‹
›
return to all results
| DiBe ID | 4947 |
| ACTORS |
|
Issuer(s)
(= author) |
Function/title:
count/countess Name: Theoderic of Alsace Institution/jurisdiction: Flanders Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Theoderic of Alsace Institution/jurisdiction: Flanders Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
town/village/alderman/urban officer Name: Institution/jurisdiction: S.Omer Diocese: Diocese Thérouanne Principality: Flanders Religious order: |
| DATE |
|
Scholarly dating
(preferential) |
22/8/1128 (donnée par document / mentioned in document - ) |
|
Scholarly dating
(any) |
22/8/1128 (donnée par document / mentioned in document - ) Scholarly qualification: - |
| 28/8/1128 (date impossible / impossible date - WAUTERS VII) Scholarly qualification: - | |
|
Date in the charter
|
22/8/1128 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | concède des privilèges aux bourgeois de la ville |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| Ego Theodericus dei gratia Flandrensium comes petitioni burgensium Sancti Audomari contraire nolens pro eo maxime quia meam de consulatu Flandrię petitionem libenti animo receperunt et quia honestius et fidelius cęteris Flandrensibus erga me semper se habuerunt lagas seu consuetudines subscriptas perpetuo eis iure concedo et ratas eas permanere precipio. Primo quidem ut erga unumquemque hominem pacem eis faciam eos que sicut homines meos sine malo ingenio manuteneam et defendam rectum que iuditium scabinorum erga unumquemque hominem et erga me ipsum eis fieri concedam ipsis que scabinis libertatem qualem melius habent scabini terrę meę constituam. Siquis burgensium Sancti Audomari alicui pecuniam suam crediderit et ille cui credita est coram legitimis hominibus et in uilla sua hereditariis sponte concesserit quod si die constituta pecuniam illam non persoluerit ipse uel bona ipsius donec omnia reddat retineantur. Si persoluere noluerit aut negauerit hanc conuentionem et testimonio duorum scabinorum uel duorum iuratorum inde conuictus fuerit donec debitum soluat retineatur. Siquis de iure christianitatis ab aliquo interpellatus fuerit de uilla Sancti Audomari alias pro iustitia exequenda non exeat sed in eadem uilla coram episcopo uel eius archidiacono aut decano uel suo presbitero quod iustum est clericorum scabinorum que iuditio exsequatur. Nec respondeat alicui nisi tribus de causis uidelicet de infractura ęcclesię uel atrii uel de lesione clerici de oppressione et uiolatione feminę. Quod si de aliis causis querimonia facta fuerit coram iudicibus et preposito meo hoc finiatur. Sic enim coram Karolo comite et episcopo Iohanne statutum fuit. libertatem uero quam antecessorum meorum temporibus habuerunt eis concedo scilicet quod nunquam de uilla sua in expeditionem proficiscentur excepto si hostilis exercitus terram Flandrię inuaserit tunc me et terram meam defendere debebunt. Omnes qui gildam eorum habent et ad illam pertinent et infra cingulam uillę suę manent liberos omnes a teloneo facio ad portum Greueningis et per totam terram meam a sewerp liberi sint. Apud Batpalmas teloneum quale dant Atrebatenses eis constituo et apud Gandauum teloneum quale dant burgenses de Brugis ipsi dent. Quisquis eorum ad terram imperatoris pro negotiatione sua perrexerit a nemine meorum hansam persoluere cogatur. In omni mercato Flandrię, si quis clamorem aduersus eos suscitauerit iuditium scabinorum de omni clamore sine duello subeant a duello uero ulterius ubi que in terra mea liberi sint. Omnes qui infra murum Sancti Audomari habitant et deinceps sunt habitaturi liberos a cauagio hoc est a capitali censu et de aduocationibus constituo. Communionem autem suam sicut eam iurauerunt permanere precipio et a nemine dissolui permitto et omne rectum rectam que iustitiam sicut melius stat in tota Flandria eis concedo. Et sicut meliores et liberiores burgenses Flandrię ab omni consuetudine praua liberos deinceps eos esse uolo. Nullum scoth nullam taliam nullam pecunię suę petitionem ab eis exigo. Custodes qui singulis noctibus per annum uigilantes castellum Sancti Audomari custodiunt et preter feodum suum et prebendam antiquitus sibi constitutam in auena et caseis et in pellibus arietum iniuste et uiolenter ab unaquaque domo in eadem uilla scilicet ad Sanctum Audomarum sanctum que Bertinum in natali domini I panem et I denarium aut II denarios exigere solent et pro his pauperum uadimonia tollebant nichil omnino deinceps preter feodum et prebendam suam exigere audeant. Quisquis ad Niuuerledam uenerit undecumque uenerit licentiam habeat ueniendi ad Sanctum Audomarum cum rebus suis in quacumque naui uoluerit. Pasturam adiacentem uillę Sancti Audomari in nemore quod dicitur Lo et in paludibus et in pratis et in pratis et in bruera et in hongrecoltra usibus eorum excepta terra Lazarorum concedo sicut fuit tempore Roberti comitis barbati. Mansiones quoque quę sunt in ministerio aduocati sancti Bertini illas uidelicet quę inhabitantur ab omni consuetudine liberas esse uolo dabunt que singulę XII denarios in festo sancti Michaelis et de brotban XII denarios et de birban XII denarios. Vacuę autem nichil dabunt. Willelmo grosso homini et burgensi meo comitatum omnium mansurarum suarum quas in ministerio sancti Bertini possidet benigne concessi. Si quis extraneus aliquem burgensium Sancti Audomari aggressus fuerit et ei contumeliam uel iuniuriam irrogauerit uel uiolenter ei sua abstulerit et cum hac iniuria manus eorum euaserit postmodum uocatus a castellano uel uxore eius seu ab eius dapifero infra triduum ad satisfactionem uenire contempserit aut neglexerit ipsi communiter iniuriam fratris sui in eo uindicabunt. In qua uindicta si domus diruta aut combusta fuerit aut si quispiam uulneratus uel occisus fuerit nullum corporis aut rerum suarum periculum qui uindictam perpetrauit incurrat nec offensam meam super hoc pertimescat. Si uero qui iniuriam intulit presentialiter tentus fuerit secundum leges et consuetudines uillę presentialiter iudicabitur et secundum quantitatem facti punietur scilicet oculum pro oculo dentem pro dente caput pro capite reddet. De morte Eustachii de Stenford quicumque aliquem burgensium Sancti Audomari perturbauerit uel molestauerit reus proditionis et mortis Karoli comitis habeatur quoniam pro fidelitate mea factum est quicquid factum est. Et sicut iuraui et fidem dedi sic eos erga parentes eius reconciliare et pacificare uolo. Monetam quam burgenses Sancti Audomari habuerant comiti liberam reddiderunt eo quod eos benignius tractaret et lagas suas eis libentius ratas teneret et insuper ut cęteri Flandrenses eidem sua incrementa celerius redderent. Teloneum uero suum ab eodem in perpetuo censu receperunt quotannis C solidos dando. Si quis etiam eorum mortuo aliquo consanguineo suo portionem aliquam possessionis illius sibi obuenire credens et in comitatu Flandrię manens cum eo qui possessionem illam tenebit uel partiri infra annum neglexerit uel eum super hoc per iudices et scabinos minime conuenerit qui per annum integrum sine legitima calumnia tenuerit quiete deinceps teneat et nulli super hoc respondeat. Si autem heres in comitatu Flandrię non fuerit infra annum quo redierit cum possessore agat supradicto modo. Alioquin qui tenebit sine ulla inquietatione teneat. Si etiam herede aliquandiu peregre commorante et cum redierit porcionem suam requirente possidens se cum eo partitum esse dixerit si ille per quinque scabinos probare falsum esse poterit hereditas quę eum attingit ei reddetur. Alioquin possidens per IIII-or legitimos uiros se ei portionem suam dedisse probabit et ita quietus erit. Quod si heres infra annos discretionis fuerit pater uel mater si superuixerint uel qui eum manutenebit porcionem quę illum attinget scabinis et aliis legitimis uiris infra annum obitus illius ostendat et si eis uisum fuerit quod ille fideliter seruare debeat ei committatur sin autem iudicio et prouidentia illorum ita disponatur ne heres dampnum aliquod paciatur. Et cum ad annos discretionis uenerit et oportunum fuerit hereditate sua integre et sine aliqua diminutione inuestiatur. Item si quis alicui filium suum uel filiam in matrimonio coniunxerit et filius ille uel filia sine prole obierint ad patrem et matrem eorum si superuixerint si autem mortui fuerint ad alios filios eorum uel filios filiorum redeat hereditas quę pertinebat ad filium uel filiam quos aliis matrimonio copulauerunt. Et uiuentibus patre uel matre eorum hereditas illa cum supradictis personis tantum diuidatur mortuis autem illis propinquiores consanguinei illam prout iustum est sortiantur. Hanc igitur communionem tenendam et supradictas institutiones et conuentiones esse obseruandas fide promiserunt et sacramento confirmauerunt Theodoricus comes Flandrię Willelmus castellanus Sancti Audomari Willelmus de Lo Iwanus de Gandauo Danihel de Tenramunda Razo de Gauera Gislebertus de Bergis Henricus de Broburc castellanus de Gandauo Geruasius de Brugis. Prefati barones insuper iurauerunt quod si comes burgenses Sancti Audomari extra consuetudines suas eicere et sine iudicio scabinorum tractare uellet se a comite discessuros et cum eis remansuros donec comes eis suas consuetudines integre restitueret et iudicium scabinorum eos subire permitteret. Actum anno dominicę incarnationis M° C° XX VIII° in octauis assumptionis beatę Marię. | |
| Source | DE HEMPTINNE TH.-VERHULST A. 1988 |
| TRADITION |
| EDITIONS AND SECONDARY LITERATURE |
|
Editions
|
ESPINAS G.. Recueil de documents relatifs à l'histoire du droit municipal en France des origines à la révolution: Artois (Société d'Histoire du Droit), 3 vol., Paris, 1934-1938-1943., 3, n.623, p.302-306, |
| DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.2, p.14-17, | |
| Secondary literature | DEMAY G.. Inventaire des sceaux de l'Artois et de la Picardie: recueillis dans les dépôts d'archives, musées et collections particulières des départements du Pas-de-Calais, de l'Oise, de la Somme et de l'Aisne, avec un catalogue des pierres gravées ayant servi à sceller, 2 parties en 1 vol., Paris, 1875-1877., I,1, n.49, p.9, LINK LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.145, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.217, LINK LINK | |
| LAURENT R.. Verzameling zegelafgietsels van het Algemeen Rijksarchief / Collection de moulages de sceaux des Archives générales du Royaume, Ressource électronique, I 347 - 33306, LINK LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
