Diplomatica Belgica - Record 5396

Diplomatica Belgica - Record 5396

DiplomataBelgica

colophon | about | copyright | contact | version française

Search | Tradition Search

DiBe 1 of 1

‹

›

return to all results

DiBe ID

5396

ACTORS

Issuer(s) (= author)	Function/title: count/countess Name: Philip of Alsace Institution/jurisdiction: Flanders-Vermandois Diocese: Diocese Tournai Principality: Flanders Religious order:
	Function/title: bishop Name: Frumaldus Institution/jurisdiction: Arras Diocese: Diocese Arras Principality: Flanders Religious order:
Author(s) of the actio juridica (= disposer)	Function/title: count/countess Name: Philip of Alsace Institution/jurisdiction: Flanders-Vermandois Diocese: Diocese Tournai Principality: Flanders Religious order:
	Function/title: bishop Name: Frumaldus Institution/jurisdiction: Arras Diocese: Diocese Arras Principality: Flanders Religious order:
Beneficiary(ies) (= recipient)	Function/title: count/countess Name: Philip of Alsace Institution/jurisdiction: Flanders-Vermandois Diocese: Diocese Tournai Principality: Flanders Religious order:
	Function/title: bishop Name: Frumaldus Institution/jurisdiction: Arras Diocese: Diocese Arras Principality: Flanders Religious order:

DATE

Scholarly dating (preferential)	12/6/1176 (terminus ante quem - DE HEMPTINNE-VERHULST-DE MEY)
Scholarly dating (any)	12/6/1176 (terminus ante quem - DE HEMPTINNE-VERHULST-DE MEY) Scholarly qualification: -
	25/12/1176 (terminus post quem - DE HEMPTINNE-VERHULST-DE MEY) Scholarly qualification: -
	//1177 (donnée par document / mentioned in document - ) Scholarly qualification: -
	//1187 (date impossible / impossible date - WAUTERS) Scholarly qualification: -
Date in the charter	//1177
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	accord conclu pour régler l'exercice de la justice séculière des deux parties et décidant entre autres que dans le quartier d'Arras (L'Estrée) le jugement des défauts de fabrication des draps relèvera de l'évêque
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Ad sopiendas contentiones que emergere solent super contractibus uel compositionibus que fieri solent inter aliquos propter hominum labilem memoriam ueterum auctoritas scriptis committere decreuit illa que memoriter teneri et ad noticiam futurorum uenire uoluit. Unde est quod ego Frumaldus dei gratia Atrebatensis- episcopus et Philippus Flandrię et Viromandie comes cyrographum istud fieri et sigillis nostris corroborari uoluimus de compositione facta inter nos de discernendo jure nostro in his tantummodo que ad secularem justiciam pertinent unde inter predecessores nostros magna sepius controuersia habita est quam temporibus nostris assensu et uoluntate Atrebatensis capituli et hominum nostrorum hoc modo terminari decreuimus. Est autem compositio talis a qua tamen compositione ecclesiastica ura excepta sunt quod omnia forisfacta que extra portam Strate euenient inter homines episcopi et ecclesie ubicunque maneant in tota terra episcopi ecclesie erunt. Si autem homines comitis uel extranei inter se ibidem tale forisfactum fecerint quod LX solidos- excedat totum forisfactum erit comitis. Et si homines episcopi et homines comitis uel extranei inter se ibidem tale forisfactum fecerint quod similiter LX solidos excedat medietas illius forisfacti erit episcopi et medietas comitis. Omnia enim forisfacta LX solidorum et infra a quocumque fiant episcopi sunt. Et omnia forisfacta que extra portam Strate euenient in tota terra episcopi et ecclesie habent judicare scabini episcopi. Nuntius comitis debet interesse judicio illorum forisfactorum in quibus comes partem habere dinoscitur. Omnia forisfacta LX solidorum et infra que a porta Strate usque ad pontem Tenardi infra muros per totum districtum episcopi euenerint a quocumque fiant erunt episcopi et infractio omnium bannorum qui ibi fient et falsitas omnium mensurarum et pannorum et omnium aliarum rerum preter falsificationem monete erunt episcopi. Dedictio siue falsificatio scabinorum suorum et duella episcopi erunt. Et latro ubicunque in districto suo deprehensus fuerit tam infra muros quam extra et omnes res ipsius episcopi erunt. Episcopus autem habet de eo justiciam facere si uoluerit. Quod si noluerit corpus solummodo reddet comiti extra districtum aliud de eo facere non potest absque assensu comitis. Et omnia ista habent judicare scabini episcopi. Ictus etiam baculorum et traginamenta si ibidem euenerint inter homines episcopi tantum uel inter homines episcopi et comitis uel extraneos medietas illius forisfacti erit episcopi et medietas comitis si inter homines comitis tantum totum erit comitis. Si autem forisfactum sanguinis ibidem euenerit quod sit supra LX solidos et infra LX libras medietas erit episcopi et medietas comitis et hoc habent judicare scabini comitis non tamen sine nuncio episcopi. Omnia alia forisfacta que ibidem euenerint si LX solidos excesserint erunt comitis et ea judicabunt scabini comitis. Si forte episcopus emendationes sibi cedentes habere non poterit et ad hoc auxilium comitis quesierit comes eum juuare debet et e conuerso episcopus comitem. Comes autem cogere debet homines suos ut stent judicio coram episcopo si forisfecerint unde judicari debeant per scabinos episcopi quemadmodum et episcopus suos si forisfecerint unde judicari per scabinos comitis debeant. Preterea nullus hominum qui sit de communitate uille Atrebatensis qui consuetudines comiti debeat in eadem uilla poterit transire ad manendum extra muros in districto episcopi absque assensu comitis nec aliquis hominum episcopi infra muros absque assensu episcopi. bannum quoque qui fiet in uilla Atrebatensi per comitem et scabinos suos de uenalibus et uictualibus faciet episcopus teneri in distri suo et si forisfactum inde emerserit episcopi erit. Quod si episcopus bannum teneri non fecerit postquam ei monstratum fuerit intercipiet erga comitem. bannitos comitis non debet episcopus retinere in districto suo extra muros nisi per tres dies et post triduum si inde requisitus fuerit reddet comiti si potuerit sin autem comes faciet bannitum suum capi ubicumque inuentus fuerit salua in omnibus dignitate ecclesie et atrii. Illud tamen summopere notandum quod nec canonicus nec aliquis manens in atrio debet ultra tercium diem bannitum comitis retinere. Homines episcopi quicquid extra muros in tota terra episcopi et ecclesie forisfecerint non potest comes bannire nec retinere si episcopus eos bannierit. Preterea sciendum est quod nec episcopus nec comes poterit minuere uel condonare forisfacta utrique communia nec aliquam inde compositionem facere absque assensu alterius. Omnia autem forisfacta que in hac compositione continentur non poterunt de cetero majora constitui sed qualia modo sunt talia perpetuo remanebunt. Si aliquo casu comes prohibuerit in districto suo ceruisiam fieri tamen episcopus unam cambam debet habere in districto suo ubicunque uoluerit ad opus familie sue et ad opus canonicorum et clericorum. Aliis nec a cambario nec a clericis potest uendi. Quod si comes in presenti negotio uel in aliquo alio aduersus ecclesiam intercepit dando eidem ecclesie singulis annis in purificatione beate Marie candelam quinque solidorum interceptionem suam emendat. Huic compositioni interfuerunt Balduinus comes Hasnoniensis Robertus aduocatus Micael comes stabuli Hellinus dapifer Iacobus de Auesnis Rogerus castellanus de Cortrai Iohannes castellanus Insulanus Guillelmus castellanus de Sancto Audomaro Micahel castellanus de Duaco Raso de Gauela Henricus de Mosella Gillelmus de Halsci Gualterus de Locres Gualterus de Atrebato Gerardus prepositus Duacensis Gillebertus de Area Iohannes de Waencort pater et Iohannes filius Petrus de Buscu Gerardus de Sorel Eustachius de Nouauilla Gerardus de Mescines Petrus capellanus Radulfus archidiaconus Iohannes cantor Duacensis Martinus Tybertus et Guasso capellani Milo et Durandus decani et alii quamplures. Actum anno domini M° C° LXXVII°.

Source	TOCK B.-M. 1991

TRADITION

Original	No
Manuscripts	Paris, Bibliothèque nationale de France [BNF], Collection MOREAU 81 ()

EDITIONS AND SECONDARY LITERATURE

Editions	DE LOISNE A.. Le cartulaire du chapitre d'Arras (Académie d'Arras), Arras, 1896., n.44, p.35-37, LINK LINK
	ESPINAS G.-PIRENNE H.. Recueil de documents relatifs à l'histoire de l' industrie drapière en Flandre. Première partie: Des origines à l'époque bourguignonne. Tome premier (Aire-sur-la-Lys-Courtrai) (Publications de la Commission royale d'Histoire, Series I in 4°), Bruxelles, 1906., 1, n.40 (édition fragmentaire), p.113-114,
	ESPINAS G.. Recueil de documents relatifs à l'histoire du droit municipal en France des origines à la révolution: Artois (Société d'Histoire du Droit), 3 vol., Paris, 1934-1938-1943., 1, n.226, p.563-567,
	TOCK B.-M.. Les chartes des évêques d'Arras (1093-1203) (Collection de Documents inédits sur l'Histoire de France, Série in 8°, 20), Paris, 1991., n.174, p.194-196, LINK LINK
	DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band II. Regering van Filips van de Elzas (Eerste deel: 1168-1177), Addenda en errata in deel II, band I (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2001., n.443, p.267-270,
	CHARTAE GALLIAE. Base de données de chartes médiévales, Ressource électronique, F00145, LINK LINK
Secondary literature	DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band II. Regering van Filips van de Elzas (Eerste deel: 1168-1177), Addenda en errata in deel II, band I (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2001., p.267,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.279, LINK LINK

Collaborator: Philippe Demonty