Diplomatica Belgica - Record 688

DiBe ID

688

ACTORS

Issuer(s)
(= author)

Function/title: count/countess
Name: Theoderic of Alsace
Institution/jurisdiction: Flanders
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: count/countess
Name: Theoderic of Alsace
Institution/jurisdiction: Flanders
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name: Gilbert abbot
Institution/jurisdiction: Ghent (S.Peter)
Diocese: Diocese Tournai
Principality: Flanders
Religious order: Benedictines

DATE

Scholarly dating (preferential)	24/12/1133 (terminus ante quem - DE HEMPTINNE-VERHULST)
Scholarly dating (any)	24/12/1133 (terminus ante quem - DE HEMPTINNE-VERHULST) Scholarly qualification: -
	/7/1133 (terminus post quem - DE HEMPTINNE-VERHULST) Scholarly qualification: -
	//1133 (donnée par document / mentioned in document - ) Scholarly qualification: -
Date in the charter	//1133
Place-date (in the text)	Brugis
Place-date (normalised)	Bruges (BELGIË, Vlaams Gewest, West-Vlaanderen) Diocese: Diocese Tournai Principality: Flanders

SUMMARY AND DESCRIPTION

Summary	maintient l'abbaye dans la possession de la justice à "Testerep" , que Hakettus , châtelain de Brugge lui contestait et dans la possession de la dîme novale à Groede
Description	Language: Latin Authenticity: suspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis patris et filii et spiritus sancti. Ego Theodericus dei gratia comes Flandrie tam futuris quam presentibus in perpetuum. A uiris religiosis et ecclesiarum rectoribus mihi dicentibus ueraciter didici quod quisquis dignitate seu potestate preditus ante tribunal districti iudicis de concesso sibi regimine rationem est redditurus. Quam ob rem ecclesie sancti Petri et domni Ghiselberti eiusdem ecclesie uenerabilis abbatis rationem et rationis sinceritatem diligenter suscipiens quam aduersus castellanum Brugensem Hakettum de quadam noua terra habuit sub mea meorum que procerum pręsentia propter salutem prędecessorum meorum et anime mee controuersiam illam salua ecclesie iusticia ex consilio et assensu baronum meorum sopire ac penitus decidere curaui. Et ut lucidius intelligatur quę sit terra et ubi contineatur et qualis sit disceptatio terre descriptionem et modum disceptationis subsigno. In Testrep prefata ecclesia sancti Petri ex antiquo berquarias super litus maris possidet quibus per maris alluuionem noua quedam terra conglutinata est et concreta. Sane huiusmodi terre consuetudo est ut pro lege habetur quandocumque per maris alluuionem ueteri terre noua accreuerit possessor ueteris terre ut nouam querat et optineat acclamante lege patrie uicinior erit. Ceterum castellanus Brugensis Hakettus neque deo neque sancto Petro debitam reuerentiam exhibens determinatam consuetudinem et patrie legem perturbare non abhorruit et per comites quos tunc in arbitrium suum pronos habuit semper reclamante ecclesia sancti Petri et iusticiam requirente usque ad tempus Willelmi comitis illam nouam terram assotiato sibi fratre suo Bertulfo Brugensi preposito peruasit et obtinuit. Ut autem mortuo illustri comite Karolo propter excecrabiles excessus de ipsis et de suis sub presentia Ludowici gloriosi regis Frantie et Willelmi comitis Flandrie iusticia et uindicta facta est et omnis possessio illis abiudicata et comiti abiudicata est ecclesia sancti Petri de accepta iniuria ante regem Frantie ad comitem confugit et retracta lege patrie et terre illius ratione opitulante diuina gratia terram illam nouam quam iniuste amiserat iuste per comitem adquisiuit et quiete obtinuit. Sed meis in diebus cum iam castellanus Brugensis reconsiliatus esset et iusticiam de sepefacta terra instanter sub audientia baronum meorum requisisset die constituto presente abbate presentibus que precipuis baronibus meis adhibitis quoque scabinis et aliis testibus quorum nomina subsignata sunt ad hoc causa deducta est quod ipse castellanus suam iniusticiam cognoscens et ecclesie sancti Petri iusticiam plenarie recognoscens in presens et in posterum querelam suam penitus deposuit et quicquid iuris se habere antea asseruit ad usum ecclesie sancti Petri in manibus meis pure reddidit et omnino abdicauit. Hanc abdicationem Rodbertus filius illius et Walterus crumlin gener illius ceteri que filii fecerunt hoc ordine et ordinis ratione querela inter ecclesiam sancti Petri et castellanum Brugensem et suos sopita et penitus decisa est. Volo etiam ut ad noticiam tam presentium quam futurorum perueniat quod Willelmus filius Lamberti de Rodenborch decimam cuiusdam noue terre nomine Groede que per maris alluuionem ueteri terre concreta est et que infra procinctum parrochie de Oestborch continetur per surreptionem a me obtinere uoluit. Ego autem diligentius inquisita ueritate post acceptam noticiam de iure ecclesie beati Petri que ex integro decimam totius parrochie tenet ac tenuit decimam illam noue terre propter salutem anime mee iusticia dictante beato Petro recognoui contradidi ac confirmaui. Ut autem hec concordia de castellano et mea traditio firma et inconuulsa permaneat presentem paginam in testimonium sigilli mei impressione subsignari et testium nomina subscribi feci. Signum Theoderici comitis. Signum Ywani de Alost. Signum Danielis de Tenremonde. Signum Gerardi de Aldenarde. Signum Rasonis buttellarii. Signum Theoderici camerarii. Signum Mychaelis constabularii. Signum Wenemari castellani Gandensis. Signum Ghiselberti castellani de Berghen. Signum Balduini castellani de Lens. Signum Walteri de Niuella. Signum Balduini de Belle. Signum Geruasii de Vthelhem. Signum Euerardi de Gant. Signum Walteri crummelin. Actum hoc Brugis uerbi incarnati anno M° C° XXXIII indictione XI regnante rege Lodowico in Francia Theoderico principante in Flandria anno sui principatus sexto.

Source	DE HEMPTINNE TH.-VERHULST A. 1988

TRADITION

Original	No
Manuscripts	Ghent, Universiteitsbibliotheek, Manuscrit 466 (112) ()

EDITIONS AND SECONDARY LITERATURE

Editions	DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.25, p.51-54,
Secondary literature	DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., p.51,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.717, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.171, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.224, LINK LINK