‹
›
return to all results
| DiBe ID | 7176 |
| ACTORS |
|
Issuer(s)
(= author) |
Function/title:
count/countess Name: Baldwin V Institution/jurisdiction: Hainaut-Namur Diocese: Diocese Cambrai Principality: Hainaut Religious order: |
|
Author(s) of the actio juridica (= disposer) |
Function/title:
count/countess Name: Baldwin V Institution/jurisdiction: Hainaut-Namur Diocese: Diocese Cambrai Principality: Hainaut Religious order: |
|
Function/title:
other Name: Avesnes (of), Amand Institution/jurisdiction: UNKNOWN Diocese: Principality: Religious order: |
|
|
Beneficiary(ies)
(= recipient) |
Function/title:
monastic house Name: Institution/jurisdiction: Anchin Diocese: Diocese Arras Principality: Hainaut Religious order: Benedictines |
| DATE |
|
Scholarly dating
(preferential) |
18/12/1195 (terminus ante quem - GERZAGUET) |
|
Scholarly dating
(any) |
18/12/1195 (terminus ante quem - GERZAGUET) Scholarly qualification: - |
| //1195 (donnée par document / mentioned in document - ) Scholarly qualification: - | |
|
Date in the charter
|
//1195 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | notifie qu'Amand , sa femme et leurs enfants ont reconnu devant lui avoir donné à l'abbaye ce qu'ils possédaient dans la "villa" de Loffre et ont promis de ne plus inquiéter les religieux à ce sujet ; le comte confirme cette donation et accepte , à la demande d'Amand , de s'en porter garant |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| IN NOMINE DOMINI. Ego Balduinus, Dei gratia comes Haionensium et marchio Namucensis, omnibus ecclesie filiis in perpetuum. Quoniam dignum est ut paci ecclesiarum que in comitatu meo sunt studeam prouidere, ne dolositate iniquorum perturbentur aut aliquam in posterum iacturam sustineant, idcirco per presentis carte paginam notum facimus omnibus tam futuris quam presentibus quod Amandus de Auesnis dedit ecclesie Aquicinensi in elemosinam ex integro quicquid habebat in uilla et in territorio de Lofres et, ad maiorem confirmationem hanc elemosinam super altare Sancti Saluatoris cum ramo et cespite ponens, eidem ecclesie concessit libere et quiete in perpetuum possidendam, hoc ipsum concedentibus fratribus suis Stephano, Iohanne, Rainaldo, acceptis ab ecclesia predicta septies uiginti libris quas eadem ecclesia in recompensatione huius beneficii iam dicto Amando caritatiue donauit, testibus ascitis qui sunt subnotati: Rainerus de Tians, Gerulfus de Proui, Iohannes Cretons, Deiamicus de Vinę, Adam de Quinci, Robertus de Montegni. Uerum, quia hoc ipsum de Gontero de Bruel in feodum tenebat, ne minus egisse uideretur, domino suo Gontero de Bruel hoc ipsum reddidit. Gonterus uero mihi coram Almanno de Proui et Rainero de Marcenis et Iohanne Creton et Gerulfo de Proui et Eustachio de Ruhet et Karolo de Frasne et Rainero de Tians et Gozuino de Tulin sicut domino suo hoc ipsum reddidit. Ego autem in elemosinam perpetuam Aquicinensi ecclesie concessi apud Haspram sub testimonio eorum qui sunt subscripsi: Eustachius de Ruhet, Karolus de Frasne, Almannus de Proui, Rainerus de Tians, Robertus Li Bailes et Gozuinus de Tulin. Postmodum uero, tempore euoluto et huiusmodi pactione aliquantulum consopita, uxor predicti Amandi ad abbatem Aquicinensem ueniens et in ipsam elemosinam suam esse dotem et liberi eius suam esse dicentes hereditatem, ecclesiam prenominatam super hoc ceperunt inquietare, sed tandem, mediante uirorum sapientum consilio, iniuriam, quam aduersus ecclesiam iniuste conceperant, recognouerunt, et ad ecclesiam Aquicinensem iterum uenientes, ipsam elemosinam coram multis astantibus iterato sollempniter cum ramo et cespite super altare Sancti Saluatoris reddiderunt, acceptis ab ecclesia XL-a libris. Postea uero apud Valencenas tam ipse Amandus quam uxor et liberi eius, in presentia mea uenientes, quicquid superius diximus ecclesie Aquicinensi in elemosinam se dedisse cognouerunt, fidei sue interpositione fideliter promittentes nullam in posterum se ecclesie super hoc molestiam illaturos. Quod ut ego quoque concederem deuote postulauerunt et ut quiete eam deinceps ecclesia possideret, super hoc me obsidem fieri impetrauerunt. Quia igitur mihi rationabile uisum est quod quesierunt, donationem eorum mea firmaui concessione et obsidem me inde constituendo hanc prefati monasterii fratribus teneor guarandire. Ut ergo stabilis et inconcussa ecclesie prefate permaneat ipsa donatio, ad plenarium rei firmamentum sigilli mei auctoritate et idoneorum testium subscriptione eam prefato monasterio confirmaui. Signum mei Balduini comitis Hainoensium. Signum Theoderici de Vuasleirs. Signum Gerardi de Proui. Signum Gerulfi fratris eius. Signum Gerardi de Malcicort. Signum Egydii fratris eius. Signum Stephani de Doneng. Signum Gerardi fratris eius. Signum Guillelmi de Gummenies. Signum Gualteri de Blandain. Signum Raineri de Dolci. Actum est hoc anno incarnati Uerbi M°C°XC°V°. | |
| Source | GERZAGUET J.-P. 2005 |
| TRADITION |
| EDITIONS AND SECONDARY LITERATURE |
|
Editions
|
GERZAGUET J.-P.. Les chartes de l'abbaye d'Anchin, (ARTEM. Atelier de Recherche sur les Textes Médiévaux, 6), Turnhout, 2005., n.283, p.358-359, |
| CHARTAE GALLIAE. Base de données de chartes médiévales, Ressource électronique, F10543, LINK LINK | |
| Secondary literature | GERZAGUET J.-P.. Les chartes de l'abbaye d'Anchin, (ARTEM. Atelier de Recherche sur les Textes Médiévaux, 6), Turnhout, 2005., p.358, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.48, LINK LINK | |
| BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.6, LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
