‹
›
return to all results
| DiBe ID | 6240 |
| ACTORS |
|
Issuer(s)
(= author) |
Function/title:
pope Name: Lucius III Institution/jurisdiction: Rome Diocese: Principality: Papal States Religious order: |
|
Author(s) of the actio juridica (= disposer) |
Function/title:
pope Name: Lucius III Institution/jurisdiction: Rome Diocese: Principality: Papal States Religious order: |
|
Beneficiary(ies)
(= recipient) |
Function/title:
monastic house Name: Walter abbot Institution/jurisdiction: Arrouaise Diocese: Diocese Noyon Principality: Flanders Religious order: Arrouaise |
| DATE |
|
Scholarly dating
(preferential) |
14/2/1185 (nouveau style / new style - RAMACKERS/NEWMAN/TOCK-MILIS/DATABASE CHARTAE GALLIAE) |
|
Scholarly dating
(any) |
14/2/1185 (nouveau style / new style - RAMACKERS/NEWMAN/TOCK-MILIS/DATABASE CHARTAE GALLIAE) Scholarly qualification: - |
| 14/2/1184 (donnée par document / mentioned in document - ) Scholarly qualification: - | |
|
Date in the charter
|
14/2/1184 |
|
Place-date (in the text) |
Verone |
|
Place-date (normalised) |
Verona (ITALIA, Veneto, Verona)
Diocese: Archbishopric Aquileia Principality: German Empire |
| SUMMARY AND DESCRIPTION |
| Summary | prend l'abbaye sous sa protection , lui confirme l'usage de la règle de saint Augustin , ses possessions et ses droits (énumération , donation de Philippe , comte de Flandre) |
|
Description
|
Language:
Latin Authenticity: unsuspected document Textual tradition: copy (records) Nature of the charter: bull |
| FULL TEXT OF CHARTER |
| Lucius, episcopus, seruus seruorum Dei, dilectis filiis Galtero, abbati Sancti Nicholai de Aroasia, eiusque fratribus, tam presentibus quam futuris canonicam uitam professis, in perpetuum. Monet nos apostolice sedis, cui, licet immeriti, presidemus auctoritas, pro statu omnium ecclesiarum prouida circumspectione satagere, et ne malignorum rapinis uel molestiis exponantur, apostolicum ipsis patrocinium exhibere. Eapropter, dilecti in Domino filii, uestris iustis postulationibus clementer annuimus et prefatam ecclesiam Sancti Nicholai de Aroasia, in qua diuino mancipati estis obsequio, sub beati Petri et nostra protectione suscipimus et Presentis scripti priuilegio communimus. In primis siquidem statuentes ut ordo canonicus, cui secundum Deum et beati Augustini regulam in eodem loco institutus esse dinoscitur, perpetuis ibidem temporibus inuiolabiliter obseruetur. Preterea, quascumque possessiones, quecunque bona eadem ecclesia inpresentiarum iuste et canonice possidet uel in futurum concessione pontificum, largitione regum uel principum, oblatione fidelium, seu aliis iustis modis, pres tante Domino, potent adipisci, firma uobis uestrisque successoribus et illibata permaneant. In quibus hec propriis duximus exprimenda uocabulis: ecclesiam de Margellis ab omni decimatione penitus liberam cum omnibus appenditis suis, scilicet curtem de Belloloco in Bena liberam cum oratorio et cimiterio et tota minuta decima sub annuo censu duorum solidorum Humolariensi et XII denariorum Hamensi ecclesie soluendorum; terras quas prius ab Eurardo de Dolli et Galtero filio eius ad garbam accepistis excolendas, quas etiam Alardus nunc heres eorum, assensu uxoris sue et filiorum, coram dilecto fratre nostro Renaldo Nouiomensi episcopo liberas uobis ab omni penitus exactione et dominio atque iusticia, concedente domino suo Symone de Mengi, tenendas concessit, pro quibus omnibus XVIII modios frumenti et X auene annuatim ei persoluitis; terram quoque quam ex dono Thome de Sancto Georgio in eadem curte ad firmam manum excolendam accepistis ad tercium uas; itemque quinque modiatas ab eo susceptas ad quintum uas et medietatem terragii ipsarum, nemus etiam de Frigidisfontibus cum tota dominatione et iusticia ab eodem uobis in elemosinam collatum, maioriam eiusdem nemoris, terras cum pratis et nemore de Albincort cum toto districto et iusticia earum et maioria ipsius nemoris; commutationem etiam terrarum quam fecistis cum monachis Humolariensis ecclesie, sicut et cyrographi diuisione et sigillorum uestrorum impressione firmata est; curtem de Bulmont cum uirgultis et pratis et hortis penitus liberam et oratorium et cimiterium et totam minutam decimam sub annuo censu XVIII-to denariorum; terram quam Robertus Uenator de Ham uobis ad quartam garbam contulit excolendam, in qua etiam terra Robertus filius eius omne dominium, districtum et iusticiam, concedente domino suo Radulfo castellano de Nigella, uobis in elemosinam remisit; tres modiatas terre ex dono Emme de Gauerel conuerse uestre; altare de Kiuieres et totam decimam eiusdem parrochie; sedem curtis in eadem uilla ab Odone de Bonolio et filiis eius uobis in elemosinam collatam; IX sextariatas terre secus uiuarium de Margellis quas dedit uobis Odo dominus Hamensis, pro eo quod permisistis ei uiuarium et molendinum in aqua uestra statuere inter pontem de Dolli et Margellas; altare de Baiencort ab omni prorsus exactione liberum, sicut et uobis datum est et hactenus tenuistis; terram quam uendidit Guido de Horrech in territorio de Loieuace, concedente domino suo Petro castellano de Perona; XL solidos Atrebatensis monete quos dedit uobis Philippus comes Flandrie apud Batpalmes ad conficiendum altaris sacrificium; apud Uilers dimidium modium frumenti ex dono Gerardi de Marchais; apud Balencort decimam quam Rogerus de Sancto Leodegario tenuerat, quam sibi ab eo resignatam bone memorie Nicholaus Cameracensis episcopus uobis concessit scriptoque firmauit; item in eadem uilla decimam Gossuini et Symonis Hardel, quam ipsi in manus fratris nostri Rogeri Cameracensis episcopi ad opus ecclesie uestre tradiderunt; item decimam Alexandri de Buisnastre a Frumaldo Atrebatensi episcopo uobis concessam; decimam quoque quam Petrus maior de Uilers tenuerat, quam idem Petrus, concedente uxore sua et filiis, in manus prefati Atrebatensis episcopi reddidit idemque episcopus uobis contulit scriptoque firmauit; decimam nichilominus in nouis sartis necnon et in ueteribus de Ligescort ab Adam de Balleincort et filiis eius uobis traditam et a supradicto episcopo concessam; pacem insuper illam et coniuentiam quam fecistis cum Bernardo Offier; terragium quod emistis a Richero de Ligescort; sartum in territorio de Bekenies quod a Drogone de Salli redemistis, a decima et terragio et omni exactione liberum; sex modios frumenti ad mensuram Peronensem et XX solidos Peronensis monete ex dono Petri castellani de Perona apud Hers accipiendos; terram quam dedit uobis Willefridus de Ligescort pro filio suo Iohanne conuerso; medietatem totius terragii de Geldecort quam emistis a Radulfo; curtem de Bellocampo cum oratorio et cymiterio sub annuo censu U solidorum; duas partes decime de Gondoncurt; sartum quod dicitur Saintueest a terragio et decima liberum, cuius medietatem sub annua pensione VI mencaldorum frumenti possidetis; alteram uero medietatem a Galtero Pilet de Ribercort comparastis; Compositionem quoque quam cum monachis Sancti Andree de Castello super decimis noualium et animalium uestrorum de Gimbermont fecistis, in perpetuum manere decernimus illibatam; XXV mencaldatas terre in sarto de Rokenies uobis a castellano de Balmez concessas pro concambio terre de Harisarto et hospitum uestrorum de Tramloi et unius mencaldate terre et dimidie iuxta Tranloi. Sane noualium uestrorum que propriis manibus uel sumptibus colitis, siue de nutrimentis animalium uestrorum, de fructibus pomorum uel ortorum, nullus a uobis decimas exigere uel extorquere presumat. Liceat quoque uobis clericos uel laicos e seculo fugientes liberos et absolutos ad conuersionem recipere et eos absque contradictione aliqua retinere. Nullus etiam archiepiscoporum uel episcoporum in uos uel ecclesiam uestram suspensionis, excommunicationis seu interdicti sententiam absque manifesta et rationabili causa promulgare seu nouis et indebitis exactionibus uos aggrauare presumat. In parrochialibus autem ecclesiis quas habetis, liceat uobis quatuor aut tres ad minus de canonicis uestris ponere, quorum unus diocesano episcopo presentetur, ut ei curam animarum committat, ita quidem quod ei de spiritualibus, uobis autem de temporalibus et de ordinis obseruantia debeat respondere. Cum autem generale interdictum terre fuerit, liceat uobis clausis ianuis, exclusis excommunicatis et interdictis, non pulsatis campanis, suppressa uoce, diuina officia celebrare. Crisma uero, oleum sanctum et consecrationes altarium seu basilicarum, ordinationes clericorum qui ad sacros ordines fuerint promouendi, a diocesano suscipietis episcopo, siquidem catholicus fuerit et gratiam apostolice sedis habuerit, et ea gratis et absque pecunia uel exactione aliqua uoluerit exhibere. Alioquin ad quemcumque malueritis antistitem recurratis qui nostra fultus auctoritate, que postulantur indulgeat. Preterea nullus episcoporum uel archidiachonorum seu etiam decanorum in domibus uestris hospitandi gratia exactiones uel alia quelibet noua grauamina facere contra id, quod in Lateranensi concilio noscitur institutum, aliqua temeritate presumat. Sepulturam quoque illius loci liberam esse decernimus ut eorum deuotioni et extreme uoluntati qui se illic sepeliri deliberauerint nisi forte excommunicati sint uel interdicti, nullus obsistat, salua tamen iusticia illarum ecclesiarum a quibus mortuorum corpora assumuntur. Obeunte uero te, nunc eiusdem loci abbate, uel tuorum quolibet successorum, nullus ibi qualibet subreptionis astutia seu uiolentia preponatur nisi quem fratres communi consensu uel fratrum pars sanioris consilii secundum Dei timorem et beati Augustini regulam preuiderint eligendum. Decernimus ergo ut nulli omnino hominum fas sit prefatam ecclesiam temere perturbare aut eius possessiones auferre uel ablatas retinere, minuere seu quibuslibet uexationibus fatigare, sed omnia integra conseruentur eorum pro quorum gubernatione ac sustentatione concessa sunt usibus omnimodis profutura, salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularisue persona, hanc nostre constitutionis paginam sciens, contra eam temere uenire temptauerit, secundo tercioue commonita nisi reatum suum digna satisfactione correxerit, potestatis honorisque sui dignitate careat, reamque se diuino iudicio existere de perpetrata iniquitate cognoscat et a sacratissimo corpore et sanguine Dei et Domini redemptoris nostri Ihesu Christi aliena fiat atque in extremo examine diuine ultioni subiaceat. Cunctis autem eidem loco sua iura seruantibus sit pax Domini nostri Ihesu Christi quatinus et hic fructum bone actionis percipiat et apud districtum iudicem premia eterne pacis inueniant. Amen. Amen. Amen. Ego Lucius catholice ecclesie episcopus subscripsi. Ego Theodinus Portuensis et Sancte Rufine sedis episcopus subscripsi. Ego Henricus Albanensis episcopus subscripsi. Ego Theobaldus Hostiensis et Velletrensis episcopus subscripsi. Ego Iohannes presbiter cardinalis tituli Sancti Marci subscripsi. Ego Laborans presbiter cardinalis Sancte Marie Trans Tyberim tituli Calixti subscripsi. Ego Hubertus presbiter cardinalis tituli Sancti Laurentii in Damaso subscripsi. Ego Pandulfus presbiter cardinalis XII apostolorum subscripsi. Ego Gratianus Sanctorum Cosme et Damiani diaconus cardinalis subscripsi. Ego Albinus Sancte Marie Noue diaconus cardinalis subscripsi. Datum Uerone per manum Alberti sancte Romane ecclesie presbiteri cardinalis et cancellarii XVI° kalendas martii, indictione III-a, incarnationis dominice anno M°C°LXXX°IIII°, pontificatus uero domni Lucii pape tercii anno quarto. | |
| Source | TOCK B.-M.-MILIS L. 2000 |
| TRADITION |
| EDITIONS AND SECONDARY LITERATURE |
|
Editions
|
RAMACKERS J.. Papsturkunden in Frankreich. Neue Folge, II: Normandie, III: Artois, IV: Picardie (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.21-23-27), Göttingen, 1937-1940-1942., 4, n.286, p.438-441, |
| NEWMAN W.M.-EVERGATES TH.-CONSTABLE G.. The cartulary and charters of Notre-Dame of Homblières (The mediaeval Academy of America, 97), Cambridge, 1990., n.100 (édition fragmentaire), p.187, | |
| TOCK B.-M.-MILIS L.. Monumenta Arroasiensia (Corpus Christianorum. Continuatio Mediaevalis, 175), Turnhout, 2000., n.180, p.318-323, | |
| CHARTAE GALLIAE. Base de données de chartes médiévales, Ressource électronique, F00658, LINK LINK | |
| CHARTAE GALLIAE. Base de données de chartes médiévales, Ressource électronique, F09998, LINK LINK | |
| Secondary literature | JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.15364 a, p.769, LINK LINK LINK LINK LINK LINK LINK |
| MICHEL H.. Inventaire sommaire du cartulaire d'Arrouaise, dans: Bulletins de la Société des Antiquaires de Picardie, 28 (1917-1919), p.251-273., p.255, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
