‹
›
return to all results
| DiBe ID | 480 |
| ACTORS |
|
Issuer(s)
(= author) |
Function/title:
bishop Name: Lambert Institution/jurisdiction: Arras Diocese: Diocese Arras Principality: Flanders Religious order: |
|
Author(s) of the actio juridica (= disposer) |
Function/title:
bishop Name: Lambert Institution/jurisdiction: Arras Diocese: Diocese Arras Principality: Flanders Religious order: |
|
Beneficiary(ies)
(= recipient) |
Function/title:
cathedral/collegiate chapter Name: Institution/jurisdiction: Tournai Diocese: Diocese Tournai Principality: Flanders Religious order: |
|
Function/title:
monastic house Name: Institution/jurisdiction: Tournai (S.Martin) Diocese: Diocese Tournai Principality: Flanders Religious order: Benedictines |
| DATE |
|
Scholarly dating
(preferential) |
17/7/1108 (donnée par document / mentioned in document - ) |
|
Scholarly dating
(any) |
17/7/1108 (donnée par document / mentioned in document - ) Scholarly qualification: - |
| 20/7/1108 (plusieurs dates possibles / several possible dates - LOHRMANN) Scholarly qualification: - | |
| 17/7/1108 (plusieurs dates possibles / several possible dates - LOHRMANN) Scholarly qualification: - | |
|
Date in the charter
|
17/7/1108 |
|
Place-date (in the text) |
apud Capi in ecclesia sancti Medardi |
|
Place-date (normalised) |
Cappy (S.Médard) (FRANCE, Hauts-de-France, Somme)
Diocese: Diocese Noyon Principality: France |
| SUMMARY AND DESCRIPTION |
| Summary | avec Jean I , évêque de Thérouanne , met fin au différend entre le chapitre et l'abbaye de Tournai au sujet de la dîme et du droit de sépulture |
|
Description
|
Language:
Latin Authenticity: unsuspected document Textual tradition: indeterminate textual tradition Nature of the charter: charter |
| FULL TEXT OF CHARTER |
| In nomine unius ueri ac summi dei patris et filii et spiritus sancti amen. Ego Lambertus sanctae Atrebatensis ecclesiae presbyter humilis rogatus a dilectis in christo fratribus sanctae Turnacensis ecclesiae filiis ut eis de querimonia inter eos et monachos sancti Martini in suburbio constituto habita scriptum faceremus quatenus eorum causa definita in posterum munirentur. Nos uero considerantes eorum petitionem honestam esse et quod sapienter sibi et paci ecclesiarum prouiderent et consulerent libenter eam suscepimus finiendam. Qualiter autem negotium istud tractandum nobis impositum fuerit non fastidiosis auditoribus sed beneuolis lectoribus insinuare caritatis studio non refugimus. Domnus itaque paschalis secundus litteras ab apostolica sede mihi et uenerabili Morinorum episcopo Iohanni direxit in quibus nobis iniunxit ut canonicis sanctae Turnacensis ecclesiae et monachis sancti Martini Turnacensis monasterii locum competentem constitueremus ubi querimoniam eorum diu et uehementer exagitatam diligenter examinatam penitus decidere studeremus et remota appellatione debitum illi finem imponeremus ut nullus deinceps per dei gratiam huic querimoniae locus relinqueretur. Nos ergo tanta auctoritate constricti et edocti tandem largiente domino in pago Viromandensi et episcopatu Nouiomensi apud Capi castellum in ecclesia sancti Medardi gloriosi confessoris christi XVI kalendas- augusti conuenimus ibi que in praesentia episcoporum archidiaconorum abbatum et religiosorum clericorum primo omnium praedicabiliter et multum studiose rogauimus canonicos Turnacenses et monachos optionem que eis dedimus quatinus sicut filii dilectionis et quorum conuersatio in caelis esse debet si contra sacros canones et statuta patrum alter alterius reprehensibiliter res usurpassent pro dei timore sua que saluatione omnino dimitterent. Ubi cum nihil perfecissemus audita querimonia canonicorum et responso monachorum rursum commonefecimus eos ne tam damnosae animabus contentioni diutius inseruirent sed fraternam potius et christianae perfectionis pacem inter se componere studerent. Cum autem ad integrum nos audire noluissent secessimus in partem et accepto consilio uenerabilium fratrum capitulum etiam beati Petri prae manibus habentes quod dedit in conspectu totius sanctae Romanae ecclesiae in die ordinationis sancti Clementis: si qui ex fratribus negotia habent inter se apud cognitores seculi non iudicentur sed apud presbyteros ecclesiae quicquid illud est dirimatur et omnino obediant statutis eorum et illud beati Pauli apostoli: in promptu habemus ulcisci omnem inobedientiam et rursum in conuentu residentes et praedictorum apostolorum auctoritatibus praemuniti domni quoque paschalis papae praecepto instructi huic tam perniciosae et amarae altercationi talem imposuimus finem paci et concordiae atque indulgentiae congruentem quatenus monachi hortum suum et quod in horto excolerent absque reclamatione et alicuius dominationis redhibitione possiderent excepto si olera horti uel fructus arborum et cetera hortularia uenundarentur tunc de uenalibus decimum canonicis darent. Decimam uero fabarum leguminum et frugum ouium quoque et porcorum et animalium de parrochia sanctae Turnacensis ecclesiae canonicis pacifice et absque omni retractatione darent. Sepulturam uero monachis et eorum conuersis liberam canonici concessere hac conditione interposita ut nullum de parrochia Turnacensi nullum de canonicorum parrochianis propriis nullum etiam de paribus et casatis episcopi nullum uero de paribus et casatis pertinentibus siue ad urbem siue ad castellum aliquo modo monachi praesumerent in suo cimiterio sepelire nisi permissu et licentia canonicorum. Hanc autem pacis modificationem auctoritate dei omnipotentis et beatorum apostolorum Petri et Pauli et domni paschalis papae et nostri conuentus alterutrum firmiter tenendam statuimus. Et si quis eam qualibet occasione deinceps perturbaret et iram dei omnipotentis incurreret et gratiam apostolorum Petri et Pauli amitteret et canonum seueritati sicut reus et infamis subiaceret quoadusque pro tanto commisso dignos poenitentiae fructus faceret. Ut autem hoc nostrum constitutum perenni tempore stabile et inconuulsum permaneat testes idoneos et fideles in quorum praesentia datum est annotare procurauimus. Domnus Iohannes Morinorum episcopus interfuit et huic instituto assensit domnus Baldricus Nouiomensium et Turnacensium episcopus interfuit et huic instituto assensit. Domnus Odo Cameracensis episcopus interfuit et huic instituto assensit Claremboldus Atrebatensis archidiaconus Robertus Ostreuandensis archidiaconus Henricus sancti Vedasti Atrebatensis abbas Albertus Hasnoniensis Fulcardus Marcianensis Richardus de Monte Sancti Eligii Cono presbyter de Arida Gamantia de titulo sanctae trinitatis item Odo religiosus eremita et presbyter de Arida Gamantia de titulo sanctae Mariae semper uirginis dominae nostrae canonici et presbyteri de sede pontificali Odo praepositus et presbyter Anastasius cantor et presbyter Rotgerus presbyter Balduinus presbyter Drogo oeconomus Gualterus Duacensis Hugo filius Balduini Gerardus decanus de castello sancti Vedasti Adso presbyter de Bethunia Hugo praepositus de Bethunia Balduinus decanus de sancto Albino Adam presbyter de eodem titulo Honoratum presbyter de domno Medardo. Ego Lambertus dei miseratione Atrebatensis episcopus interfui et huic praedicto instituto assensi et ut in memoriam teneatur scripto et meae humilitatis sigillo signari feci. Actum apud Capi in ecclesia sancti Medardi gloriosi confessoris et episcopi XVI kalendas- augusti indictione I incarnationis dominicae anno MCVIII pontificatus autem domni paschalis II papae nono. | |
| Source | BALUZE E. 1715 |
| EDITIONS AND SECONDARY LITERATURE |
|
Editions
|
TOCK B.-M.. Les chartes des évêques d'Arras (1093-1203) (Collection de Documents inédits sur l'Histoire de France, Série in 8°, 20), Paris, 1991., n.13, p.21-23, LINK LINK |
| CHARTAE GALLIAE. Base de données de chartes médiévales, Ressource électronique, F00012, LINK LINK | |
| BALUZE E.. Miscellaneorum liber I-VII, hoc est collectio veterum monumentorum quae hactenus latuerant in variis codicibus ac bibliotheciss, 7 vol., Paris, 1678-1715., 2, p.157, LINK LINK LINK LINK LINK LINK LINK LINK | |
| Secondary literature | LOHRMANN D.. Papstprivileg und päpstliche Delegationsgerichtsbarkeit im nördlichen Frankreich zur Zeit der Kirchenreform, dans: Procedings of the sixth international Congress of the mediaeval canon law edited by KUTTNER S. and PENNINGTON K. (Monumenta Iuris Canonici. Series C: Subsidia, 7), Città del Vaticano (1985), p.535-550., n.8, p.547, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.38, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
