Diplomatica Belgica - Record 505
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 505
ACTORS
Issuer(s)
(= author) 		Function/title:  dean (chapter)
Name:  John
Institution/jurisdiction:  Noyon (Notre-Dame)

Diocese:  Diocese Noyon
Principality: France
Religious order: 

Author(s) of the actio juridica 

(= disposer)

Function/title:  dean (chapter)
Name:  John
Institution/jurisdiction:  Noyon (Notre-Dame)

Diocese:  Diocese Noyon
Principality: France
Religious order: 
Beneficiary(ies)

(= recipient)

Function/title:  monastic house
Name: 
Institution/jurisdiction:  Thourotte (S.Amand)

Diocese:  Diocese Noyon
Principality: France
Religious order:  Benedictines
Function/title:  miles/knight
Name:  Rainald
Institution/jurisdiction:  Tracy

Diocese:  Diocese Noyon
Principality: France
Religious order: 
DATE
Scholarly dating
(preferential) 		//1177 (donnée par document / mentioned in document - )
Scholarly dating
(any) 		//1177 (donnée par document / mentioned in document - ) Scholarly qualification: -
Date in the charter
//1177

Place-date

(in the text)

Place-date

(normalised)


Diocese:  Principality: 
SUMMARY AND DESCRIPTION
Summary fait connaître l'accord conclu au sujet du moulin de Tracy déclarant nulle la prétention de Renaud de revendiquer un droit sur la propriété du moulin
Description
Language: Latin
Authenticity: unsuspected document Textual tradition: copy (records)
Nature of the charter: charter
FULL TEXT OF CHARTER
In nomine domini. Ego Iohannes dei gratia sancte Marie Nouiomensis decanus et uniuersum eiusdem ecclesie capitulum cunctis fidelibus in perpetuum. Notum sit tam futuris quam presentibus ecclesiam sancti Martini Tornacensis quandam possidere domum in pago Nouiomensi que dicitur sancti Amandi. Habet igitur prefata domus quoddam molendinum ab antiquis diebus in uilla cui nomen Trachis de quo miles eiusdem uille Rainaldus sancto Amando non nullas inferebat iniuriarum molestias. Ad dirimendam ergo controuersiam que inter fratres eiusdem domus et prefatum Rainaldum diu uentilata tandem deo miserante finem accepit presentis pagine monimentum posteris transmittimus in qua pacis reformate series plenius cognoscatur. Miles itaque totum dominatum et iusticiam molendini illius sancto Amando concessit in quo nichil iuris sibi inesse coram multis testibus recognouit. Quid autem iuris in molendino possideat dignum ducimus scripto declarare. Ad priorem sancti Amandi pertinet libere custodem atque molnerium secundum easdem consuetudines quas prius ipse molnerius habuerat in molendino ponere porcos que scilicet de proprio pascere quod prorsus Rainaldo non licet. Oportet uero eundem molnerium Rainaldo fidelitatem facere et de moltura que tota in archa ponetur excepta parte molnerii septem scilicet boistellis per ebdomadam et omnibus ad ipsum pertinentibus singulis messibus uel etiam quando priori et Rainaldo placuerit duas partes sancto Amando terciam uero sine aliquo Rainaldi sumptu sepefato consignare Rainaldo. Sciendum preterea de hac tercia Rainaldi parte ecclesiam sancti Leodegarii tres modios ad mensuram Traccensem debere in primis recipere de reliquo Rainaldus poterit libere quod sibi placuerit facere. Duarum uero clauium que in archa molendini communi assensu ponentur alteram priori sancti Leodegarii ex parte Rainaldi comitetur. Quod si forte conuersus in molendino pro custode uel etiam loco molnerii ponatur fidelitatem Rainaldo non faciet immo ab abbate et priore uirtute obedire constringetur Rainaldo partem suam fideliter conseruare. Quicumque prior fuerit oportebit pro ueritate illum testari quod neque per se neque per illum quem molendini custodem deputabit ad ualens in anno duorum solidorum patietur dampnum Rainaldo scienter inferri. Si autem inter Rainaldum et molnerium aliqua forte causa emerserit de ministro sancti Amandi alteri quam abbati uel priori Rainaldo conqueri non licebit quem etiam proprie manus iuramento fermare oportebit ob aliud se querelam illam non facere nisi causa illati sibi dampni. Post hec abbas uel prior de suo ministro in sua curia apud sanctum Amandum uel Nouiomi ubi eis placuerit sicut de re que in elemosinam data est illi iusticiam tenebit. Structuram molendini qualem et quando prior uoluerit bona fide pro suo libitu faciet. Si uero molendinum aliqua occasionne uacare contigerit restaurationem sue tercie partis Rainaldus a priore nullo modo exigere poterit. Terra in circuitu molendini tota usque ad pontem sicut duobus riuulis clauditur quemadmodum et molendinum ecclesie domino subiacebit usuagium et uisnagium omnium aisentiarum quibus libet in rebus sicut a tempore domine Mainsendis idem molendinum habuit semper habebit Rainaldus insuper fide interposita omni remota praui ingenii occasione pliuiuit nunquam deinceps a se uel ab alio propter se sancto Amando dampnum aliquod inferendum et que supra taxauimus sine fraude a se teneri atque contra homines sue potestatis uel etiam alios prout ratio exigere uidebitur ecclesiam sancti Amandi adiuuare et tueri. Clauem quam superius diximus priori sancti Leodegarii committendam Rainaldus imbannire non poterit immo quotiens prior sancti Amandi uoluerit ad archam molture accedere cum Rainaldi ministro ualebit. Et ut breuiter recapitulemus omnia que ad ius Rainaldi pertinent nichil omnino in molendino retinuit nisi illam solummodo terciam molture partem que in archa molendini reperietur. His omnibus tam uxor Rainaldi quam filii et filie assensum prebuerunt. Ut igitur hec omnia que descripsimus inuiolata perpetuo maneant presentem cartam sigilli nostri capituli impressione muniuimus cui totum capitulum Tornacense assensum suum prebuit et cum nostro sigillum suum apposuit. Testes etiam tam de ista compositione quam de capituli Tornacensis concessione et approbatione subnotari fecimus. Signum Rainaldi abbatis sancti Eligii. Signum Hugonis abbatis Premonstratensis. Signum Iuonis abbatis Tornacensis. Signum Walteiri prioris sancti Amandi. Signum Petri Balduini Ricardi Gossuini monachorum Tornacensium. Signum Gaufredi cantoris. Signum Iohannis cantoris. Signum magistri Ingebranni Radulphi Letheconie Hugonis Alberti canonicorum Nouiomensium. Signum Sigeri presbiteri. Signum Bartholomei de Seuelli Simonis de Ponte. Signum Petri de Trachi. Quo annuente et laudante facta sunt hec omnia. Cum autem in occursum aque illic decurrentis transcriuum macheriam monachi fecissent hoc ipsum Rainaldus calumpniatus est dicens eis non licere eo quod terra sui iuris esset. Quod utrum sit an non quicquid in ea clamabat sancto Amando clementer indulsit coram presbytero et parrochianis in ecclesia sancti Eligii apud Trachi. Actum anno dominice incarnationis. M° C° LXX septimo.
Source GORDIERE L.A. 1886
EDITIONS AND SECONDARY LITERATURE
Editions
GORDIERE L.A.. Le prieuré de Saint-Amand de l'ordre des Bénédictins, dépendant de l'abbaye de Saint-Martin de Tournay, situé dans l'ancien diocèse de Noyon sur le terroir de Machemont (Oise), suivi de son cartulaire, Compiègne, 1886., n.31, p.181-183,
Secondary literature WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.251, LINK LINK

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015