Diplomatica Belgica - Record 6205

DiBe ID

6205

ACTORS

Issuer(s)
(= author)

Function/title: pope
Name: Paschal II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Paschal II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Richarius abbot
Institution/jurisdiction: Arrouaise
Diocese: Diocese Noyon
Principality: Flanders
Religious order: Arrouaise

DATE

Scholarly dating (preferential)	19/3/1116 (donnée par document / mentioned in document - )
Scholarly dating (any)	19/3/1116 (donnée par document / mentioned in document - ) Scholarly qualification: -
	/3/1116 (conjecture précise / accurate conjecture - JAFFE) Scholarly qualification: -
Date in the charter	19/3/1116
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	prend l'abbaye sous sa protection , lui confirme l'usage de la règle de saint Augustin , ses possessions (énumération , donation de Clémence , comtesse de Flandre) et ses droits
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Paschalis, episcopus, seruus seruorum Dei, dilectis filiis Richerio abbati et eius fratribus regularem uitam professis in ecclesia Sancte Trinitatis et Sancti Nicholai de Aridagamantia in Atrebatensi parrochia tam presentibus quam futuris in perpetuum. Austri terram inhabitantibus per prophetam Dominus precipit cum Panibus occurrere fugienti. Idcirco uos, filii karissimi, de seculo fugientes gratanter excipimus et per Sancti Spiritus gratiam sedis apostolice munimine confouemus. Uite namque canonice ordinem, quem secundum beati Augustini regulam professi estis, presentis priuilegii auctoritate firmamus. Et ne cui post professionem exhibitam proprium quid habere, neue sine abbatis uel congregationis licentia claustri cohabitationem deserere liceat, interdicimus. Unde etiam quieti uestre prouidentes confirmamus uobis alodium, quod dederunt ecclesie uestre Odo castellanus Peronensis, Hugo frater eius et Ermengarda soror eorum, Mainerus et Albertus Canis, Wago et Elizabeth uxor eius, Haeguidis uxor Iohannis Borelli et Clementia comitissa. Item terram de Trambloi, quam eadem comitissa dedit et Godefridus de Belmez et Radulfus de Belleincurte, in eadem terra partem Richerii de Ligescurte et filiorum eius et Tessolinicampum et campum de Salice et in Bekenies campum Ricardi sacerdotis ab eisdem datum. Item terram de Bekenies, quam dederunt Guillefridus et Dodo filius eius et filie, terram Sancti Fursei cum terragio et decima iuxta Tramloi ex donatione Roberti Peronensis et Adelaidis uxoris eius et Lamberti de Horrec. Item ex donatione eiusdem Roberti et uxoris eius Adelaidis molendinum de Hubertponte ab omni exactione liberum. Ex donatione Rabbodi et Petri Peronensium et hominum eorum de Uilers terram de Lamfridicampo cum terragio. Ex donatione Dudonis fratris Guillefridi senis et filiorum eius et filie terram de Bekenies. Ex donatione parrochianorum de Rocennia Partes terre in eadem parrochia, ex donatione Odonis Hamensis karrucatam terre cum terragio et decima et aquam a Dulli usque ad Suencort et pascua eidem aque confinia. Ex donatione Gonheri filii Gonfridi mansum unum cum terra appendente in uilla Toil. Confirmamus etiam uobis altare de Rokenies, de Buscoi, que ex concessione Lamberti bone memorie Atrebatensis episcopi possidetis. Unctionem quoque infirmorum et sepulturam eorum, qui ad uos ex deuotione concurrerint, religioni uestre concedimus, sicut a confratre nostro Roberto Atrebatensi episcopo comperimus esse concessum. Quecumque preterea ecclesia uestra uel in presenti IX-a indictione legitime possidet uel in futurum largiente Deo concessione pontificum, liberalitatem principum, oblatione fidelium uel aliis iustis modis poterit adipisci, firma uobis uestrisque successoribus et illibata permaneant. Decernimus ergo, ut nulli omnino hominum liceat eundem locum emere perturbare aut eius possessiones auferre uel ablatas retinere, minuere uel temerariis uexationibus fatigare, sed omnia integra conseruentur eorum, pro quorum sustentatione et gubernatione concessa sunt, usibus omnimodis profutura. Si qua igitur in futurum ecclesiastica secularisue persona, hanc nostre constitutionis paginam sciens, contra eam uenire temptauerit, secundo tercioue commonita, si non satisfactione congrua emendauerit, potestatis honorisque sui dignitate careat reamque se diuino iudicio existere de perpetrata iniquitate cognoscat et a sacratissimo corpore ac sanguine Dei et Domini redemptoris nostri Ihesu Christi aliena fiat atque in extremo examine districte ultioni subiaceat. Cunctis autem eidem ecclesie iusta seruantibus sit pax Domini nostri Ihesu Christi, quatinus et hic fructum bone actionis percipiant et apud districtum iudicem premia eterne Pacis inueniant. Amen. Amen. Amen. Ego Paschalis catholice ecclesie episcopus subscripsi. Ego Petrus Portuensis episcopus subscripsi. Ego Cono sancte Prenestine ecclesie episcopus legi et subscripsi. Ego Anastasius cardinalis presbiter tituli beati Clementis subscripsi. Datum Laterani per manum Iohannis sancte Romane ecclesie diaconi cardinalis ac bibliothecarii XIIII kalendas aprilis, indictioneIX, incarnationis dominice anno M°C°XVI°, pontificatus autem domni Paschalis secundi pape XVII°.

Source	TOCK B.-M.-MILIS L. 2000

TRADITION

Original	No
Manuscripts	Amiens, Bibliothèque centrale Louis Aragon [BM], Manuscrit 1077 (1101-1300)
	Louvain, Abdij Keizerberg, Cartulaire D (1601-1700)
	Arras (Dainville), Archives départementales du Pas-de-Calais - Centre Mahaut-d'Artois [AD], 4 J 32 (1701-1800)

EDITIONS AND SECONDARY LITERATURE

Editions	RAMACKERS J.. Papsturkunden in Frankreich. Neue Folge, II: Normandie, III: Artois, IV: Picardie (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.21-23-27), Göttingen, 1937-1940-1942., 4, n.11, p.78-79,
	TOCK B.-M.-MILIS L.. Monumenta Arroasiensia (Corpus Christianorum. Continuatio Mediaevalis, 175), Turnhout, 2000., n.6, p.49-51,
	CHARTAE GALLIAE. Base de données de chartes médiévales, Ressource électronique, F00494, LINK LINK
	CHARTAE GALLIAE. Base de données de chartes médiévales, Ressource électronique, F09723, LINK LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.6511 a, p.754, LINK LINK LINK LINK LINK LINK LINK
	RAMACKERS J.. Papsturkunden in Frankreich. Neue Folge, II: Normandie, III: Artois, IV: Picardie (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.21-23-27), Göttingen, 1937-1940-1942., 4, p.78,
	MILIS L.. L'ordre des chanoines réguliers d' Arrouaise (Rijksuniversiteit te Gent. Werken uitgegeven door de Faculteit van de Wijsbegeerte en Letteren, 147), 2 vol., Brugge, 1969., p.103-104,