Diplomatica Belgica - Record 4956

DiBe ID

4956

ACTORS

Issuer(s)
(= author)

Function/title: count/countess
Name: Theoderic of Alsace
Institution/jurisdiction: Flanders
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: count/countess
Name: Theoderic of Alsace
Institution/jurisdiction: Flanders
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Marchiennes
Diocese: Diocese Arras
Principality: Flanders
Religious order: Benedictines

DATE

Scholarly dating (preferential)	10/8/1135 (donnée par document / mentioned in document - )
Scholarly dating (any)	10/8/1135 (donnée par document / mentioned in document - ) Scholarly qualification: -
Date in the charter	10/8/1135
Place-date (in the text)	Attrebati
Place-date (normalised)	Arras (FRANCE, Hauts-de-France, Pas-de-Calais) Diocese: Diocese Arras Principality: Flanders

SUMMARY AND DESCRIPTION

Summary	donne deux tiers de la dîme de Reninge , que Daniel de Dendermonde prétendait tenir en fief du comte et confirme les règlements d'avouerie de l'abbaye
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine sanctae et indiuidue trinitatis. Ego Theodericus per dei misericordiam comes Flandriarum tam futuris quam presentibus. Si per potestatem a domino deo nobis traditam eorum qui pauperes opprimunt iniusticiam reprimamus et ea quę in comitatu nostro ab ęcclesiis iniuste subtracta uel deprauata sunt in pristinam earum possessionem reuocemus tam nobis quam predecessoribus nostris et eis qui nobis successuri sunt ad ęternam beatitudinem profuturum certa spe confidimus. Dilectioni igitur uestrę notum fieri uolumus quod duę partes tocius decimę de Rinengis tam in segetibus et in animalibus quam et in aliis rebus de quibus ibi decima datur quondam fuerint Marceniensis ecclesię sed iniuste eas per aliquantulum temporis possederunt laici. Unde tandem Danihel de Tenremunda qui maxime predictam decimam in feodo a comite Flandrensi se tenere confirmabat excommunicationi cedens ab iniusta possessione illa resipuit et in presentia nostra episcopi que Attrebatensis domni Aluisi necnon abbatum et clericorum et baronum nostrorum eam abiurauit et a baronibus nostris ei abiudicata est. Postea uero nos et ipse Danihel in manum abbatis presentis et monachorum eam reddidimus et ad sustentandos fratres deo seruientes super altare cum ramo et cespite posuimus et ab excommunicatione nos et predecessores nostros absolui impetrauimus et de eadem decima Marceniensem ęcclesiam amodo infestaturos excommunicari monuimus. Tunc quoque ostensis mihi et baronibus meis de libertate supradictę ęcclesię priuilegiis quicquid in eis de aduocatione eiusdem ęcclesię a predecessoribus meis Balduino comite proauo meo et Karolo prouide et bene statutum inueni precibus supradicti episcopi et abbatis nostra etiam auctoritate ut ratum et inconuulsum permaneret hic confirmaui. Ut autem hoc decretum tam nostris quam futuris temporibus firmum permaneat placuit mihi hanc subscriptionis cartam iubere componi et sigilli mei impressione signari ne ullus in perpetuum audeat resistere uel contradicere seu aliquam uiolentiam inferre presignatę ęcclesię. Quod si quispiam indignus istud meę confirmationis priuilegium aliquando temerare presumpserit nunc nostra ammonitione a predicto episcopo excommunicatus principatus nostri seueritatem sentiat et experiatur in detrimento domus suę usque ad ualens quinquaginta librarum publice monetę. Signum mei Theoderici comitis. Signum domni Aluisi episcopi Attrebatensis. Signum Walteri abbatis sancti Vedasti. Signum Absalonis abbatis Sancti Amandi. Signum Roberti archidiaconi Attrebatensis. Signum Petri prepositi. Signum Anastasii cantoris. Signum Willelmi aduocati de Betunia. Signum Gisleberti castellani de Bergis. Signum Razonis de Gauera. Signum Wenemari castellani de Gandauo. Signum Tietbaldi de Vitri. Signum Segardi de Quinci. Signum Gozuini de Odenghim. Signum Walteri de Subrenghim. Signum Tietbaldi de Uermant. Actum Attrebati in camera episcopi anno ab incarnatione domini nostri Ihesu christi M° C° XXX° V° indictione XIII-a in die festiuitatis sancti Laurentii gloriosi martyris.

Source	DE HEMPTINNE TH.-VERHULST A. 1988

TRADITION

Original	Yes Lille, Archives départementales du Nord [AD], 10H 231/3675
Manuscripts	Lille, Archives départementales du Nord [AD], 10 H 323 (1101-1600)
	Paris, Bibliothèque nationale de France [BNF], Collection MOREAU 56 ()

EDITIONS AND SECONDARY LITERATURE

Editions	DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.28, p.57-59,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.178, LINK LINK
	BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.200, LINK