Diplomatica Belgica - Record 7586

DiBe ID

7586

ACTORS

Issuer(s)
(= author)

Function/title: pope
Name: Innocent II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Innocent II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Philip I abbot
Institution/jurisdiction: Park
Diocese: Diocese Liège
Principality: Brabant (Leuven)
Religious order: Premonstratensians

DATE

Scholarly dating (preferential)	17/12/1142 (donnée par document / mentioned in document - )
Scholarly dating (any)	17/12/1142 (donnée par document / mentioned in document - ) Scholarly qualification: -
Date in the charter	17/12/1142
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	prend l'abbaye sous sa protection et lui confirme ses possessions et ses droits (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Innocentius, episcopus, seruus seruorum Dei, dilectis filiis Philippo, abbati de Parcho, eiusque fratribus tam presentibus quam futuris regulariter substituendis, in perpetuam memoriam. Desiderium quod ad religionis propositum attinet et ad animarum salutem pertinere monstratur, animo nos decet lubenti concedere et presentium desideriis congruum impertiri suffragium. Eapropter, dilecti in Domino filii, uestris iustis postulationibus clementer annuimus et Parcensem ad ecclesiam, in qua diuino mancipati estis obsequio, sub beati Petri et nostra protectione suscipimus et presentis scripti priuilegio communimus. Statuentes ut quascumque possessiones, quecunque bona eadem ecclesia iuste et canonice impresentiarum possidet aut in futurum concessione pontificum, largitione regum uel principum, oblatione fidelium seu aliis iustis modis Deo propitio poterit adipisci, firma uobis uestrisque successoribus et illibata permaneant, in quibus hec propriis duximus exprimenda uocabulis: parchum Louaniensem cum suis appenditiis, terram que ipsum circumiacet, molendinum de Vinkenbosch, molendina de Heuerla, terram de Eghenhoua, de Unlenghen, allodia de Barla, allodia de Wisenbeke, de Wlua, de Vphen, siluam de Strocla que dicitur Varenberch, terram de Moorslo, terram de Vosham cum pertinentiis suis, molendino et uiuariis et siluam que sita est inter duo uiuaria, terram de Sancto Medardo, allodium de Nieuuenroth, ecclesiam que sita est in rure Rundierio cum dote sua et, decima, terram de Rothem iuxta uillam Leeuwe, allodia de Landen cum suis appenditiis, molendino et curtibus, decimas quatuor molendinorum de Ralenbeka, decimam Willenbrinhe. Statuimus etiam ut ordo canonicus secundum beati Augustini regulam et fratrum Premonstratentium institutionem in ipsa ecclesia perpetuis futuris temporibus inuiolabiliter conseruetur. Nulli quoque fratrum post factam professionem absque abbatis totiusque congregationis permissione ex eodem claustro discedere liceat. Discedentem uero absque communium litterarum cautione nullus suscipiat. Sepulturam quoque ipsius loci liberam esse concedimus ut quicumque se illic sepeliri deliberauerint, nisi forte excommunicati fuerint, nullus obsistat, salua tamen iustitia matricis ecclesie. Decernimus ergo ut nulli omnino liceat prefatam ecclesiam temere perturbare aut eius possessiones auferre uel ablatas retinere, minuere seu quibuslibet, uexationibus fatigare, sed omnia integra conseruentur eorum pro quorum gubernatione et sustentatione concessa sunt usibus omnimodis profutura, salua diocesani episcopi canonica iustitia. Si qua igitur in futurum ecclesiastica secularisue persona huius nostre constitutionis paginam sciens contra eam temere uenire temptauerit, secundo tercioue commonita, si non satisfactione congrua emendauerit, potestatis honorisque sui dignitate careat reamque diuino iudicio se existere de preterita iniquitate cognoscat et a sacratissimo corpore ac sanguine Dei et Domini nostri Iesu Christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax Domini nostri Iesu Christi quatenus et hic fructum bone actionis percipiant et apud districtum iudicem premia eterne pacis inueniant; amen. Ego Innocentius, catholice ecclesie episcopus. Ego Conradus, Iabriensis episcopus. Ego Gregorius, diaconus sanctorum Sergii et Bacchii. Ego Stephanus, Prenestinus episcopus. Ego Igmarus, Tusculanus episcopus. Ego Guido, sancte Romane ecclesie indignus sacerdos. Ego Guido, presbiter cardinalis sancti Grisogoni. Ego Goizo, presbiter cardinalis tituli sancte Cecilie. Ego Thomas, presbiter cardinalis tituli Uestine. Datum et latum, per manum Gerardi sancte Romane ecclesie presbiteri cardinalis ac bibliothecarii, XVI kalendas ianuarii, indictione VI°, Incarnationis dominice anno M C XLII, pontificatus uero domini Innocentii secundi pape anno XIII.

Source	DILLO M.-VAN SYNGHEL G.A.M. 2000

TRADITION

Original	No
Separate copies	Heverlee, Archief Abdij Park,
Manuscripts	Heverlee, Archief Abdij Park, Cartulaire D (ancien D14)-Rayon VII-26 (1401-1500)
	Heverlee, Archief Abdij Park, Chartrier ()

EDITIONS AND SECONDARY LITERATURE

Editions	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, n.898, p.47-50, LINK LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.8255, p.904, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.158, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.233, LINK LINK