Diplomatica Belgica - Record 5150

DiBe ID

5150

ACTORS

Issuer(s)
(= author)

Function/title: bishop
Name: Drogo
Institution/jurisdiction: Thérouanne
Diocese: Diocese Thérouanne
Principality: Flanders
Religious order:

Author(s) of the actio juridica

(= disposer)

Function/title: other
Name: Fulpoldus
Institution/jurisdiction: UNKNOWN
Diocese:
Principality:
Religious order:

Beneficiary(ies)

(= recipient)

Function/title: cathedral/collegiate chapter
Name:
Institution/jurisdiction: Zonnebeke
Diocese: Diocese Thérouanne
Principality: Flanders
Religious order:

DATE

Scholarly dating (preferential)	//1072 (donnée par document / mentioned in document - )
Scholarly dating (any)	//1072 (donnée par document / mentioned in document - ) Scholarly qualification: -
Date in the charter	//1072
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	affranchit , sous certaines conditions , l'église de toute charge à la demande de Fulpoldus qui avait nommé trois chanoines et les avait dotés de biens (énumération)
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine sanctae atque deificę trinitatis. Drogo Morinorum episcopus urbis omnibus sancte ecclesię catholicę filiis presentibus ac futuris salutem animę et corporis cum beatitudine dominicę benedictionis. licet omnibus in toto orbe terrarum fidelibus christianis sit iniunctum illud dominicę iussionis ut unusquisque in alterum feruere debeat fraternae incendio dilectionis tanto tamen imminet hoc specialius sacerdotalis professioni ordinis quanto constat per eos eorum que antecessores approbatum euuangelicis apostolicis que documentis neminem catholicorum sine hac saluari posse aliis quibuslibet adiumentis. Proinde si nostri compellimus precepto redemptoris ut necesse sit nobis benefacere inimicis necnon et orare pro eis si participationem sanctorum beatitudinis desideramus promereri in cęlis dubium non erit quin uel ita quoque uel amplius exhibeamus amicis. Unde karissime fili Fulpolde supplicationem tuam considerans religiosam et sanctam esse dignum que ducens paterne proficere ecclesiam sanctę Marię in uilla nominata Sinnebecche ubi sancti spiritus gratia cor tuum illuminante tres canonicos statuisti omnipotentis dei clementiam pro animae tuę salute et uxoris Ramburgę ac filiorum antecessorum quoque omnium que fidelium uirorum ac mortuorum die noctu que deprecari quibus que ad hec liberius agenda de hereditatis ac possessionis tuę proprietate terras in Flandria uidelicet extra Brugias quarum numerus est XXIIII mensurarum harum sunt X in Odagri agro ad Letsuia VII ad Amelini pontem VIII et dimidia decimas quę sunt in uilla nominata Nortscotes seruos et ancillas XXX alios que redditus ad uiuendi necessarios usus cunctis diebus uitę hominum contradidisti illam inquam ecclesiam ab omni debito quod hactenus mihi uel sedi episcopali soluebat ab hodierna die in reliquum liberam reddo et absoluo excepto quod singulis annis in cena domini duos solidos persoluet ecclesię Taruennensi. Preterea decimam et oblationes ad prefatam ecclesiam pertinentes ad supplementum uictus canonicorum ex parte sanctę Marię pro remedio animę meę omnium que antecessorum meorum uel posterorum attribuo atque ut suppliciter multocies rogasti concedo ut qui iam dicti sunt canonicorum tercius super ceteros omnes que parrochianos ad predictam ecclesiam titulatos curam pastoralem habeat hoc modo ut quando subditorum sibi contigerit alterum mori cum consilio residui locum ac beneficium restauret defuncti illo que hoc est preposito humanis rebus migrante quem elegerint canonici pastorem huic ego uel quicumque successor meus fuerit absque alicuius genere precii regimen dabimus pastoralis officii et preposituram tocius boni ad ecclesiam pertinentis. Si quis autem diaboli stimulatus aculeo quod absit contra huius nostrę constitutionis priuilegium ecclesię sepe dictę rerum traditarum seu tradendarum inuasionem alienationem uel uexationem aliquo modo intulerit conuictus iram dei omnipotentis incurrat et omnium christianorum consortio alienus existat nisi resipiscens poenituerit et ecclesię illi aut eius rectoribus satisfecerit. Qui uero infractionem atrii fecerit persoluat ecclesię XXX libras episcopo bannum IX librarum. Actum que est hoc anno ab incarnatione domini M LXXII episcopatus autem Drogonis XL regnante rege Philippo in Francia Rotberto in Flandria. Huius uero priuilegii firmati a Drogone episcopo sunt testes nominandi Hubertus Arnulfus archidiaconi eiusdem ecclesię Geroldus decanus Grimelandus cantor Iodo canonicus Herluinus canonicus Wlbertus decanus parrochię eiusdem Gerardus Furnensis decanus Gerardus de Lot Wlmarus Hunfridus Hermerus Gozo Hugo Wido Willelmus Rotbertus uicecomes. Preterea tota synodus.

Source	GYSSELING M.-KOCH A.C.F. 1950

TRADITION

Original	Yes Bruges, Archief Groot Seminarie [A Gr. Sem.], Zonnebeke 5
Manuscripts	Bruges, Archief Groot Seminarie [A Gr. Sem.], Zonnebeke n1397 (1632)

EDITIONS AND SECONDARY LITERATURE

Editions	CALLEWAERT C.. Chartes anciennes de l'abbaye de Zonnebeke (Publications de la Société d' Emulation de Bruges), Bruges, 1925., n.1 (+ fac-similé), p.1-4,
	GYSSELING M.-KOCH A.C.F.. Diplomata Belgica ante annum millesimum centesimum scripta (Bouwstoffen en Studiën voor de Geschiedenis en de Lexicographie van het Nederlands, 1), 2 vol., Bruxelles, 1950., 1, n.165, p.283-284,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.531, LINK LINK