Diplomatica Belgica - Record 4937

DiBe ID

4937

ACTORS

Issuer(s)
(= author)

Function/title: bishop
Name: Gerald of Villers
Institution/jurisdiction: Tournai
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: monastic house
Name:
Institution/jurisdiction: Cysoing
Diocese: Diocese Tournai
Principality: Flanders
Religious order: Arrouaise

Beneficiary(ies)

(= recipient)

Function/title: monastic house
Name:
Institution/jurisdiction: Cysoing
Diocese: Diocese Tournai
Principality: Flanders
Religious order: Arrouaise

DATE

Scholarly dating (preferential)	//1160 (donnée par document / mentioned in document - VLEESCHOUWERS)
Scholarly dating (any)	//1160 (donnée par document / mentioned in document - VLEESCHOUWERS) Scholarly qualification: -
	//1155 (donnée par document / mentioned in document - DE REIFFENBERG) Scholarly qualification: -
Date in the charter	//1155
	//1160
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	l'évêque de Tournai (Hainaut) notifie et confirme l'accord conclu entre l'abbaye et les héritiers de Ghislain (son frère Henri et sa fille, épouse de Gilles de Popieul) , qui avait emprunté à l'abbaye douze marcs pour permettre le départ de son fils pour Jérusalem
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue Trinitatis. Quoniam uelox est obliuio et quicquid a mortalibus agitur cito traditur obliuioni eapropter antiquorum prouidentia instituit quatinus ea que uolumus memoriter possideri satagamus litteris subnotari. Igitur ego G, per misericordiam Dei Tornacensis episcopus, scripto notificare curaui omnibus Sancte Dei Ecclesie filiis presentibus et futuris quod Gislenus feodum suum quem ab abbate Cysoniensi receperat ad opus filii sui qui erat iturus Iherusalem XII marcas super eumdem feodum a predicto abbate dari sibi postulauit et accepit. Super hoc quoque alias XII marcas super eamdem terram in elemosina ecclesie habendas concessit eo scilicet tenore ut, si quis proximorum suorum eumdem feodum aliqua ratione repeteret seu donum uel elemosina ecclesie abdicaretur, uiginti quatuor marcas abbati et fratribus pro ipsa persolueret. His uero ita dispositis pluribusque clericis et laycis uidentibus Gislenus cum filio suo dono et elemosina nec non et uademonio super altare posuit quam ecclesia annis quam pluribus in pace possedit. Surrexerunt in terra quidam qui ius terre huius sibi uendicabant unde uim ecclesie inferentes ipsam tandem in solitudinem redegerunt. Denique inter se facta compositione acceperunt enim a fratribus XVII libras Tornacensis monete. In presentia nostra utraque pars affuit, abbas uidelicet cum clericis et hominibus suis et hi qui huius terre calumpniatores erant. Sane nobilium seniorumque concilio dispositum est quatinus his qui supradicti Gisleni heres erat propinquior homo abbatis fieret sicque donum patris fide et sacramento firmaret et post eum ceteri qui illam aliquo iure expetere ualerent. Itaque facto hominio ab herede donum, sicut superius determinatum est, in facie eorum qui aderant et nostra confirmatum est sacramento et fide. Domnus etiam Egidius de Popiolo quicquid Hugo egerat, hic enim heres uocabatur, laudans approbauit. Utque donum firmior stabiliorque maneret, fide et sacramento roborauit. Item coniunx sua, filia uidelicet Gisleni sepe nominati, idem fide interposita collaudauit et iureiurando donum, elemosinam atque uademonium astipulauit. Denique duo filii eius quicquid auunculus eorum Hugo, pater etiam et mater egerant, laudauere fideque et sacramento quod laudauerant firmauere. Nec pretereundum censeo quod omnes hi superius nominati qui huius rei astipulatores siue laudatores existunt super hac terra aduocationem seu garandiam deferre sanxerunt ita dumtaxat ut si quis huius terre heredem se esse assereret aut assensu eorum XXX et VII marcas argenti ecclesie persolueret, aut ab omni infestatione eius ecclesiam liberaret. Uerum ne hi uel aliqui successores eorum diabolico instinctu ecclesie aliquid molirentur aduersi, dederunt obsides abbati quatinus si a uero deuiare et pacti huius uellent federa dissipare per eos inconuulsa tenerentur : Euerardum scilicet castellanum, Nicholaum de Auesnis, Theodericum de Liza, Eurardum de Uinea, Seronem atque Letbertum cancellarium. Hoc autem in presentia nostra et canonicorum nostrorum et liberorum hominum factum est qui aderant sub testimonio etiam hominum abbatis ecclesie Sancti Calixti, Seronis uidelicet, Goteri de Perona, Gerardi Nepotis, Litberti Pontier, Alardi de Crespelaines et Flochet. Huius etiam rei et nos testes sumus. Et ut hoc in perpetuum firmum stabileque permaneat liberorum nominum testimonio roboramus et sigilli nostri impressione signamus. S. Geraudi episcopi. S. Galteri decani. S. Lietberti cancellarii. S. Liberti prepositi. S. Symonis capellani. S. Gunteri decani. S. magistri Walteri et fratris eius Raineri. S. Anselmi abbatis. Raineri, Eurardi, Stephani sacerdotum. S. Euerardi castellani. S. Euerardi de Uinea. S. Seronis. S. Guillermi de Rume. Actum anno incarnationis M° C° LX° , episcopatus domini Geraudi.

Source	PYCKE J.-VLEESCHOUWERS C. 2014

TRADITION

Original	No
Manuscripts	Lille, Médiathèque municipale Jean Lévy [BM], Manuscrit 113 (Collection GODEFROY 137) (1601-1700)

EDITIONS AND SECONDARY LITERATURE

Editions	DE COUSSEMAKER I.. Cartulaire de l'abbaye de Cysoing et de ses dépendances (867-XVIIe s.), Lille, 1886., n.21, p.26-27, LINK LINK
	PYCKE J.-VLEESCHOUWERS C.. Les actes des évêques de Tournai (1146-1190). Episcopalis officii sollicitudo II, vol. 2 (Tournai – Art et Histoire, Instruments de travail, 22), Louvain-la-Neuve, 2014. , n.42, p.70-71,
Secondary literature	VLEESCHOUWERS C.. Chronologische problemen aangaande de bisschoppen van Doornik (1146-1218): episcopaatsjaren en jaarstijl, dans: Handelingen van het Genootschap voor Geschiedenis "Société d'Emulation" te Brugge, 117 (1980), p.5-55., note 47, p.17,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.391, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1245, LINK LINK