Diplomatica Belgica - Record 5633
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 5633
ACTORS
Issuer(s)
(= author) 		Function/title:  cathedral/collegiate chapter
Name:  Richarius dean
Institution/jurisdiction:  Aachen (Notre-Dame)

Diocese:  Diocese Liège
Principality: Lower Lorraine
Religious order: 

Author(s) of the actio juridica 

(= disposer)

Function/title:  cathedral/collegiate chapter
Name:  Richarius dean
Institution/jurisdiction:  Aachen (Notre-Dame)

Diocese:  Diocese Liège
Principality: Lower Lorraine
Religious order: 
Function/title:  miles/knight
Name:  Franco
Institution/jurisdiction:  Evegnée

Diocese:  Diocese Liège
Principality: Liège
Religious order: 
Beneficiary(ies)

(= recipient)

Function/title:  monastic house
Name:  Lukas abbot
Institution/jurisdiction:  Liège (Mont-Cornillon)

Diocese:  Diocese Liège
Principality: Liège
Religious order:  Augustinian Canons
DATE
Scholarly dating
(preferential) 		//1158 (donnée par document / mentioned in document - )
Scholarly dating
(any) 		//1158 (donnée par document / mentioned in document - ) Scholarly qualification: -
Date in the charter
//1158

Place-date

(in the text)

Place-date

(normalised)


Diocese:  Principality: 
SUMMARY AND DESCRIPTION
Summary investit Luc , contre le payement d'une rente annuelle , d'une terre sise entre Retinne et Evegnée que Franco , fils d'Ebroinus de Fléron , avait donné à l'abbaye
Description
Language: Latin
Authenticity: unsuspected document Textual tradition: copy (records)
Nature of the charter: charter
FULL TEXT OF CHARTER
In nomine sancte et indiuidue trinitatis. Sapienti consilio et discreta prouidentia antecessores nostri ea que fecerunt nobis scripta reliquerunt quia proculdubio quicquid ab eis prudenter actum esse cognoscitur facile a nostra memoria laberetur nisi priuilegiis imperatorum seu episcoporum auctoritate confirmatum commendatu retineretur. Noticie igitur et memorie tam presentium quam futurorum traditum esse uolumus quod Franco miles de Euregneis filius quondam Eueruini militis de Flerons relicta seculari militia uenit ad conuersionem ad ecclesiam sanctorum apostolorum Montis Cornelii. Sed antequam conuersus fieret quicquid ei in seculo ex paterna successione proueniebat totum presentibus et collaudantibus fratribus et parentibus suis prefate ecclesie condonauit. Deinde sicut mos est militibus deposito gladio seipsum ad altare reddidit. Sane inter ista que prefate ecclesie idem Franco contulit quedam terra erat cuius inuestitura ad capitulum sancte Marie Aquis pertinebat quam uidelicet terram olim pater suus eidem Franconi et priuilegio auctorizabiliter confirmato et legittima inuestitura Aquensis capituli acquisierat. Huius quippe terre sunt XVIII bonaria et iacet inter Retinnes et Euregneis. Abbas autem Montis Cornelii Lucas considerans hec omnia assumpto Francone cum priuilegio uenit ad capitulum sancte Marie Aquis et postulauit sibi inuestituram donari et priuilegium renouari illius terre quam Franco dederat ecclesie sue ea lege et consuetudine qua pater suus et ipse tenuerat. Hec quippe est lex et condicio huius terre: uillicus sancte Marie tempore messis super terram istam debet uenire in primis decimam deinde quintam iarbam sine contradictione recipere et in grangiam canonicorum Aquensium fideliter reponere. Nos uero prefato abbati Luce Montis Cornelii et successoribus eius inuestituram et priuilegii renouationem libenti animo imperpetuum fecimus sub lege et conditione prenominata et ipse nobis sicut consuetudo est nostri capituli dedit fratribus amam uini. Hanc inuestituram fecit dominus Richerus decanus ecclesie sancte Marie Aquis in pleno capitulo et in testimonio canonicorum quorum sunt hec nomina Godescalcus Gillelmus cantor Nicholaus custos Henricus Amelius Iohannes Guilhelmus Henricus Iohannes Henricus Thomas celerarius Gregorius Albertus Euerardus Anselmus Lambertus. Dicendum preterea quod si Lucas abbas Montis Cornelii uel successor eius aliquis supra dictam legem et condicionem aliqua machinatione infringere temptauerit nisi iudicio et consuetudine suorum comparium qui inuestiti sunt de eodem capitulo se emendauerit quicquid actum est de inuestitura et priuilegii renouatione totum cassabitur et terra in ius et possessionem ecclesie sancte Marie Aquis ex integro redigetur. Insuper neminem latere uolumus quod illa controuersia inter canonicos ecclesie beate Marie Aquis et abbatem de Corneliomonte pro decimatione animalium suorum que infra septa abbatie sue continentur et pro decima uineole que adiacet Monti Cornelii. Abbas supradicte ecclesie singulis annis in natiuitate sancte Marie dabit tres nummos aureos ad pondus Leodiensis monete pro trecensu illarum scilicet decimarum obedienciario Iuppilie. Huius actionis et compositionis testes existunt canonici qui supranominati sunt uidelicet dominus Richerus decanus et ceteri canonici. Ut autem hec nostre conscriptionis carta inuiolabilis et inconuulsa per curricula futurorum generationum permaneat placuit nobis ut eadem carta sigillo imperatoris Karoli magni insignita et nobilitata et confirmata appareat. Facta est hec confirmatio anno ab incarnatione M° C° LVIII° indictione VI° concurrente II° epacta nulla regnante Romanorum imperatore Friderico- semper augusto.
Source MEUTHEN E. 1972
EDITIONS AND SECONDARY LITERATURE
Editions
MEUTHEN E.. Aachener Urkunden (1101-1250) (Publikationen der Gesellschaft für Rheinische Geschichtskunde, 58), Bonn, 1972., n.30, p.193-195,
Secondary literature MEUTHEN E.. Aachener Urkunden (1101-1250) (Publikationen der Gesellschaft für Rheinische Geschichtskunde, 58), Bonn, 1972., p.193,

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015