DiBe ID | 513 |
ACTORS |
Issuer(s)
(= author) |
Function/title:
archbishop Name: Adolf I of Berg-Altena Institution/jurisdiction: Cologne Diocese: Diocese Cologne Principality: Lower Lorraine Religious order: |
Author(s) of the actio juridica (= disposer) |
Function/title:
miles/knight Name: Solidus (William) Institution/jurisdiction: UNKNOWN Diocese: Principality: Religious order: |
Beneficiary(ies)
(= recipient) |
Function/title:
monastic house Name: Institution/jurisdiction: Floreffe Diocese: Diocese Liège Principality: Namur Religious order: Premonstratensians |
Function/title:
monastic house Name: Institution/jurisdiction: Schillingskapellen Diocese: Diocese Cologne Principality: Lower Lorraine Religious order: Premonstratensians |
DATE |
Scholarly dating
(preferential) |
//1197 (donnée par document / mentioned in document - ) |
Scholarly dating
(any) |
//1197 (donnée par document / mentioned in document - ) Scholarly qualification: - |
//1137 (date impossible / impossible date - HUGO) Scholarly qualification: - | |
Date in the charter
|
//1197 |
Place-date (in the text) |
|
Place-date (normalised) |
Diocese: Principality: |
SUMMARY AND DESCRIPTION |
Summary | confirme la fondation du monastère de femmes de Schillingskapellen (Heimerzheim) , qu'il soumet à l'abbaye de Floreffe |
Description
|
Language:
Latin Authenticity: unsuspected document Textual tradition: original Nature of the charter: charter |
FULL TEXT OF CHARTER |
In nomine sanctę et indiuiduę trinitatis. Adolphus dei gratia Coloniensis ęcclesię pastor humilis christi fidelibus in perpetuum. Quę sancte et religiose fiunt quanto christo gratiora sunt tanto maiori diligentia transmitti merentur ad noticiam posterorum. Series enim annorum nonnumquam reddit obscurum quod preteriit et ideo necessaria est scripti inspectio ut per eam seruetur in memoria quod ex caritate principium accepit et promotionem. Wilhelmus miles cognomine solidus de propriis bonis capellam construxit et constructam dotauit bonusculis quibusdam pie cogitans de salute animę suę. Ecclesia predicta quę proprio nomine Capella uocatur data est domnabus ut in ea religiose uiuerent et per sanctam religionem pro se et pro aliis indesinenter deo supplicarent. locum totiens nominatum et uniuersa ad eum pertinentia Wilhelmus miles in manus nostras resignauit nostrę discretioni et eorum qui nobis in dignitate succedunt regimen loci defensionem et protectionem fideliter committendo in presentia priorum ut ego et successores mei aduocatiam loci semper teneremus numquam eam translaturi ad manus aliorum. Abbati de Floreffia et suę ęcclesię locum illum subiecimus ut sorores religiose uiuerent iuxta abbatis preceptum et consilium et illius personę que per abbatem Capellę preficeretur. Si autem persona quę per abbatem loco iam dicto preficitur ad regimen loci non suffecerit uel minus religiosa inuenta fuerit abbas hanc personam deponere debet et aliam magis utilem et plus idoneam substituet. Ordinatum quoque est prudentum consilio et propter cautelam rationabilem ne numerus sororum excederet numerum quadragesimum nisi illa intercederet necessitas unde ecclesia multum posset iuuari et propter quam religiose dispensari posset contra primam ordinationem. Quando de hoc numero continget sororem decedere alia suscipietur communi consensu ad hoc inclinato nulla re interueniente quę aliquid sapiat quod sit irreligiosum. Statutum est etiam abbate presente et approbante spiritualem curam huius domunculę ęcclesiam Floreffiensem numquam debere a se remouere ne sorores destitutę maneant et compellantur inconsolabiliter deflere patris spiritualis defectum. Tres sacerdotes cum uno dyacono in eodem loco continue esse debent qui ibidem iugiter deo deseruiant et sororibus in spiritualibus prouideant. Istis statutis abbas Floreffiensis interfuit et de manu nostra suscepit locum presentibus quibusdam de fratribus eius. Conuentus etiam totius ęcclesię Floreffiensis ad hoc suum consensum inclinauit fraterne et benigne cum nostrę litterę ad eum peruenissent pro hoc ipso impetrando. Ut autem hęc rata et inconuulsa permaneant sigillo nostro et Floreffiensis ęcclesię sigillo corroborata sunt. In presentia priorum nostrorum sunt hęc instituta Luodewici maioris prepositi Vdonis maioris decani Brunonis Buonnensis prepositi- Teoderici sancti- Gereonis prepositi- Tirrici sancti- Andreę prepositi- Tirrici sanctorum- apostolorum prepositi- Luodewici sancti- Seuerini decani Hildebrandi sancti- Cuniberti decani- Giselberti sancti- Andreę decani- Iuonis sanctorum- apostolorum decani- Herimanni maioris ęcclesię secundi decani Herimanni choriepiscopi Ruodolphi scholastici. Nobiles etiam terrę hiis interfuerunt Henricus dux de Limburg Luotharius comes de Hostaden Wilhelmus comes Iuliacensis Henricus comes de Seyna et frater eius Euerhardus Arnoldus et Fridericus comites de Althena Gerardus comes de Are Euerhardus de Hengebach et filius eius Wilhelmus Albertus de Safenberg Gerardus et Cuonradus de Blanckenheim. Aderant etiam ministeriales beati Petri Henricus de Uolmuothsteine et frater eius Gerardus Herimannus de Alfethra Herimannus camerarius de Bacheim Herimannus aduocatus Coloniensis Herimannus scoltetus de Susato Otto camerarius et alii quam plures tam clerici quam laici. Acta sunt hęc anno dominicę incarnationis M C XCVII indictione XV presidente Romanę cathedrę Celestino papa III regnante Henrico Romanorum imperatore semper augusto. | |
Source | LACOMBLET TH. 1840 |
TRADITION |
Original
|
Yes
Buschhoven, Pfarrarchiv St. Katharina, |
Manuscripts | Namur, Archives de l'Etat [AE], Archives écclésiastiques de la province de Namur 3288 (1292) |
EDITIONS AND SECONDARY LITERATURE |
Editions
|
LACOMBLET TH.. Urkundenbuch für die Geschichte des Niederrheins oder des Erzstifts Cöln, der Fürstenthümer Jülich und Berg, Geldern, Meurs, Cleve und Mark und der Reichsstifte Elten, Essen und Werden, 4 vol., Düsseldorf, 1840-1858., 1, n.557, p.388-389, LINK LINK LINK LINK |
Secondary literature | KNIPPING R.. Die Regesten der Erzbischöfe von Köln im Mittelalter, II (1100-1205) (Publikationen der Gesellschaft für Rheinische Geschichtkunde, 21), Bonn, 1901., 2, n.1522, p.309, LINK LINK |
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.82, LINK LINK |