Diplomatica Belgica - Record 5345

DiBe ID

5345

ACTORS

Issuer(s)
(= author)

Function/title: bishop
Name: Adalbero of Leuven
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Adalbero of Leuven
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Sart-les-Moines
Diocese: Diocese Liège
Principality: Namur
Religious order: Benedictines

DATE

Scholarly dating (preferential)	//1125 (donnée par document / mentioned in document - )
Scholarly dating (any)	//1125 (donnée par document / mentioned in document - ) Scholarly qualification: -
Date in the charter	//1125
Place-date (in the text)	Leodii
Place-date (normalised)	Liège (BELGIQUE, Région Wallonne, Liège) Diocese: Diocese Liège Principality: Liège

SUMMARY AND DESCRIPTION

Summary	confirme la fondation et les possessions du prieuré (énumération)
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Albero diuina miseratione Leodicensium episcopus cunctis christi fidelibus utriusque uite successus. Quod ad laudem domini et honorem saluatoris nostri Ihesu christi indies augmentatur nulli est celandum immo ut nomen domini diffusius celebratur omnibus est reuelandum. Notum igitur uobis facimus quod Petronilla uxor Radulfi de Viesuilla humilis christi famula diuino afflata spiritu in honorem dei et sancti Michaelis archangeli pro sua suorum que salute apud Auelensart ecclesiam edificauit et eam pro sua facultate de suis beneficiis honorauit eam que cum omnibus suis appendiciis ecclesie Lesiensi in perpetuum subdidit que deo et sancto Lamberto martiri in ordine monastico religiose deseruit statuens in pignus federis ut illa ecclesia sue matri ecclesie quotannis quinque solidos censuales persoluat in festiuitate sancti Lamberti martiris. Hec sunt autem beneficia que supradicta matrona huic ecclesie consilio et assensu filii sui Ebaldi coram testibus idoneis ad usus fratrum Letiensium ibidem deo famulantium legitime adaptauit. Mansus terre continens decem et octo bonaria iacentia infra ambitum eiusdem loci uidelicet Sart molendinum quoque cum piscatione communiter sibi et nobis circumquaque libere concessa ecclesia de Goceliis cum decimis suis et nona garba de culturis eiusdem uille tertia pars prati sui dominicatus et ecclesia de Wandegniis cum nona garba de culturis eiusdem uille et ad Tongrinal de culturis nona garba et allodium de Tier cum omnibus appendiciis suis que sui iuris sunt domino Ebalo filio suo retinente aduocatiam et familiam sancti Iohannis tantum Ebalo retinente aduocatiam et quarta pars ecclesie de Thimium cum suo appenditio. Ad hujus quoque loci dignitatem sublimandam et ad usus fratrum multiplicandos pro salute suarum animarum et suorum antecessorum ac eorundem fratrum dilectione Lambertus de Maisereth dimidiam partem ecclesie supradicte uille Thimium cum suis appenditiis tradidit et aptauit et Gerardus de Wais terram supradicto loco contiguam fere duodecim bonaria habentem que uulgariter appellatur Wibalt-rubers quorum beneficiorum frater noster Wedricus abbas Letiensis uolens munimentum nostre auctoritatis habere ad nos usque peruenit postulans ista beneficia et alia que dominus Ihesus christus sue ecclesie per suos fideles contulit a nobis confirmari. Cujus petitioni quam rationabilem intelleximus satisfacere curauimus ita tamen eo petente ut Ebalus prefate matrone filius ecclesiam cum designatis beneficiis in manu nostra liberam redderet. Quod et ita prosecutum est. Enimuero ego de manu Ebali liberam recepi et eam eo petente et annuente matre sua Petronilla astantibus liberis testibus saluis nostris et ministrorum nostrorum redditibus libere ecclesie Letiensi et prefato abbati tradidi eo quidem tenore ut per ipsum ac per suam ecclesiam ibidem numerus fratrum deo seruientium augeatur secundum quod ratio dictauerit et possessiones ecclesie accreuerint uel abbas uiderit fratribus illic degentibus expedire. Confirmamus igitur et ut ratum permaneat nostri sigilli munimento corroboramus et astantium testimonium personarum tam presentibus quam futuris manifestum esse curauimus. Huius rei testes sunt Andreas prepositus et archidiaconus sancti Lamberti Alexander Steppo Iohannes eiusdem ecclesie archidiaconi de eadem ecclesia clerici Seifridus decanus Iohannes de Louirual de abbatibus Obertus abbas sancti Iacobi Rodulphus abbas sancti Trudonis de liberis hominibus Franco et filii eius Heribrandus de Onhaie Godefridus de Ersclos Warnerus de Horeis. Si quis uero hanc constitutionis nostre paginam agnoscens uiolare presumpserit reum et excomunicatun diuino iudicio se de perpetrata iniquitate cognoscat donec male ablata restituerit uel digna penitentia defleuerit. Actum Leodii anno ab incarnatione domini M° C° XXV° indictione III regnante Lothario anno I° regni eius presidente sancte Romane ecclesie Honorio Leodiensi episcopo Adalberone.

Source	BERLIERE U. 1922

TRADITION

Original	No
Separate copies	Lille, Archives départementales du Nord [AD],
	Lille, Archives départementales du Nord [AD],
	Lille, Archives départementales du Nord [AD],
Manuscripts	Lille, Archives départementales du Nord [AD], 9 H 2508 (1601-1700)
	Lille, Archives départementales du Nord [AD], 9 H 2509 (1113-1598)
	Lille, Archives départementales du Nord [AD], 9 H 13 (1106-1764)

EDITIONS AND SECONDARY LITERATURE

Editions	BERLIERE U.. Recherches historiques sur la ville de Gosselies., 3 vol.(I. Histoire de la Paroisse. - II. Topographie et toponymie. - III. Le château, la seigneurie, la terre franche. ), Maredsous, 1922-1932., n.2, p.147-149,
Secondary literature	HALKIN J.. Albéron I, évêque de Liège (1123-1128), dans: Bulletin de la Société d'Art et d'Histoire du Diocèse de Liège, 8 (1894), p.321-354., n.12, p.337,