Diplomatica Belgica - Record 6283

DiBe ID

6283

ACTORS

Issuer(s)
(= author)

Function/title: pope
Name: John XVI
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: John XVI
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: bishopric
Name: Leodulfus
Institution/jurisdiction: Noyon-Tournai
Diocese: Diocese Noyon
Principality: France
Religious order:

DATE

Scholarly dating (preferential)	/5/998 (conjecture précise / accurate conjecture - ZIMMERMANN/JAFFE)
Scholarly dating (any)	/5/998 (conjecture précise / accurate conjecture - ZIMMERMANN/JAFFE) Scholarly qualification: -
Place-date (in the text)	Romae
Place-date (normalised)	Rome (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	confirme à Leodulfus les possessions et les droits de son diocèse (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Johannes episcopus seruus seruorum dei omni ecclesie Gallicane. Nouerit omnium fidelium industria quod uenerit ante nostram presentiam reuerentissimus confrater noster Lyudulfus uenerabilis uidelicet episcopus Nouiomorum Tornacensium et Flandrensium cui intimanti nobis sedentibus in sede sancte Ierusalem necessaria sui episcopii uisum fuit nobis apostolico moderamine ac beniuola compassione succurrere alacri que deuotione impertiri assensum. Tunc enim lucri potissimum premium apud conditorem omnium reponitur deum quando loca uenerabilia oportune et ordinate ad meliorem fuerint sine dubio statum perducta. Igitur dilectio supradicti episcopi Lyudulfi humiliter et rationabiliter postulauit a nobis quatinus res et leges sui episcopii per priuilegii cautionem sanciremus et confirmaremus ueluti quidem statute sunt antiquitus a regibus et principibus nostris que antecessoribus. Cuius digne petitioni assensum prebentes auctoritate beati Petri principis apostolorum ac nostri priuilegii assertione sancimus et confirmamus ut nullus comes aut extranea persona habeat potestatem comprehendendi uel distringendi latronem infra procinctum Nouiomi nec in uillis illius loci episcopo sub iurisditione subiectis in procinctu antiquitus deputatis.decernimus quoque ut in Tornaco ciuitate nullus comes uel extraneus iudex se intermittat de districto aut moneta uel de riuatico unius partis nec de teloneo sed sicut statutum est a pie memorie principibus sic fixum et inconuulsum permaneat. Similiter iubemus ut nullus homo faciat eidem episcopo uel successoribus eius molestiam de Hilcinio cum matre ecclesia et cum capella que est in Mulnis et in Flandris de ecclesia sancti saluatoris de Getbecca Aldemburgi Latfinga Gestella Fleskengem. Abbatiam uero sancti Eligii antiquo tempore uiris religiosis regule beati Benedicti insudantibus preordinatam sed postea instinctu diabolico in canonicorum ordinem redactam iterum que a Rodulfo uenerabili episcopo in anteriorem regulam reductam at eo mortuo a canonicis male inuasam nunc autem a Lyudulfo nostro confratre monastico ordini ut fuerat redditam in hoc ordine precipimus permanere ita dumtaxat ut ea bona que Lyudulfus pius presul in eadem abbatia inuenit et que postea ipse adiunxit nam inuenit ibi Ragemberti curtem cum ecclesia Carisiolam Magnulfi curtem Uerlegium cum ecclesia Maherei curtem Bathbodium terras in Apiliaco terras in Bagdini curte terras in Andau terras in Diua uineas in monte terras in circuitu ecclesie que ad ipsam pertinent et in plurimis locis minutas terras abbatiam sancti Stephani et molendinos et Sicheri curtem adauxit uero ipse Bucedrium Calneium cum ecclesia Gafrinium Uuasemium sine molendinis Salinas Nouam Villam sed tamen solum censum in uita Widonis et sicut supra diximus ita dumtaxat ut hec omnia bona et que dominus in futurum dederit usibus monachorum omni tempore deseruiant. Confirmamus etiam per peticionem Lyudulfi episcopi illud donum quod dedit Hadulfus episcopus antecessor ipsius canonicis ipsius ecclesie sancte Marie et sancti Medardi infra murum ecclesiam scilicet nomine Arceium ut teneant absque contradictione illam in perpetuum. Decernimus etiam per apostolatus nostri decretum manere fixum et stabile illud donum Lyudulfi quod concessit pro remedio anime sue ipsis similiter canonicis infra murum uidelicet Betonis curtem cum attramentaria et abbatiam sancte Godeberte uirginis que est in honore beatorum apostolorum Petri et Pauli eo scilicet tenore ut quatuor canonici ex ipsis sexaginta seruiant cotidie corpori eiusdem beate uirginis in quocunque loco illius ciuitatis iacuerit et teloneum ipsius urbis passim cum omni integritate et quicquid deinceps ipsis canonicis dominus contulerit. Statuimus ergo in sede sancte Ierusalem sub diuini iudicii obtestatione et anathematis ualidissimis interdictionibus ut nullus umquam regum nullus dux aut marchio uel comes neque archiepiscopus uel ullus episcopus nullus que hominum in quolibet ordine et ministerio constitutus audeat molestiam ingerere rebus eius episcopii siue de predictis monasteriis uel de omnibus que supra posita sunt quoquo modo auferre aut alienare presumat sed semper ut dictum est firma stabilitate hec omnia permanendo decernimus atque promulgamus. Si quis uero presumptor aut temerarius homo inuentus fuerit siue clericus aut laicus qui hec omnia euellere temptauerit aut in aliquo minuere aut disrumpere uoluerit sciat se dei omnipotentis odio et domini nostri apostolorum principis Petri atque Pauli et omnium sanctorum anathematis uinculo innodatum et cum diabolo et cum Iuda traditore domini nostri Iesu christi eterni incendii supplicio concremandum nec umquam prefato anathemate absoluendum nisi resipuerit et ad satisfacionem uenerit. Fiat fiat fiat. Si quis uero custos et obseruator in omnibus fuerit huius nostri apostolici priuilegii constitutionis benedictionis gratiam uitam que eternam a misericordissimo domino deo nostro consequi mereatur in secula seculorum. Scriptum per manus Stephani scriniarii sacri palatii in mense marcio et indictione prima. bene ualete.

Source	ZIMMERMANN H. 1984

TRADITION

Original	No
Manuscripts	Beauvais, Archives départementales de l'Oise [AD], G 1984 (1201-1400)

EDITIONS AND SECONDARY LITERATURE

Editions	ZIMMERMANN H.. Papsturkunden, I. 896-996;II. 996-1046; III. Register (Österreichische Akademie der Wissenschaften, phil.-hist. Klasse. Denkschriften 174-177), Wien, 1984-1985, 1988-1989., 1, n.295, p.572-574,
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.3829, p.486, LINK LINK LINK LINK LINK LINK LINK
	ZIMMERMANN H.. Papsturkunden, I. 896-996;II. 996-1046; III. Register (Österreichische Akademie der Wissenschaften, phil.-hist. Klasse. Denkschriften 174-177), Wien, 1984-1985, 1988-1989., 1, p.572,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.416, LINK LINK