‹
›
return to all results
| DiBe ID | 7340 |
| ACTORS |
|
Issuer(s)
(= author) |
Function/title:
bishop Name: Eudes Institution/jurisdiction: Cambrai Diocese: Diocese Cambrai Principality: Cambrai Religious order: |
|
Author(s) of the actio juridica (= disposer) |
Function/title:
bishop Name: Eudes Institution/jurisdiction: Cambrai Diocese: Diocese Cambrai Principality: Cambrai Religious order: |
|
Beneficiary(ies)
(= recipient) |
Function/title:
monastic house Name: Renier abbot Institution/jurisdiction: Liessies Diocese: Diocese Cambrai Principality: Hainaut Religious order: Benedictines |
|
Function/title:
lord (of a seigniory) Name: Gossuin the One Eyed Institution/jurisdiction: Avesnes-sur-Helpe Diocese: Diocese Cambrai Principality: Hainaut Religious order: |
| DATE |
|
Scholarly dating
(preferential) |
2/7/1111 (terminus ante quem - VAN MINGROOT) |
|
Scholarly dating
(any) |
2/7/1111 (terminus ante quem - VAN MINGROOT) Scholarly qualification: - |
| 1/1/1111 (terminus post quem - VAN MINGROOT) Scholarly qualification: - | |
| //1111 (donnée par document / mentioned in document - ) Scholarly qualification: - | |
|
Date in the charter
|
//1111 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | déclare que Gossuin ayant renoncé à ses prétentions sur les biens de l'abbaye , il a levé la sentence d'excommunication lancée contre lui par le pape Pascal II |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuitue trinitatis. Odo diuina miseratione Cameracensis episcopus tam futuris quam presentibus in perpetuum. Non parum quibuslibet in negotiis emolumenti confertur dum id quod in elemosinam principum uel nobilium seu quorumlibet fidelium largitione dei seruis solemniter donatur matris concordie studio et tranquilitate conseruatur. Ideo ecclesiasticis in pactionibus ne discordie tenebris obscurentur quia luce claritatis gaudere debent omnimodis elaborandum est. Agamus igitur quod posterorum illuminationi et paci ignorantie discussis inuolucris proficiat cui quodlibet impedimentum sinistre partis occurrere metuat et per quod importunitas cupidorum et iniuste calumpniantium comprimatur et ecclesia dei possessionibus suis imperpetuum iocundetur. Quapropter noticie tam presentium quam posterorum transmittimus quod Gossuinus dominus Auesnensis ex precepto domini pape Paschalis ob inquietationem et inuasionem et uiolentam usurpationem uillarum et possessionum Letiensis ecclesie gladio excommunicationis percussus fuit. Ipse autem hortatu nostro de preteritis erubescens et saluti anime sue in futurum prospiciens abbati Rainero et ecclesie Letiensi in presentia nostra se conciliauit atque se de iniuriis et iniusta inuasione uillarum ecclesie culpabilem profitens comite Hainoensi Balduino et Agnete ipsius Gossuini uxore pro hiis forefactis eum ipsum arguentibus et pro excommunicatione quam sustinebat etiam detestantibus excommunicationis ueniam a nobis requisiuit. Porro ut id facilius impetraret uillam Letiis quam bone memorie Theodericus predecessor eius non solum in agris et in siluis sed etiam in aquis et pratis et omnibus appenditiis suis et tota familia sua liberam contulerat consilio et assensu predicti comitis Balduini ab omni aduocatia liberam uidelicet tallia exactione hospitalitate heribanno fossato equitatione et omni prorsus inquietatione uel forisfacto prefate ecclesie resignauit. Recognouit etiam totum allodium de Feron tam in terris quam in siluis et omnibus redditibus suis quod prefatus Theodericus pro anima patris sui Guerici eidem ecclesie liberum contulerat. Admonitus etiam a predicto comite Balduino recognouit allodium de Semeriis cum omnibus appenditiis suis et aduocatiam familie sancti Remigii quod idem Balduinus liberum tenuerat et ecclesie liberum tradiderat. Recognouit etiam totum allodium de Cartiniis tam in terris quam in siluis et omnibus appenditiis suis sicut ecclesia ab antiquo libere et canonice possederat. Recognouit etiam totum allodium de Bolonia sicut ecclesia ab antiquo possederat. Recognouit etiam totum allodium sancti Remigii de Trelon tam in siluis quam in terris et omnibus appenditiis suis sicut eadem ecclesia ab antiquo possederat. Recognouit etiam sancti Petri et sancti Ursmari de Fontenellis allodium tam in terris quam in siluis sicut ecclesia Letiensis assensu nostro et utriusque capituli concordia VI solidorum Laudunensis monete censu ab ecclesia Lobiensi perpetuo tenebat. Concessit etiam ut uecture siue res ecclesie per totam terram suam libere et absque omni guionagio pertranseant et ut seruientes et mercennarii eius Auesnis nullum theloneum persoluant. Ut uero ab inuicem omnis controuersia uel inquietatio excludentur et inter ecclesiam Letiensem et dominum Auesnensem pax bona perpetuo confirmaretur constitutum est ut in predictis siue etiam aliis uillis ad ecclesiam pertinentibus abbas Letiensis uillicos siue officiales suos habeat et si clamor uenerit in uilla de aliqua inuasione uel forisfacto uel etiam heribani infractione abbas per se uel per ministros suos diem placiti instituat et absque aduocatione domini Auesnensis iudicio scabinorum suorum uel consilio proborum uirorum quoscumque aduocare uoluerit sola manu sua iusticiam teneat et exactiones pro iure foro et lege patrie institutas solus accipiat. Constitutum est ut si in uillis que sunt in allodio ecclesie serui et ancille sancti Lamberti uel sancte Hiltrudis siue etiam sancti Remigii de Semeries manserint liberi et absque omni aduocatia exactione tallia domini Auesnensis in manu ecclesie remaneant et in obitu eorum ecclesia absque omni participatione domini Auesnensis mortuam manum de hiis accipiat si uero Auesnis uel alicubi super allodium domini Auesnensis manserint ecclesia de mortua manu duas partes habebit et dominus Auesnensis tanquam aduocatus terciam sibi retinebit. Statutum est etiam ut non liceat domino Auesnensi aliquem de manentibus in Letias in aduocatia sua suscipere sed non liceat manentibus in Letiis uel aliis in aduocatia Auesnensi alicubi commorantibus maritationes adinuicem facere absque licentia et assensu aduocati et ecclesie. Abbati etiam et ecclesie predictus Gossuinus hoc donum contulit ut de quibuslibet et in tota terra sua conductum faciat et si quis de hominibus domini Auesnensis aliquid forisfecerit ad ecclesiam confugium habeat ut infra quindecim dies reum illum ad concordiam et pacem reducat uel etiam e patria saluum illum educat. Porro ut ecclesie obnoxior fieret idem Gossuinus hominium abbati fecit et accipitres siluarum ecclesie ab ea recepit in feodo et ut successores sui hoc hominium ecclesie perpetuo facerent instituit insuper etiam se parochianum esse ecclesie de Auesnis que ad ecclesiam Letiensem spectat et oblationes nominatas inibi se debere benigne recognouit sed tamen in ecclesia Letiensi quam predecessor suus Theodericus quondam fundauerat sibi et successoribus suis sepulture locum elegit. Hanc pacem et concordiam inter se et ecclesiam Letiensem Gossuinus dominus Auesnensis in presentia nostra astante et laudante predicto comite Balduino instituit et informauit et post pacem factam de forisfactis ecclesie a nobis absolutus testes idoneos quos se cum adduxerat annotari fecit et omnes qui hanc pacem et concordiam inter ecclesiam et dominum Auesnensem amplius dissoluerent uel perturbarent a nobis excommunicari fecit.nos ergo ex officio nostro tam dominos Auesnenses quam omnes alios qui ulterius pacem istam perturbauerint et libertatem ecclesie uiolauerint siue etiam in allodio uel res ecclesie inuasionem fecerint patris et filii et spiritus sancti auctoritate et nostra nisi resipuerint et ecclesie satisfecerint excommunicamus. Et ut ratum permaneat sigilli nostri impressione et personarum nostrarum subsignatione solidamus. Signum Guerrici Altimontensis abbatis. Signum Radulfi Maricliensis abbatis. Signum Theoderici archidiaconi. Signum Anselmi archidiaconi. Testes autem idonei subnotati sunt hii Alardus de Cimai Gislenus de Pessant Robertus de Squilin Gonterus de Moscin Bastianus de Gordinis Martinus comes Sigerus prepositus. Actum est anno incarnationis M° C° XI° indictione IIII pontificatus uero domni Odonis anno VI°. | |
| Source | DUVIVIER CH. 1865 |
| TRADITION |
| EDITIONS AND SECONDARY LITERATURE |
|
Editions
|
LECLERCQ E.. Cartulaire de la terre d' Avesnes, dans: Mémoires de la Société archéologique de l'Arrondissement d'Avesnes, 7 (1907), p.3-169; 8 (1910), p.163-268; 9 (1911), p.3-363., n.17, p.209-212, LINK LINK |
| DUVIVIER CH.. Recherches sur le Hainaut ancien (Pagus Hainoensis) du VIIe au XIIe siècle, Bruxelles, 2 vol., Bruxelles, 1865-1866., n.98, p.496-499, LINK | |
| Secondary literature | VAN MINGROOT E.. Liste provisoire des actes des évêques de Cambrai de 1031 à 1130, dans: Serta devota in memoriam Guillelmi Lourdaux. Pars posterior: cultura mediaevalis, ed. W. VERBEKE, M. HAVERALS, R. DE KEYSER, J. GOOSSENS (Mediaevalia Lovaniensia, n.21), Leuven, 1995., n.34, p.39, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.56, LINK LINK | |
| PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.2, p.7, LINK | |
| BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.2, p.147, LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
