Diplomatica Belgica - Record 520

DiBe ID

520

ACTORS

Issuer(s)
(= author)

Function/title: emperor/empress
Name: Conrad III
Institution/jurisdiction: Holy Roman Empire
Diocese: Archbishopric Mainz
Principality: German Empire
Religious order:

Author(s) of the actio juridica

(= disposer)

Function/title: emperor/empress
Name: Conrad III
Institution/jurisdiction: Holy Roman Empire
Diocese: Archbishopric Mainz
Principality: German Empire
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Floreffe
Diocese: Diocese Liège
Principality: Namur
Religious order: Premonstratensians

DATE

Scholarly dating (preferential)	17/9/1151 (terminus post quem - HAUSMANN/BOEHMER-NIEDERKORN-HRUZA)
Scholarly dating (any)	17/9/1151 (terminus post quem - HAUSMANN/BOEHMER-NIEDERKORN-HRUZA) Scholarly qualification: -
	//1151 (donnée par document / mentioned in document - ) Scholarly qualification: -
Date in the charter	//1151
Place-date (in the text)	apud Wirceburch
Place-date (normalised)	Würzburg (DEUTSCHLAND, Bayern, Unterfranken) Diocese: Archbishopric Mainz Principality: German Empire

SUMMARY AND DESCRIPTION

Summary	prend l'abbaye sous sa protection et confirme les donations faites à l'abbaye (énumération) ainsi que le droit de la libre élection de l'abbé
Description	Language: Latin Authenticity: unsuspected document Textual tradition: copy (records) Nature of the charter: diploma

FULL TEXT OF CHARTER


-crux-. In nomine sancte et indiuidue trinitatis. Conradus diuina fauente clementia Romanorum rex secundus. Pie postulatio uoluntatis tanto debet propensius effectu prosequente compleri quanto constat postulantes maiori fide ac deuotione circa res imperii nostri et persone nostre dignitatem attentius uigilare ut et fidelis deuotio laudabiliter enitescat et utilitas postulata uires indubitanter assumat. Quocirca nouerit omnium fidelium nostrorum tam future quam presentis etatis industria quod petitione uiri uenerabilis abbatis Wibaldi sacrorum monasteriorum Stabulensis uidelicet et Corbeiensis qui imperio nostro diu multum que domi ac milicie laudabiliter deseruiuit inclinati scripta quondam Godefridi comitis Namucensis et uxoris sue Ermensendis comitisse que de institutione Floreffiensis monasterii facta fuisse cognoscuntur in presentia nostra et principum nostrorum recitari et diligenter exponi fecimus in quibus continebatur qualiter predictus illustris comes una cum prenominata coniuge sua ob animarum suarum remedium parrochialem ecclesiam de Floreffia que est in honore sancte dei genitricis Marie tradiderunt uiro religioso domno Norberto qui postmodum Magaburgensis archiepiscopus factus est et fratribus tunc sibi subditis eorum que successoribus iure perpetuo libere possidendam uidelicet decimam et dotem totius ecclesie in agris culturis cultis et incultis uineis siluis pratis pascuis cum mansionariis et ceteris rebus predicte possessioni subditis preterea domum parrochie et capitaticum familie censum uidelicet quem soluunt super altare. Aduocationem uero totius possessionis et familie sibi supramemoratus comes retinuit uidelicet percussiones sanguinis effusiones cedes manus inmissionem in ancillis. In eadem quoque uilla basilicam in honore sancti Martini que possidebat nonam in suis indominicatis culturis et pratis et siluarum pascuis et pecudum nutrimentis et de molendinis et de tribus culturis in unaquaque bonuarium unum et duo cortilia ad supradictam ecclesiam beate Marie et predictis fratribus libere hoc est absque ullo seruitii genere in posterum soluendo contradidit. Ceteras uero ecclesias que filie appellantur ordinandas et locandas per manus supradictorum fratrum concessit scilicet sanctum Laurentium de sarto sanctum Martinum de Ioldiun sanctam Gertrudem de Floreffiolo. Dedit etiam sartum unum quod Pontiz appellatur prope Namuci. Et hiis qui erant de familia sua concessit ut si quid pro elemosina uel de rebus suis uel de allodio supradictis fratribus conferre uoluerint hos absque ullius contradictione sua et heredum suorum permissione facerent. In qua contradictione filii eius et filie omnes consenserunt pariter uidelicet Albertus Henricus Clementia Beatrix Adelidis. Nos itaque ut prelibatum est hiis omnibus diligenter inspectis et predicti fidelis nostri nec non reuerendi uiri Gerlandi abbatis qui nunc Floreffiensi monasterio sub institutione et regula beati Augustini laudabiliter multis ibidem aggregatis fratribus preest clementer acquiescentes iam dictam Floreffiensem ecclesiam cum omnibus que ibi a prima ipsius fundatione usque in presentem diem collata sunt uel postmodum per succedentia tempora a cuiuscunque ordinis fidelibus conferentur sub nostre et successorum nostrorum defensionis manu suscipimus cuncta que ad tuitionem eiusdem loci et ad utilitatem et honorem monasterii et per personarum inhabitantium pertinentia sicut superius scripto comprehensa sunt lege in eternum duratura per huius precepti paginam corroboramus et locum atque ipsi pertinentia presentis scripti priuilegio communimus. In quibus hec propriis duximus exprimenda uocabulis curtem de Mellinga curtem de Arlomonte cum LX-a bonuariis et decima eius altare de Capella et allodium in Capella item in eadem Capella terram Follerini et terram Arnulphi quam tenetis ab ecclesia Lobiensi sub censu duorum denariorum curtem de Ferouilla et dimidiam partem decime eius et terram quam tenetis in ualle columbina a Gualtero de Uileir sub censu VII-tem solidorum et IIII-or denariorum molendinum quoque super Sambram fluuium in allodio quod dicitur Auloizs cuius dimidiam partem tenetis a Gerardo clerico et Godescalco fratre eius Morelmeis sub censu duorum solidorum reliquas uero duas partes ab ecclesia beati Foillani Fossensis et a quodam Hugone nobili uiro sub censu duorum solidorum item duo molendina Wangis unum sub censu duorum solidorum et alterum sine censu et terram quam tenetis ab Hugone milltone citra Sambram in parrochia uestra curtem etiam de Veruis dimidiam partem allodii de Tymiun domum insuper hospitalem de uilla Wange cum omnibus appendiciis suis sub redditu unius aurei a comitissa Ermensende beato Petro oblatam dimidiam preterea Ardenellam et XXX bonuaria apud sartum Bernardi et terciam partem Postule item IIII-or mansos terre in Hengelo quos dedit Ermensendis comitissa et quintum quem dedit Henricus de Lemburch et molendinum quod Ebalus dedit uobis super Pientun item ecclesiam Obais et uillam cum omnibus attinentiis suis super qua singulare priuilegium nos iam antea predicto uenerabili abbati Gerlando dedisse meminimus. Hoc quoque firmissimo decreto statuimus ut obeunte eiusdem loci abbate fratres eiusdem monasterii liberam habeant facultatem eligendi regulariter abbatem in ordine et professione sua tam de suo quam de alieno si ita opus fuerit monasterio absque comitis Namucensis et omnis alterius potestatis contradictione. Si quis uero quod non credimus huius constitutionis nostre decreti presumptuosus uiolator extiterit huiusmodi pena sprete maiestatis multetur ut centum libras auri persoluat partem dimidiam camere nostre partem uero alteram abbati Floreffiensi et eius monasterio magna cum satisfactione illatas. Et ut hec regie auctoritatis pagina a nullo umquam uiolari presumatur eam sigilli nostri impressione signari precepimus testes que qui affuerunt subter annotari mandauimus. Arnoldus Coloniensis ecclesie in archiepiscopum electus regie curie cancellarius Hardwigus Bremensis ecclesie archiepiscopus Odelricus Haluerstadensis episcopus Euerardus Merseburgensis episcopus Wicmannus Cicensis episcopus Daniel Pragensis episcopus Euerardus Babenbergensis episcopus Giuehardus Wirceburgensis episcopus Burchardus Argentinus episcopus Conradus Wormaciensis episcopus Wibaldus Stabulensis et Corbeiensis abbas Marcquardus Fuldensis abbas Henricus Hersueldensis abbas Otto palatinus comes de Bawaria Ludowicus langrauius de Toringia Conradus marcgrauio de Witin Adelbertus marcgrauio de Brandenburch Hermannus comes de Wincenburch Ludowicus comes de Lon prefectus urbis Moguntie Poppo prefectus urbis Wirceburch Giuehardus prefectus urbis Babenberch et alii multi nobiles et ministeriales et diuersi generis homines. Ego Arnoldus cancellarius uice Henrici Moguntini archiepiscopi et archicancellarii recognoui. Data anno dominice incarnationis M° C° LI° indictione XV-a anno uero domni Conradi secundi regis inuictissimi XIIII° actum apud Wirceburch in christo feliciter amen.

Source	HAUSMANN F. 1969

TRADITION

Original	No
Manuscripts	Namur, Archives de l'Etat [AE], Archives écclésiastiques de la province de Namur 3288 (1292)

EDITIONS AND SECONDARY LITERATURE

Editions	HAUSMANN F.. Die Urkunden Konrads III. und seines Sohnes Heinrich (Monumenta Germaniae Historica. Diplomata 4: Die Urkunden der deutschen Könige und Kaiser, IX), Wien-Köln-Graz, 1969., n.258, p.446-449, LINK
Secondary literature	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.396, p.170,
	HAUSMANN F.. Die Urkunden Konrads III. und seines Sohnes Heinrich (Monumenta Germaniae Historica. Diplomata 4: Die Urkunden der deutschen Könige und Kaiser, IX), Wien-Köln-Graz, 1969., p.446, LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.342, LINK LINK
	BOEHMER J.F.- NIEDERKORN J.P.-HRUZA K.. Regesta Imperii IV. Lothar III. und ältere Staufer 1125-1197. 1. Abt.: Die Regesten des Kaiserreiches unter Lothar III. und Konrad III. Tl. 2: Konrad III. 1138 (1093/94) – 1152, Köln-Weimar-Wien, 2008., n.755, p.323, LINK
	AKADEMIE DER WISSENSCHAFTEN UND DER LITERATUR - MAINZ. Regesta imperii - RI Online, Ressource éléctronique, RI IV,1,2 n.755, LINK LINK