Diplomatica Belgica - Record 5908

DiBe ID

5908

ACTORS

Issuer(s)
(= author)

Function/title: pope
Name: Calixtus II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Calixtus II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Arnold I provost
Institution/jurisdiction: Watten
Diocese: Diocese Thérouanne
Principality: Flanders
Religious order: Augustinian Canons

DATE

Scholarly dating (preferential)	24/11/1124 (donnée par document / mentioned in document - )
Scholarly dating (any)	24/11/1124 (donnée par document / mentioned in document - ) Scholarly qualification: -
Date in the charter	24/11/1124
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	confirme , à la demande de Jean I , évêque de Thérouanne et de Charles , comte de Flandre les dons faits à l'abbaye par ce dernier et par Robert II , comte de Flandre (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Calixtus episcopus seruus seruorum dei. Dilecto filio Arnoldo preposito eius que fratribus in Watinensi ecclesia in honore dei et beate Marie semper uirginis ac beatorum confessorum Nicholai atque Richarii constructa et consecrata regularem uitam professis in perpetuum. Desiderium quod ad religionis propositum et ad ecclesie dei utilitatem pertinere monstratur auctore deo sine aliqua est dilatione complendum. Quia igitur uos filii in christo carissimi per diuinam gratiam aspirati mores uestros sub regularis uite disciplina cohercere et communiter secundum sanctorum patrum institutionem omnipotenti domino deseruire proposuistis nos uotis uestris congratulamur affectu. Unde eciam iuxta rogatum uenerabilis fratris nostri Iohannis Morinorum episcopi et amici nostri Karoli scilicet Flandrensium comitis gloriosi petitioni uestre super priuilegio uestro benignitate debita impertimur assensum. Decet eciam ut ea diligencia corda uestra ad opus dei excitentur qua uestra exteriora contra quarumlibet infestationes personarum apostolica auctoritate confirmari dinoscuntur. Quocirca siluam cum terra in qua eadem silua est connutrita quam ecclesie uestre predictus comes Karolus noster in christo amicus causa dei et beate Marie semper uirginis et beatorum confessorum Nicholai et Richarii libere contulit apostolica auctoritate munimus ita ut in hiis nichil habeat quisquam iuris uel potestatis excepta Watinensi ecclesia. Sunt autem sicut ex lectione priuilegii comitis prenominati cognouimus prefate silue et terre ei adiacentis termini scilicet ab oriente et meridie uia publica que uulgo Stenstrata uocatur ab occidente aqua preterfluens a septentrione uilla que dicitur Milham-. Nos quoque terram de Holoca uidelicet Ostenholoca et Westenholoca cum suis paludibus et terram iacentem in uilla que dicitur Rubruc ad scutum Richarii pertinentem et terram iacentem in Sigericapella ad scutum Huberti pertinentem et terram paludosam Vronemed et Cumed nuncupatam has terras uniuersas ita determinatas quas comes Robertus iunior prefate ecclesie perpetualiter tradidit simili auctoritate confirmamus. Si qua sane ecclesiastica secularis ue persona huic nostre confirmationi temere contraire uoluerit secundo tercio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine domini nostri Iesu christi aliena fiat ac in extermo examine districte ulcioni subiaceat. Cunctis autem eidem loco iura seruantibus sit pax domini nostri Iesu christi quatenus et hic fructum bone actionis percipiant et apud districtum iudicem premia eterne pacis inueniant. Amen. Datum- Laterani- per manum Aimerici sancte Romane ecclesie diaconi cardinalis et cancellarii VIII kalendas- decembris- indictione III-a anno dominice incarnationis M° C° XXIIII° pontificatus autem domni Calixti secundi pape anno VI°.

Source	RAMACKERS J. 1937

TRADITION

Original	No
Manuscripts	S.Omer, Bibliothèque de l'agglomération de Saint Omer [BM], Manuscrit 851 ()

EDITIONS AND SECONDARY LITERATURE

Editions	RAMACKERS J.. Papsturkunden in Frankreich. Neue Folge, II: Normandie, III: Artois, IV: Picardie (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.21-23-27), Göttingen, 1937-1940-1942., 3, n.16, p.56-57,
	CHARTAE GALLIAE. Base de données de chartes médiévales, Ressource électronique, F09539, LINK LINK