Diplomatica Belgica - Record 7587

DiBe ID

7587

ACTORS

Issuer(s)
(= author)

Function/title: bishop
Name: Adalbero II of Chiny
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Adalbero II of Chiny
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name: Rudolf abbot
Institution/jurisdiction: Aulne
Diocese: Diocese Liège
Principality: Liège
Religious order: Cistercians

DATE

Scholarly dating (preferential)	//1144 (donnée par document / mentioned in document - )
Scholarly dating (any)	//1144 (donnée par document / mentioned in document - ) Scholarly qualification: -
Date in the charter	//1144
Place-date (in the text)	Leodii
Place-date (normalised)	Liège (BELGIQUE, Région Wallonne, Liège) Diocese: Diocese Liège Principality: Liège

SUMMARY AND DESCRIPTION

Summary	approuve la réforme de l'abbaye et autorise les religieux à suivre la règle de saint Augustin
Description	Language: Latin Authenticity: unsuspected document Textual tradition: indeterminate textual tradition Nature of the charter: charter

FULL TEXT OF CHARTER


In nomine sancte et indiuidue trinitatis. Albero dei gratia Leodientium episcopus omnibus tam presentibus quam posteris. Ecclesiastici moderaminis uirum decet sicut distorta corrigere sic que bona sunt in melius caritatis studio subleuare. Eapropter ego Albero dei gratia Leodientium humilis minister Alnensem ecclesiam considerans cotidianis laborare defectibus et cum detrimento religionis facultatum et possessionum suarum graue sustinere dispendium communicato cum ecclesia nostra consilio postulante uenerabili fratre Radulpho loci ipsius abbate qui de communi clericorum uita ad regularis professionis se nitebatur transferre propositum ecclesiam ipsam secundum regulam beati Augustini censui sub eiusdem persone regimine conuenientius ordinandam. Quo de religionis proposito quod in animo habebat implente pie conuersionis effectu et ad deum sub regulari habitu tota mentis intentione conuerso confirmare dignum duxi pontificalis auctoritatis munimine quod agebat et nouum ecclesie statum ad honorem dei et apostolorum principis Petri et Pauli quorum honore et nomine dedicata predicta esse cognoscitur Alnensis ecclesia mansuro in perpetuum priuilegio communire ne nouelle plantationis germina male radicata nouus turbo disperderet et antiquus ille christiani nominis inimicus aditum inueniret quo pullulantis boni honestatem deuenustare posset in semine. Statuimus igitur et episcopali beati auctoritate decernimus ut predicta ecclesia sub regulari habitu et beati Augustini regula perpetuo in posterum tempore perseueret nulli que umquam seculari uel ecclesiastice persone liceat nostrum hoc mutare uel euacuare decretum sed inconuulsa maneat et illibata nostra dispositio et decedente loci ipsius abbate secundum canonum instituta et beati Augustini regulam successor eligatur idoneus cum nostro ac successorum nostrorum assensu et dono qui et Leodiensi ecclesie debitam in omnibus exhibeat subiectionem et obedientiam et secundum antiquam eiusdem ecclesie consuetudinem in ordine uicis sue mihi et successoribus meis cum necessitas fuerit tamquam capellanus assistat saluo statu et honestate ordinis sui et juxta religionis propositum circa subditos salutem operetur animarum. Habitus autem deo inibi seruientium fratrum talis sit qui occasione uanitatis careat et nichil nouitatis aut superfluitatis redoleat. Cappas gestent nigras et superpellicia linea que ne reprehentionis aliquid aut detractationis habeant ne si forte causis exigentibus in conuentum nostrum uenerint dissimiles nobis habitus nouitate inueniantur. Si quis autem hanc nostre constitutionis paginam sciens temere contraire tentauerit et quod tam iuste et rationabiliter factum est uoluerit iniqua machinatione conuellere eterne maledictioni subiaceat atque a sacratissimo christi Iesu corpore et sanguine alienus fiat et apostolorum principis Petri et Pauli sentiat offensam quos eadem ecclesia defensores habet et aduocatos. Actum Leodii feliciter anno ab incarnatione domini M° C° XL° IIII° indictione VII-a regnante Conrado hujus nominis secundo presidente Leodiensi cathedre Alberone II°. Huic rei testes interfuerunt Heinricus prepositus Elbertus archidiaconus Dodo archidiaconus Iohannes archidiaconus Philippus archidiaconus Reinbaldus decanus Nicholaus canonicus et prepositus sancti Dyonisii Wido de Waharth canonicus Petrus canonicus Balduinus canonicus et magister scolarum Elbertus abbas sancti Iacobi Wazelinus abbas sancti Laurentii Lucas abbas sanctorum apostolorum in Cornelio Monte Arnulphus abbas de Genblous.

Source	MIRAEUS A.-FOPPENS J.F. 1723

TRADITION

Original	No
Manuscripts	Mons, Archives de l'Etat [AE], Fonds Cartulaires 1 (1350)
	Bossut-Gottechain, Ferme de Beausart, Cartulaire Aulne ()

EDITIONS AND SECONDARY LITERATURE

Editions	MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 2, p.823-824, LINK LINK LINK LINK
Secondary literature	DEREINE CH.. Les chanoines réguliers au diocèse de Liège avant saint Norbert (Académie royale de Belgique, Classe des Lettres et des Sciences morales et politiques, Mémoires 47, fasc.1), Bruxelles, 1952., p.371-373, p.88,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.249, LINK LINK