canonicam tamen abbatum professionem et filialem obedientiam et in synodo nostra illorum praesentiam et assiduas orationes tam nobis quam successoribus nostris in eodem loco retinemus. Praeterea bona et possessiones quas iuste et legitime ecclesia Montis Sancti- Martini possidet ad usus fratrum ibidem deo seruientium praesentis scripti pagina confirmamus. Quaecumque praeterea in futuro concessione ecclesiastica largitione principum uel oblatione fidelium iuste et canonice adipisci poterit firma illi et illibata permaneant. Ut autem haec rata et inconcussa perdurent hoc scriptum fieri iussimus et sigilli nostri impressione nostra et testium subscriptione roborari praecepimus et ne quis aliquid horum infringere praesumat anathematis sententiam interposuimus. Signum Nicolai Cameracensis episcopi. Signa Ioannis Theodorici Gerardi Widonis archidiaconorum Erlebaldi praepositi Hugonis decani Roberti cantoris Stephani Petri Adae canonicorum. Actum Cameraci anno incarnationis dominicae millesimo trigesimo sexto indictione decima tertia epacta uigesima tertia concurrente septimo.

Source	MIRAEUS A.-FOPPENS J.F. 1723

TRADITION

Original	No
Manuscripts	Paris, Bibliothèque nationale de France [BNF], Manuscrit latin 5478 (1201-1300)
	Laon, Archives départementales de l'Aisne [AD], H 1116 (1701-1800)

EDITIONS AND SECONDARY LITERATURE

Editions	MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 3, p.570-571, LINK LINK LINK LINK
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.187, LINK LINK