Diplomatica Belgica - Record 7634

DiBe ID

7634

ACTORS

Issuer(s)
(= author)

Function/title: bishop
Name: Stephen
Institution/jurisdiction: Tournai
Diocese: Diocese Tournai
Principality: Tournaisis
Religious order:

Author(s) of the actio juridica

(= disposer)

Function/title: bishop
Name: Stephen
Institution/jurisdiction: Tournai
Diocese: Diocese Tournai
Principality: Tournaisis
Religious order:

Beneficiary(ies)

(= recipient)

Function/title: parish/church
Name:
Institution/jurisdiction: Comines
Diocese: Diocese Tournai
Principality: Flanders
Religious order:

DATE

Scholarly dating (preferential)	24/12/1197 (terminus ante quem - PYCKE-VLEESCHOUWERS)
Scholarly dating (any)	24/12/1197 (terminus ante quem - PYCKE-VLEESCHOUWERS) Scholarly qualification: -
	25/12/1196 (terminus post quem - PYCKE-VLEESCHOUWERS) Scholarly qualification: -
	//1196 (donnée par document / mentioned in document - ) Scholarly qualification: -
Date in the charter	//1196
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	notifie qu'un jugement arbitral a réglé en sa faveur le différend qui l'opposait aux chanoines de Comines / Komen quant au droit de nommer le prêtre desservant l'église paroissiale de ce lieu et détermine quelle part des revenus paroissiaux reviendra à ce dernier
Description	Language: Latin Authenticity: unsuspected document Textual tradition: indeterminate textual tradition Nature of the charter: charter

FULL TEXT OF CHARTER


Stephanus dei permissione Tornacensis ecclesie humilis minister omnibus ad quos littere iste peruenerint in perpetuum. Crescente mundi malitia opus est ut hominum crescat industria et cautela quibus prouideant ut quod agitur inter eos et perficiatur fideliter et consummetur feliciter et firmiter obseruetur. Inde est quod tam presentibus quam futuris per presentem paginam notum facimus quod cum inter nos et canonicos Comminenses super institutione parrochialis presbyteri controuersia uerteretur multo tempore sub contentiosis questionibus hinc inde uentilatis incassum consumpto tandem communi consensu compromisimus in arbitros qui sufficienti cautione standi eorum sententie ab utraque parte recepta arbitrium suum sub hac forma multis astantibus protulerunt. Pronuntiantes ut episcopus Tornacensis parrochialem presbyterum perpetuo instituat in ecclesia Comminensi cum autem idem presbyter parrochialis ab episcopo institutus fuerit et curatus ad ecclesiam Cominensem accedens coram canonicis sub iuramento firmabit se tam ipsorum iura quam episcopi fideliter seruaturum et quia de hiis que ad eos uidelicet episcopum et canonicos pertinent siue de oblationibus siue de quibuscumque obuentionibus aut beneficiis in ecclesia uel extra ecclesiam ad eos pertinentibus usque ad quinque solidos per annum nec ipse damnum inferet eis nec ab aliis quin inde eos premuniat patietur inferri. Quod si forte canonici qui quattuor ibidem existunt percipere potuerint quod suum transgressus fuerit iuramentum et quod tam iura episcopi quam ipsorum diminuere machinetur si ipsi quatuor iuramentis propriis manibus prestitis coram episcopo id probauerint uel tres ipsorum quarto causa studiorum uel curie Romane uel alicuius peregrinationis absente episcopus eum amouere tenetur et in locum eius alium idoneum subrogare. Quod si quattuor presentibus tres iurauerint et quartus noluerit iuramentum prestare tres reliqui presbyterum conuincere non poterunt sed in loco suo remanens parrochiale officium suum non obstante trium canonicorum inpetitione exequetur. Et notandum quod in iuramento fidelitatis quod presbyter prestiturus est canonicis tam pro ipsis quam pro episcopo hoc adiciet quia postquam per iudicium episcopi post iuramenta canonicorum ab ecclesia uel parrochia fuerit amotus super iure parrochiali nunquam deinceps reclamabit. Illud etiam adiciendum quod canonici et eorum uicarii defectus eiusdem presbyteri in uisitandis infirmis uel aliis necessitatibus que in parrochiis frequenter emergunt quotiens pro causa rationabili eum abesse contigerit infra oppidum supplere debent. Hec autem assignata sunt presbytero quarta pars oblationum uidelicet denariorum panis uini candelarum ouorum quarta pars etiam minutarum decimarum silicet agnorum uitulorum porcorum aucarum mellis et lini quarta pars etiam denariorum qui soluuntur de ortis ex tribus aliis partibus duas habebunt canonici tertiam episcopus. Preterea assignate sunt presbytero introductiones confessiones quatuor denarii nubentium uisitationes donationes decedentium in quibus neque episcopus neque canonici uel eorum uicarii aliquid percipient. Si autem aliquis sacerdotibus canonicis uel eorum uicariis in ecclesia seruientibus elemosinas aliquas uel redditus assignauerit presbyter parrochialis in ipsis nichil habebit. Ut autem super hiis que premissa sunt et rationabiliter decisa nulla questio de cetero moueatur sed perpetuam firmitatem obtineant presenti cartula ea conscribi et sigillis tam nostro quam predictorum canonicorum de uoluntate et consideratione nostra et ipsorum communi fecimus confirmari eorum qui interfuerunt nomina et signa subnotantes. Signum domini Stephani Tornacensis episcopi. Signum Danielis Henrici Willelmi Balduwini canonicorum Cominensium. Signum Rogeri abbatis Cisoniensis. Signum magistri Willelmi decani Illensis sancti- Petri. Signum Riquardi decani Curtracensis. Signum Willelmi presbyteri sancti Basilii. Signum Marcelli capellani nostri. Signum etiam multorum aliorum tam clericorum quam laicorum. Actum anno dominice incarnationis M° C° XC° VI°.

Source	MIRAEUS A.-FOPPENS J.F. 1723

TRADITION

Original	No
Manuscripts	Tournai, Archives de l'Etat [AE], Fonds Cartulaires 68 (1201-1300)

EDITIONS AND SECONDARY LITERATURE

Editions	MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 2, p.1200, LINK LINK LINK LINK
Secondary literature	PYCKE J.-VLEESCHOUWERS C.. Ouvrir les cartulaires des évêques de Tournai: une richesse dévoilée. 1098 regestes d'actes de 898 à 1677 (Tournai - Art et Histoire. Instrument de travail, 14), Louvain-la-Neuve, 2010., n.10, p.21,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.65, LINK LINK