Diplomatica Belgica - Record 7337

DiBe ID

7337

ACTORS

Issuer(s)
(= author)

Function/title: bishop
Name: Manasses
Institution/jurisdiction: Cambrai
Diocese: Diocese Cambrai
Principality: Cambrai
Religious order:

Author(s) of the actio juridica

(= disposer)

Function/title: bishop
Name: Manasses
Institution/jurisdiction: Cambrai
Diocese: Diocese Cambrai
Principality: Cambrai
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Liessies
Diocese: Diocese Cambrai
Principality: Hainaut
Religious order: Benedictines

DATE

Scholarly dating (preferential)	25/2/1103 (donnée par document / mentioned in document - )
Scholarly dating (any)	25/2/1103 (donnée par document / mentioned in document - ) Scholarly qualification: -
Date in the charter	25/2/1103
Place-date (in the text)	Remis
Place-date (normalised)	Reims (FRANCE, Grand Est, Marne) Diocese: Diocese Reims Principality: France

SUMMARY AND DESCRIPTION

Summary	Manasses , renouvelant l'acte donné en 1095 par son compétiteur Gaucher (DiBe 7333) , confirme la fondation de l'abbaye ainsi que ses biens et privilèges (énumération)
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Manasses sancte Cameracensis ecclesie gratia dei episcopus cunctis christi fidelibus felicitatis utriusque successus. Notum uobis facio quod ad laudem et honorem saluatoris nostri Ihesu christi qui est benedictus in secula deus cuius humilitate tracti sumus ab inferis duo clerici Albertus scilicet et Rodulfus quatuor que milites Gerulfus Rainaldus Gislanus Balduinus ad locum qui uocatur Letias diuino afflati spiritu conuenerunt ubi christiane religionis cultores amantissimi ad salutem animarum suarum edificare ceperunt. In hoc loco autem ab antiquis temporibus in qua sancta Hyltrudis requiescit quedam fundata est ecclesia et ad seruiendum deo uiuenti quatuor canonicorum congregatio stabilita. Hii uero canonici sex illos homines religiosos quos jam prenotauimus aduenisse illa qua decuit ueneratione susceperunt et in quadam ecclesiola que juxta aliam ecclesiam in honore sancti Lamberti sita est fraterna caritate collegerunt. Igitur consilio assensu et dispositione Rainaldi reuerendi Remorum archiepiscopi precibus que Balduini ipsius patrie comitis et Theoderici eiusdem loci ac terre circumuicine domini inter eos canonice statutum est quod suas prebendas solummodo in uita sua et sine aliis successoribus canonicis ita sine dampno hii presentes canonici retinerent quemadmodum huc usque quiete ac libere tenuerunt excepto quod si gratia eterne redemptionis nobiles aut serui ciues aut rustici huic ecclesiole in qua prius sicut prediximus recepti sunt aliquod uellent beneficium impendere illud tam in oblationibus quam in ceteris bonis absque ulla participatione semoto parrochianorum suorum receptaculo eis canonici concesserunt. Ad hujus itaque loci dignitatem sublimandam et ad usus fratrum multiplicandos ego Manasses pro salute anime mee meorum que antecessorum ac eorumdem fratrum dilectione hanc ecclesiam cum quodam membro suo quod Cartenias appellant omnino liberam feci eidem que loco altare Auennatis castelli dicti similiter penitus liberum confirmaui item altare de Ramulgiis de Sars de Buinias absque omni contradidi persona ita tamen ut hec tria debita persoluant obsonia. Dominus uero Theodericus ut ad celestem perueniret Iherusalem totum ipsius uille de Lethias allodium cum omnibus suis appendiciis non solum in aquis et in siluis sed in familia in pratis et in aquis concedente domina Ada uxore sua suo que fratre Menzone huic ecclesie legitime adaptauit. Tradidit etiam idem Theodericus eidem ecclesie allodium de Feron ego uero altare liberum omnino. Balduinus quidem predictus comes presente et affirmante uxore sua comitissa Ida cum duobus filiis suis Balduino et Arnulfo allodium de Semeriis cum omnibus suis appendentibus liberrime ac legitime ei similiter tradidit. Ad hoc ergo corroborandum introducti sunt testes ydonei abbas scilicet Guildricus de Altomonte abbas de Crispinio Raginerus item Raginerus abbas sancti sepulcri abbas Goisfridus de Nouo Castello abbas Albertus de Mariclis item Albertus de Hasnonio abbas abbas Celle Alardus abbas de Abeciis Rogerus. Corroboratum est etiam bonorum clericorum et laicorum testimonio. Signum Theoderici archidiaconi. Signum Rodulfi archidiaconi-. Signum Alardi archidiaconi-. Signum Erleboldi prepositi. Signum Erleboldi decani et thesaurarii. Signum supradicti Theoderici. Signum Anselmi archidiaconi. Signum Rotberti Guidonis Macellini clericorum. Signum Anselmi de Rithbodimonte. Signum Goszuini de Monte. Signum Arnoldi. Signum Fastredi et fratris eius Sigeri. Signum Baldrici de Resinnio. Signum Lamberti de Feleris. Signum Gualteri de Guarneston. Signum Gualteri de Lens et Hugonis fratris eius. Signum Arnulfi de Theit. Signum Alnulfi fratris Guengeri de Tuinio. Signum Iohannis de Squilinio. Signum Ysaac de Guasmis. Signum Manasse de Bitunia. Isti quatuordecim nouissimi interfuerunt dono comitis Balduini et uxoris eius et filiorum eius necnon et Theoderici. Siquis uero hanc constitutionis et confirmationis nostre paginam agnoscens uiolare presumpserit reum et excommunicatum diuino iudicio se de perpetrata iniquitate cognoscat donec male ablata restituerit uel digna penitentia defleuerit. Hoc autem factum est anno dominice incarnationis M° C° III° indictione XI. Actum Remis V° kalendas martii anno VI° predicti pontificis.

Source	DUVIVIER CH. 1865

TRADITION

Original	No
Manuscripts	Mons, Archives de l'Etat [AE], Fonds Cartulaires 93 (1301-1400)
	Lille, Archives départementales du Nord [AD], 9 H 8 (1401-1500)
	Lille, Archives départementales du Nord [AD], 9 H 15 ()

EDITIONS AND SECONDARY LITERATURE

Editions	DUVIVIER CH.. Recherches sur le Hainaut ancien (Pagus Hainoensis) du VIIe au XIIe siècle, Bruxelles, 2 vol., Bruxelles, 1865-1866., n.93, p.487-489, LINK
Secondary literature	VAN MINGROOT E.. Kerststijl en nieuwjaarsindictie in het bisdom Kamerijk (XI· en begin XII· eeuw), dans: Bulletin de la Commission royale d'Histoire, 141 (1975), p.47-132., p.93-96,
	VAN MINGROOT E.. Liste provisoire des actes des évêques de Cambrai de 1031 à 1130, dans: Serta devota in memoriam Guillelmi Lourdaux. Pars posterior: cultura mediaevalis, ed. W. VERBEKE, M. HAVERALS, R. DE KEYSER, J. GOOSSENS (Mediaevalia Lovaniensia, n.21), Leuven, 1995., n.21, p.33,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.12, LINK LINK
	BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.2, p.147, LINK