‹
›
return to all results
| DiBe ID | 511 |
| ACTORS |
|
Issuer(s)
(= author) |
Function/title:
bishop Name: Baudry Institution/jurisdiction: Noyon-Tournai Diocese: Diocese Noyon Principality: France Religious order: |
|
Author(s) of the actio juridica (= disposer) |
Function/title:
bishop Name: Baudry Institution/jurisdiction: Noyon-Tournai Diocese: Diocese Noyon Principality: France Religious order: |
|
Beneficiary(ies)
(= recipient) |
Function/title:
monastic house Name: Angilbertus abbot Institution/jurisdiction: S.Quentin-en-l'Ile Diocese: Diocese Noyon Principality: France Religious order: Benedictines |
| DATE |
|
Scholarly dating
(preferential) |
//1110 (donnée par document / mentioned in document - ) |
|
Scholarly dating
(any) |
//1110 (donnée par document / mentioned in document - ) Scholarly qualification: - |
|
Date in the charter
|
//1110 |
|
Place-date (in the text) |
Noviomi |
|
Place-date (normalised) |
Noyon (FRANCE, Hauts-de-France, Oise)
Diocese: Diocese Noyon Principality: France |
| SUMMARY AND DESCRIPTION |
| Summary | l'évêque de Noyon-Tournai confirme les biens possédés par l'abbaye dans ses deux diocèses: 1) les autels de Saint-Éloi à Saint-Quentin avec la chapelle sise dans le faubourg, de Neuville-S.-Amand (Aisne, Saint-Quentin, Saint-Quentin-3, Neuville-Saint-Amand) avec l’église, de Regny (Aisne, Saint-Quentin, Ribemont, Regny) avec l’église; 2) l'autel de Harly (Aisne, Saint-Quentin, Saint-Quentin-3, Harly) avec la chapelle de Mesnil-S.-Laurent (Aisne, Saint-Quentin, Saint-Quentin-3, Mesnil-Saint-Laurent); 3) l’autel de Ristri dans le Vermandois ; 4) l’autel de Sainghin-en-Mélantois (Nord, Lille, Templeuve, Sainghin-en-Mélantois) avec la chapelle d’Anstaing (Nord, Lille, Templeuve, Anstaing); 5) l’autel d’Ennevelin (Nord, Lille, Templeuve, Ennevelin), avec les deux chapelles de Pont-à-Marcq (Nord, Lille, Templeuve, Pont-à-Marcq) et d’Antreuille (Nord, Lille, Templeuve, Avelin); 4) l’autel d’Oostkerke (West-Vlaanderen, Brugge, Damme) avec son église et les quatre chapelles de Wulpen [NEDERLAND, Zeeland, Sluis (Cadzand)], Lapscheure (West-Vlaanderen, Brugge, Damme), Moerkerke (West-Vlaanderen, Brugge, Damme) et Westkapelle (West-Vlaanderen, Brugge, Knokke-Heist) |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine Patris et Filii et Spiritus Sancti. Amen. Ego Baldricus, Dei gratia Nouiomensis et Tornacensis ecclesiae pontifex, omnibus in Christum salutem credentibus. Quoniam opportunum est, quoniam licet quod expedit, quodcumque potest manus uel pes instanter operetur, quoniam nec sermo nec ratio proderunt apud inferos. Qua in re, cuicumque christiano sed praecipue Ecclesiae praelato, summopere praecauendum est ne per inertiam atque segnem desidiam a gradu eminentiori periculosum incidat praeiudicium , si manus ueremissas a bono subtrahat opere uel pes deuios declinet a rectitudine. Forma namque et exemplar uidetur esse persona in populo Dei quae fungitur honore pontificali, cui semper necesse est ut operetur bonum ad omnes, maxime autem ad domesticos fidei. Operetur inquam et psalmistae uersiculum rationali suo intextum sibi teneat et decantet dicens : « Homo cum in honore esset non intellexit , quoniam cum interierit non summet o.n.d.c.e.g.e. » . Onus igitur suum honori suo praeferens episcopus rationabiliter et cum caritate bonorum uita et iustorum deprecationes clementer exaudiat et decorum domus Dei omni intentione ueneretur, exaltet et diligat. Unde quia sic necesse est ut fiat, notum sit sanctae et uniuersalis ecclesiae filiis tam praesentibus quam futuris quod ego Baldricus, Nouiomensium siue Tornacensium sacerdos uel episcopus, his atque aliis adhortationum exemplis commonitus et uiuere uolens post obitum et cum Christo regnare, filii nostri Ingelberti abbatis fratrumque suorum iustis deprecationibus et uotis condescendi et pro animae meae remedio et anniuersaria obitus mei recordatione proque antecessorum meorum salute ecclesiae sancti et gloriosi martyris Christi Quintini, cum ipse praeest, omnia quae in meo episcopio Nouiomensi et Tornacensi possidere dignoscitur altaria, diuersis olim exactionibus et personis adgrauata, liberrima traditione absque personatu concessi. Remotis itaque consuetudinum exactionibus cum personis, excepimus obsonia quae temporibus suis et terminis michi meisque successoribus quotannis in perpetuum ab eodem suisque successoribus soluentur, sicuti per singula altaria inferius est digestum : altare Sancti Eligii cum capella in parte ipsius insulae sita in suburbio Sancti Quintini, altare de Noua uilla cum ecclesia, in territorio eiusdem castri altare de Regni cum ecclesia. Quae tria altaria per singulos annos in festiuitate Sancti Remigii soluunt michi uel meo ministro quinque solidos de obsoniis et tres de pastu. Super Somenam fluuium iuxta Sanctum Quintinum altare de Harli cum capella que uocatur Maisnil, quod in supradicta festiuitate duos de obsoniis soluit solidos et XVIII denarios de pastu. In territorio Uirmandensi altare de Ristri quod in eadem die XII nummos de obsoniis et XVIII de pastu soluit. In pago Medetenensi altare de Sengin cum ecclesia et capella una que dicitur Anstain, quod in festiuitate apostolorum Simonis et Iudę soluit duos solidos et unum modium auenae per singulos duos annos, in tertio uero anno quatuor solidos soluit cum uno tamen auenę modio. Aliud quoque altare de Aneuelin cum duabus capellis Marke et Anteruiles quod similiter in eadem festiuitate singulis duobus annis duos solidos, in tertio uero quatuor cum uno tamen auenę modio soluit. In Flandriis super mare altare de Oskerke cum ecclesia et quatuor capellis, prima de Uulps quae sita est in maris insula, secunda de Lapscures, tertia de Murkerka, quarta de Uuas. Quod altare cum capellis soluit in predicta festiuitate de obsoniis decem solidos. Altarium igitur expleta annotatione et abbatis praelibati fratrumque suorum instantia obtinentes, res eiusdem coenobii quas regum, comitum, nobilium, potentum uirorum ac faeminarum deuotae personae pro amore Dei eidem loco legali concessione tradiderunt, uillas uidelicet, alodia, terras, prata, aquas, molendina, siluas uel quascumque possessiones ab exordio sui possidet ut, sicut in antea et in presenti, ita et in futurum firmo tenore possideat, huic nostro subtitulantur priuilegio. Omnis uilla ipsius insule cum theloneo et toto districto pertinet ad idem coenobium, unum molendinum intra officinas ipsius insulae situm, item molendinum aliud quod dicitur ad Canalem, situm inter insulam et burgum Sancti Quintini, quod commune est monachis et principalis ecclesiae canonicis, quod perpetuo censu accensiuerunt monachi contra canonicos unoquoque anno in decem modiis tritici. Pertinet etiam ad idem coenobium omnis piscatio superior a Rouueroi et a Harli in longitudine et latitudine usque ad pontem eiusdem insulę cum districto toto, inferior quoque omnis ab eodem ponte usque ad molendina de Rouecourt cum toto similiter districto, excepta ea aqua quae dicitur Biez quae fluit inter molendinum de Canali et aliud molendinum quod uocatur Gronnart. Item omnis Nouauilla cum districto toto et ei adiacens silua quae dicitur Lucosa Uallis. Uilla etiam omnis pene de Regni, scilicet ad uiginti quinque hospites qui singulatim diuisi hospitantur super decem curtilia cum certo redditu et districto toto et multe terre arabiles eidem adiacentes. Aqua etiam tota a confinio terre Sancte Benedicte usque ad retentionem aque super uadum et duo prata que omnia ita libere possidet ut in uiis et extra uias, in terris, aquis, pratis, totum habeat districtum. Ad Baienpont curtilia et terra arabilis et unum pratum cum districto. Super Iseram iuxta Ribodimontem, quatuor prata ad territorium de Regni pertinentia cum districto. Ad Tasini curtilia et terra arabilis et tria prata. Dimidium Uillarem Siccum in hospitibus, curtilibus, terra arabili et siluis cum toto districto. Uilla omnis de Bertegnicourt cum terris, pratis, aqua, molendino et districto toto. Ad Mohy , ad Aunoit, ad Cauuim super Iseram, ad Clastres, ad Aissegni, ad Sorbi curtilia plura et terrae arabiles. Super Someniam Inciacus totus cum terris, molendino, aqua, silua cum districto. Ad Roisest, ad Pontrule, ad Brouecurt plura curtilia et terrae arabiles et silua. Ad Montegni quarta pars eiusdem uillae cum terris et siluis, que pars suum ceterarumue partium totum tenet districtum. Ad Fiulaines unum curtile et unus mansus de terra arabili et decima sexta pars de alodiis totius uille. Ad Aldignies quarta pars eiusdem uillae cum terris et siluis. In pago Laudunensi, ad Asci et ad Moncals curtilia et terre arabiles, prata et silua. In pago Porciensi uilla cum ecclesia de Martinmont et terra arabilis et prata et piscatio. Ad Dignicurt en Santers curtilia et terra arabilis cum famila seruorum et ancillarum. In pago Medenetensi uilla de Sengin cum ecclesia et districto. Ad Perencies secus fluuium qui uocatur Lis duo feodati Sancti Quintini. Ad Oskercam super mare sexaginta diurnales de terra arabili. Ad Seraucourt unus mansus de terra arabili. Ad Leheries curtilia et terra arabilis. Hec autem et quecumque nunc in praesentiarum habet et que in futurum, Deo auxiliante, habere contigerit, auctoritate pontificali corroboramus. Et ut hoc nostre traditionis priuilegium ratum habeatur et inconuulsum, sigilli nostri impressione corroborando firmamus et testium subscriptorum commendamus. Signum Baldrici episcopi. S. Roscelini decani. S. Gerardi archidiaconi. S. Lamberti archidiaconi. S. Rorigonis praepositi. S. Anselli presbyteri. S. Arnulfi presbyteri. S. Fulceri scholastici . S. Hagenonis cantoris. S. Landrici succentoris. S. Radulfi clerici. S. Arnulfi clerici. S. Petri clerici. S. Odonis clerici. S. Rascelini clerici. S. Desiderii clerici. Si quis autem, temeritate aliqua, regum, comitum, antistitum, nobilium, ignobilium uel cuiuscumque dignitatis uel ordinis contra hoc nostre constitutionis priuilegium uenire temptauerit et uim aliquam seu inuasionem in rebus et in possessionibus assignatis diabolico instinctu ingerere uoluerit, deleatur de libro uiuentium et alienus a corpore et sanguine Domini cum diabolo et angelis eius eternis ignibus cruciandus subiiciatur nisi digna satisfactione male acta sua correxerit. Actum Nouiomi, anno dominice incarnationis M° C° X°, indictione tertia, regnante rege Ludouico anno secundo, episcopante domno Baldrico anno XI. Ego Hugo cancellarius subscripsi. | |
| Source | PYCKE J.-VLEESCHOUWERS C. 2015 |
| TRADITION |
| EDITIONS AND SECONDARY LITERATURE |
|
Editions
|
DUVIVIER CH.. Actes et documents anciens intéressant la Belgique (Publications de la Commission royale d'Histoire, Series II in 8°), 2 vol., Bruxelles, 1898-1903., 1, p.322-329, LINK LINK |
| PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , n.160, p.239-242, | |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.108, LINK LINK |
| OPDEDRINCK J.. Oostkerke en de abdij van Sint-Quintens-ten-Eilande, dans: Biekorf, 26 (1921), p.211-225., passim, | |
| STOCKMAN L.. De oprichting van de dekenij Aardenburg (ca. 1295) en het rijke rooms eleven in en om de Mariakerk van Aardenburg (966-1625), dans: Appeltjes van het Meetjesland, 42 (1991), p.5-58., p.7, | |
| PYCKE J.-VLEESCHOUWERS C.. Les actes des évêques de Noyon-Tournai (7e siècle -1146, 1148). Episcopalis officii sollicitudo I, vol. 1 (Tournai – Art et Histoire, Instruments de travail, 25, vol.1), Louvain-la-Neuve, 2015. , p.240, |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
