Diplomatica Belgica

DiBe ID

69

ACTORS

Issuer(s)
(= author)

Function/title: monastic house
Name: Baldwin abbot
Institution/jurisdiction: Oudenburg
Diocese: Diocese Tournai
Principality: Flanders
Religious order: Benedictines

Author(s) of the actio juridica

(= disposer)

Function/title: monastic house
Name: Baldwin abbot
Institution/jurisdiction: Oudenburg
Diocese: Diocese Tournai
Principality: Flanders
Religious order: Benedictines

Beneficiary(ies)

(= recipient)

Function/title: monastic house
Name:
Institution/jurisdiction: Tournai (S.Martin)
Diocese: Diocese Tournai
Principality: Tournaisis
Religious order: Benedictines

DATE

Scholarly dating (preferential)	//1197 (donnée par document / mentioned in document - )
Scholarly dating (any)	//1197 (donnée par document / mentioned in document - ) Scholarly qualification: -
Date in the charter	//1197
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	renouvelle la promesse de payer chaque année la redevance en beurre payée par les moines depuis vingt-six ans
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine sancte et indiuidue trinitatis patris et filii et spiritus sancti ego Balduinus dei gratia ecclesie sancti Petri Aldeburgensis dictus abbas et totus eiusdem loci conuentus cunctis fidelibus tam futuris quam presentibus in domino salutem. Ad sopienda omnium fomenta iurgiorum necessarium duximus monimentis litterarum tradere quod posteris nostris expediat non ignorare. Notum igitur habeat presens atque uentura generatio quod predecessor noster abbas Herimannus accepta ab ecclesia beati Martini Tornacensis argenti quantitate non modica de qua comparauit terram ecclesie nostre ualde utilem et admodum necessariam in recompensatione huius beneficii consilio et communi assensu capituli nostri tradidit predicte sancti Martini ecclesie monachis octo pensiones butiri probati et bene ualentis iure perpetuo possidendas et in kalendis octobris annis singulis ad pondus Brugensis territorii fideliter persoluendas. Sciendum autem quod Tornacenses monachi apud Aldenburch propter debitum mittere habebant quibus pro expensis primo die nichil dare debebamus. Si uero per incuriam aut negligentiam nostram nuncios monachorum Tornacensium amplius quam die uno apud nos remorari oportebat uel frustratos a debito ad propria reuerti contingebat remorantibus ultra constitutum aut iterum euntibus et redeuntibus tam hominibus quam animalibus in expensis et omnibus necessariis eis prouidere tenebamur. A die autem constitutionis huius transacto uiginti sex annorum spacio cum anxie doloremus per hoc ecclesiam nostram plurimum grauari contractum istud uolentes rescindere super hoc a sede apostolica litteras impetrauimus et coram iudicibus nobis constitutis et de iure partis utriusque tractantibus nos et monachi Tornacenses frequenter conuenimus. Post longam igitur concertationem auditis hinc inde allegationibus et rei ueritatem diligenter inquisita et cognita delegati iudices dictante iusticia perpetuum nobis super hoc imposuere silentium et auctore deo mediantibus que uiris sapientibus ac discretis hoc modo ad pacem et concordiam uenimus quod Tornacenses monachi super nos moti misericordia ne in redditione debiti supra modum grauaremur nullo cogente decem marchas argenti ad pondus Flandrie nobis caritatiue contulerunt e quibus nos aliquos redditus ecclesie nostre multum proficuos comparauimus. Et intelligentes monachos Tornacenses a nobis super hoc amplius merito non esse uexandos contractum quem fecerant nostri predecessores omnes unanimiter approbauimus et in audientiam religiosarum personarum que pro pace reformanda conuenerant remota fraude seu ingenii prauitate prescriptam pactionem nos irrefragabiliter seruare repromisimus et ad maiorem firmitatem precatu monachorum Tornacensium episcopum et capitulum sancte Marie Tornacensis ecclesie necnon et Balduinum comitem Flandrie et Hainoie testes ac defensores constituimus. Igitur ne quis monachorum nostrorum quod a nobis communi assensu gestum est futuris temporibus in irritum temptet reuocare sub anathemate prohibuimus et ut ratum habeatur et a successoribus nostris inuiolabiliter obseruetur presentem paginam sigillo beati Petri Aldenburgensis et sigillo conuentus eiusdem ecclesie muniuimus et monachorum Aldeburgensium qui interfuerunt et audierunt subscriptione roborauimus. Signum domni Balduini abbatis. Signum Andree prioris. Signum Gerardi prepositi. Signum Henrici thesaurarii. Signa- Nicholai Walteri Nicholai diaconorum. Signa- Henrici Andree subdiaconorum. Actum anno ab incarnatione domini millesimo centesimo nonagesimo VII° Tornaci episcopante domno Stephano comitatum Flandrie et Hainoie tenente Balduino Balduini filio feliciter feliciter.

Source	D'HERBOMEZ A. 1898

TRADITION

Original	No
Manuscripts	Tournai, Archives de l'Etat [AE], Fonds Cartulaires 79 (1201-1300)
	Tournai, Archives de l'Etat [AE], Fonds Cartulaires 81 (1201-1300)

EDITIONS AND SECONDARY LITERATURE

Editions	D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, n.168, p.172-174, LINK LINK LINK
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.324, LINK LINK