Diplomatica Belgica - Record 5272

DiBe ID

5272

ACTORS

Issuer(s)
(= author)

Function/title: count/countess
Name: Theoderic of Alsace
Institution/jurisdiction: Flanders
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: other
Name: Gerard II
Institution/jurisdiction: Reninge
Diocese: Diocese Thérouanne
Principality: Flanders
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Marchiennes
Diocese: Diocese Arras
Principality: Flanders
Religious order: Benedictines

DATE

Scholarly dating (preferential)	1/12/1163 (donnée par document / mentioned in document - )
Scholarly dating (any)	1/12/1163 (donnée par document / mentioned in document - ) Scholarly qualification: -
Date in the charter	1/12/1163
Place-date (in the text)	Insule
Place-date (normalised)	Lille (FRANCE, Hauts-de-France, Nord) Diocese: Diocese Tournai Principality: Flanders

SUMMARY AND DESCRIPTION

Summary	déclare que Gérard renonce à ses prétentions sur les deux tiers de la dîme de Reninge , qu'il avait tenus de Daniel de Dendermonde
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Theodericus dei miseratione comes Flandrensium tam futuris quam presentibus. Quoniam ęcclesiarum quę in nostro comitatu deo auctore sitę sunt astringimur sollicitudine nostra potissimum circa earum utilitatem desudare debet intentio peruigili que cura nobis laborandum est ne per incuriam nostram rerum suarum aliquam sustinere uideantur iacturam. Unde quia abundante iniquitate multorum refrigescit caritas et malorum de die in diem crescit peruersitas sollicite prouidere curamus ut res quas ecclesie dei deuotio contulit fidelium uendicare sibi non preualeat iniquitas malorum. Notum itaque sit omnibus fidelibus quod ęcclesia Marcianensis quę in nostro comitatu sita est dudum preualente tam prelatorum eiusdem ęcclesię quam subditorum incuria tantam rerum suarum iacturam sustinuit ut pene ad nichilum redacta sit. Inter cętera igitur que tunc temporis amisit etiam decimam de Rinenga duas scilicet partes tocius decimę supradictę uille tam in segetibus et animalibus quam et in aliis rebus de quibus ibi decima datur quam diu legitime possederat et per priuilegium domni Karoli gloriosi regis Francorum et imperatoris Romanorum confirmatam tenuerat perdidit que negligentia possidentium in manus laicas deuenit et sic prefata ęcclesia possessione eiusdem decimę diu caruit. Unde tandem Danihel de Tenremunda qui supradictas duas partes tocius decimę in feodo a comite Flandrensium tenere se confirmabat excommunicationi cedens ab iniusta possessione resipuit et in presentia nostra episcopi que Atrebatensis domni Aluisi necnon abbatum et clericorum et baronum nostrorum eam abiurauit et ab eisdem baronibus nostris ei abiudicata est. Postea uero nos et ipse Danihel et Walterus filius eus in manum abbatis presentis et monachorum eam reddidimus et ad sustentandos fratres deo seruientes super altare cum ramo et cespite posuimus et ab excommunicatione nos et predecessores nostros absolui impetrauimus et de eadem decima Marcianensem ęcclesiam amodo infestaturos excommunicari monuimus et sigillo nostro hoc decretum roborauimus. ęcclesia uero Marcianensis post predictam confirmationem prefatam decimam longo tempore pacifice detinuit. Postea uero Gerardus de Rinenga nepos Theoderici qui eandem decimam de prefato Danihele iniuste tenuerat cepit multis modis supradictam infestare ęcclesiam conquerens se ab ea exheredari possessione sibi relicta a progenitoribus suis. Ego autem utpote aduocatus ęcclesię non sustinens eam iniuste affligi petitione fratrum supradictę ęcclesię conueniens Gerardum monui ut ab infestatione monachorum quiesceret tam ipse quam parentes sui. Tandem facti penitens in presentia mea et filii mei Philippi et comitisse et pricipum meorum quicquid in predicta decima reclamabat abiurauit tam ipse quam filii eius et Iohannes frater eius. Uterque tamen filiorum eius ut assensum preberet huic abiurationi duos solidos a monachis accepit. Gerardus quoque fide interposita sua pollicitus est se ulterius supradictam ęcclesiam pro hac re nullomodo infestaturum et me fideiussorem et filium meum Philippum inde ęcclesię dedit necnon et parentes suos et amicos id est Desiderium prepositum Insulę Rogerum castellanum Curtriacensem Rogerum dapiferum Rogerum de Cison Walterum de Formesella Willelmum et Balduinum de Comminis Balduinum canem Willelmum morant et Balduinum filium eius. Ut autem hoc decretum ratum et inconuulsum permaneat placuit mihi hanc subscriptionis cartam iubere componi et sigilli mei et filii mei Philippi impressione signari et testium subscriptorum annotatione roborari. Signum Hugonis abbatis sancti Amandi. Signum Desiderii prepositi sancti Petri Insulę. Signum Walteri de Subrenghim monachi Tornacensis. Signum Roberti aduocati de Betunia . Signum Alardi prepositi Insulę. Signum Anselmi de Lambris. Signum Walteri et Rogeri filiorum castellani Curtriacensis. Signum Rogeri de Ruma. Actum Insule anno domini M° C° LX° III° kalendis decembri.

Source	DE HEMPTINNE TH.-VERHULST A. 1988

TRADITION

Original	No
Manuscripts	Lille, Archives départementales du Nord [AD], 10 H 323 (1101-1600)
	Paris, Bibliothèque nationale de France [BNF], Collection MOREAU 72 ()

EDITIONS AND SECONDARY LITERATURE

Editions	DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.212, p.330-331,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.446, LINK LINK