‹
›
return to all results
| DiBe ID | 5285 |
| ACTORS |
|
Issuer(s)
(= author) |
Function/title:
count/countess Name: Philip of Alsace Institution/jurisdiction: Flanders Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Philip of Alsace Institution/jurisdiction: Flanders Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
town/village/alderman/urban officer Name: Institution/jurisdiction: S.Omer Diocese: Diocese Thérouanne Principality: Flanders Religious order: |
| DATE |
|
Scholarly dating
(preferential) |
22/1/1164 (donnée par document / mentioned in document - DE HEMPTINNE-VERHULST) |
|
Scholarly dating
(any) |
22/1/1164 (donnée par document / mentioned in document - DE HEMPTINNE-VERHULST) Scholarly qualification: - |
| 22/1/1165 (nouveau style / new style - ESPINAS/COPPIETERS STOCHOVE) Scholarly qualification: - | |
|
Date in the charter
|
22/1/1164 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | confirme aux bourgeois de S . Omer le droit municipal , que son père leur avait accordé |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| Ego Philippus dei gratia Flandrensium comes peticioni burgensium Sancti Audomari satisfacere uolens pro eo maxime quia honestius et fidelius ceteris Flandrensibus erga patrem meum et me semper se habuerunt lagas et consuetudines eorum subscriptas sicut pater meus eis concessit et sigilli sui impressione confirmauit ratas et inconuulsas iure perpetuo eis habendas concedo et tenendas precipio. Primo quidem ut erga unumquemque hominem pacem eis faciam eos que sicut homines meos sine malo ingenio manuteneam et defendam rectum que iudicium scabinorum erga unumquemque hominem et erga me ipsum eis fieri concedam ipsis que scabinis libertatem qualem melius habent scabini terrę meę constituam. Si quis burgensis Sancti Audomari alicui pecuniam suam crediderit et ille cui credita est coram legitimis hominibus et in uilla sua hereditariis sponte concesserit quod si die constituta pecuniam illam non persoluerit ipse uel bona ipsius donec omnia reddat retineantur. Si persoluere noluerit aut negauerit hanc conuentionem et testimonio duorum scabinorum uel duorum iuratorum inde conuictus fuerit donec debitum soluat retineatur. Si quis de iure christianitatis ab aliquo interpellatus fuerit de uilla Sancti Audomari alias pro iusticia exsequenda non exeat sed in eadem uilla coram episcopo uel eius archidiacono aut decano uel suo presbytero quod iustum est clericorum scabinorum que iudicio exsequatur. Nec respondeat alicui nisi tribus de causis uidelicet de infractura ęcclesię uel atrii de lesione clerici de oppressione et uiolatione feminę. Quod si de aliis causis querimonia facta fuerit coram iudicibus et preposito meo hoc finiatur. Sic enim coram Karolo comite et episcopo Iohanne statutum fuit. libertatem uero quam antecessorum meorum temporibus habuerunt eis concedo scilicet quod numquam de uilla sua in expedicionem proficiscentur excepto si hostilis exercitus terram Flandrie inuaserit tunc me et terram meam defendere debebunt. Omnes qui gildam eorum habent et ad illam pertinent et infra cingulam uillę suę manent liberos omnes a teloneo facio ad portum Graueningis et per totam terram meam a sewerp liberi sint. Apud Batpalmas teloneum quale dant Atrebatenses eis constituo et apud Gandauum teloneum quale dant burgenses de Brugis ipsi dent. Quisquis eorum ad terram imperatoris pro negotiatione sua perrexerit a nemine meorum hansam persoluere cogatur. In omni mercato Flandrię si quis clamorem aduersus eos suscitauerit iudicium scabinorum de omni clamore sine duello subeant a duello uero ulterius ubique in terra mea liberi sint. Omnes qui infra murum Sancti Audomari habitant et deinceps sunt habitaturi liberos a cauagio hoc est a capitali censu et de aduocationibus constituo. Communionem autem suam sicut eam iurauerunt permanere precipio et a nemine dissolui permitto et omne rectum rectam que iusticiam sicut melius stat in tota Flandria eis concedo. Et sicut meliores et liberiores burgenses Flandrie ab omni consuetudine praua liberos deinceps eos esse uolo. Nullum scot nullam taliam nullam pecunie peticionem ab eis exigo. Custodes qui singulis noctibus per annum uigilantes castellum Sancti Audomari custodiunt et preter feodum suum et prebendam antiquitus sibi constitutam in auena et caseis et in pellibus arietum iniuste et uiolenter ab unaquaque domo in eadem uilla scilicet ad Sanctum Audomarum Sanctum que Bertinum in natali domini unum panem et unum denarium aut duos denarios exigere solebant et pro his pauperum uadimonia tollebant nichil omnino deinceps preter feodum et prebendam suam exigere audeant. Quisquis ad Niwerledam uenerit undecumque uenerit licentiam habeat ueniendi ad Sanctum Audomarum cum rebus suis in quacumque naui uoluerit. Pasturam adiacentem uille Sancti Audomari in nemore quod dicitur Lo et in paludibus et in pratis et in bruera et in hongrecoltra usibus eorum excepta terra Lazarorum concedo sicut fuit tempore Roberti comitis barbati. Mansiones quoque quę sunt in ministerio aduocati sancti Bertini illas uidelicet quę inhabitantur ab omni consuetudine liberas esse uolo dabunt que singule XII denarios in festo sancti Michaelis et de brodban XII denarios et de birban XII denarios. Vacue autem nichil dabunt. Willelmo grosso homini et burgensi meo comitatum omnium mansurarum suarum quas in ministerio sancti Bertini possidet benigne concessi. Si quis extraneus aliquem burgensium Sancti Audomari aggressus fuerit et ei contumeliam uel iniuriam irrogauerit uel uiolenter ei sua abstulerit et cum hac iniuria manus eorum euaserit postmodum uocatus a castellano uel uxore eius seu ab eius dapifero infra triduum ad satisfactionem uenire contempserit aut neglexerit ipsi communiter iniuriam fratris sui in eo uindicabunt. In qua uindicta si domus diruta aut combusta fuerit aut si quispiam uulneratus uel occisus fuerit nullum corporis aut rerum suarum periculum qui uindictam perpetrauit incurrat nec offensam meam super hoc pertimescat. Si uero qui iniuriam intulit presentialiter tentus fuerit secundum leges et consuetudines uille presentialiter iudicabitur et secundum quantitatem facti punietur scilicet oculum pro oculo dentem pro dente capud pro capite reddet. De morte Eustachii de Stenford quicumque aliquem burgensium Sancti Audomari perturbauerit uel molestauerit reus prodictionis et mortis Karoli comitis habeatur quoniam pro fidelitate mea factum est quicquid factum est. Et sicut iuraui et fidem dedi sic eos erga parentes eius reconsiliare et pacificare uolo. Monetam quam burgenses Sancti Audomari habuerant comiti liberam reddiderunt eo quod eos benignius tractaret et lagas suas eis libentius ratas teneret et insuper ut ceteri Flandrenses eidem sua incrementa celerius redderent. Teloneum uero suum ab eodem in perpetuo censu receperunt quotannis C solidos dando. Si quis etiam eorum mortuo aliquo consanguineo suo portionem aliquam possessionis illius sibi obuenire credens et in comitatu Flandrie manens cum eo qui possessionem illam tenebit uel partiri infra annum neglexerit uel eum super hoc per iudices et scabinos minime conuenerit qui per annum integrum sine legitima calumpnia tenuerit quiete deinceps teneat et nulli super hoc respondeat. Si autem heres in comitatu Flandrie non fuerit infra annum quo redierit cum possessore agat supradicto modo. Alioquin qui tenebit sine ulla inquietatione teneat. Si etiam herede aliquandiu peregre commorante et cum redierit portionem suam requirente possidens se cum eo partitum esse dixerit si ille per quinque scabinos probare falsum esse poterit hereditas que eum attingit ei reddetur. Alioquin possidens per IIII-or legitimos uiros se ei portionem suam dedisse probabit et ita quietus erit. Quod si heres infra annos discretionis fuerit pater uel mater si superuixerint uel qui eum manutenebit portionem quę illum attinget scabinis et aliis legitimis uiris infra annum obitus illius ostendat et si eis uisum fuerit quod ille fideliter seruare debeat ei committatur sin autem iudicio et prouidentia illorum ita disponatur ne heres dampnum aliquod patiatur. Et cum ad annos discretionis uenerit et oportunum fuerit hereditate sua integre et sine aliqua diminutione inuestiatur. Item si quis alicui filium suum uel filiam in matrimonio coniunxerit et filius ille uel filia sine prole obierint ad patrem et matrem eorum si superuixerint si autem mortui fuerint ad alios filios eorum uel filios filiorum redeat hereditas quę pertinebat ad filium uel filiam quos aliis matrimonio copulauerant. Et uiuentibus patre uel matre eorum hereditas illa cum supradictis personis tantum diuidatur mortuis autem illis propinquiores consanguinei illam prout iustum est sortiantur. Hanc igitur communionem tenendam et supradictas institutiones et conuentiones esse obseruandas fide promiserunt et sacramento confirmauerunt Theodericus comes Flandrie Willelmus castellanus Sancti Audomari Willelmus de Lo Iuwanus de Gandauo Daniel de Tenramunda Razo de Gauera Gislebertus de Bergis Henricus de Broburg castellanus de Gandauo Geruasius de Brugis. Ego quidem Philippus superscriptas consuetudines et institutiones eis concedo et trado et sigilli mei impressione confirmo sub istorum testimonio Willelmi castellani Sancti Audomari Arnoldi comitis de Gisnes Rogeri de Landast Rogeri de Curtrai Walteri de Locre Eustachii camerarii Roberti prepositi Arie Willelmi dapiferi Dauid de Sancto Audomaro Rogeri dispensatoris. Actum anno dominice incarnationis millesimo centesimo sexagesimo quarto undecimo kalendas februarii. | |
| Source | DE HEMPTINNE TH.-VERHULST A. 1988 |
| TRADITION |
| EDITIONS AND SECONDARY LITERATURE |
|
Editions
|
ESPINAS G.. Recueil de documents relatifs à l'histoire du droit municipal en France des origines à la révolution: Artois (Société d'Histoire du Droit), 3 vol., Paris, 1934-1938-1943., 3, n.625, p.316-318, |
| DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.231, p.360-363, | |
| Secondary literature | DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.475, LINK LINK LINK |
| COPPIETERS STOCHOVE H.. Regestes de Philippe d'Alsace, comte de Flandre, dans: Annales de la Société d'Histoire et d'Archéologie de Gand, 7 (1906), p.1-177., n.30, p.12-13, LINK LINK | |
| DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., p.360, | |
| DEMAY G.. Inventaire des sceaux de l'Artois et de la Picardie: recueillis dans les dépôts d'archives, musées et collections particulières des départements du Pas-de-Calais, de l'Oise, de la Somme et de l'Aisne, avec un catalogue des pierres gravées ayant servi à sceller, 2 parties en 1 vol., Paris, 1875-1877., I,1, n.50, p.9, LINK LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.460, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.239, LINK LINK | |
| LAURENT R.. Verzameling zegelafgietsels van het Algemeen Rijksarchief / Collection de moulages de sceaux des Archives générales du Royaume, Ressource électronique, I 347 - 35705, LINK LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
