Diplomatica Belgica - Record 470

DiBe ID

470

ACTORS

Issuer(s)
(= author)

Function/title: count/countess
Name: Baldwin IV
Institution/jurisdiction: Hainaut
Diocese: Diocese Cambrai
Principality: Hainaut
Religious order:

Author(s) of the actio juridica

(= disposer)

Function/title: count/countess
Name: Baldwin IV
Institution/jurisdiction: Hainaut
Diocese: Diocese Cambrai
Principality: Hainaut
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Anchin
Diocese: Diocese Arras
Principality: Hainaut
Religious order: Benedictines

DATE

Scholarly dating (preferential)	//1158 (donnée par document / mentioned in document - )
Scholarly dating (any)	//1158 (donnée par document / mentioned in document - ) Scholarly qualification: -
Date in the charter	//1158
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	prend sous sa protection les biens que l'abbaye possède dans son comté
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


-CRUX- In nomine Patris et Filii et Spiritus Sancti, amen. Ego Balduinus, Dei miseratione comes Montensis siue Hainoensis, notum Fieri uolo omnibus fidelibus tam futuris quam pręsentibus quod ęcclesiam Sancti Saluatoris Aquicinensis specialis dilectionis affectu honorare cupio et, ut a posteris meis eidem ecclesię totius uenerationis honor exhibeatur, presentis priuilegii tenore commoneo. Notum sit itaque tam meis successoribus quam cęteris omnibus fidelibus quod ego et Adelidis, uxor mea, sed et filii nostri Godefridus atque Balduinus res siue possessiones ad pręfatam ęcclesiam pertinentes quę uel fidelium largitione uel iusta adquisitione in ius eiusdem ecclesię deuenerunt, quas uidelicet in comitatu et sub potestate nostra legitime sibi adquirere potuit, sub nostrę protectionis et defensionis patrocinio tuendas et defensandas suscipimus et contra malitiam peruersorum hominum, qui res ecclesiis collatas diripere et in proprios usus intorquere pro nichilo ducunt, auxiliis nostri scutum opponimus. De hiis uidelicet terris siue possessionibus, quas eadem ecclesia hactenus quiete et sine iusta calumnia tenuit, de quibus scilicet diem exequendę iusticię contra reclamantium iniurias nullatenus euitauit, sed ad respondendum se paratam exhibuit, siue exhibere deinceps parata fuerit loco quo, pro elemosina a fidelibus ęcclesię collata, filii ęcclesię iure conuenire debent; et pręcipue de omni terra quę fuit Engebrandi de Beldengies, quam idem Engebrandus pręfatę ęcclesię non solum uendidit, sed etiam in elemosinam dedit pro duobus filiis suis quos sepedicta ecclesia in monachos suscepit, de hac, inquam, terra et de cęteris omnibus terris hactenus eidem ecclesię legitime adquisitis, nos tutores et defensores esse recognoscimus et eas concessione nostra in ius perpetuum ab eadem ęcclesia tenendas decernimus et successores nostros, ut eiusdem patrocinii auxilium sepefate ęcclesię impendere et exhibere non negligant, commonemus. Ne hoc igitur posset obliuioni tradi uel a successoribus nostris ignorari, istud priuilegium pacis conseruandę gratia conscribi fecimus et sigilli nostri impressione ac subtersignatorum testium astipulatione roborauimus. Signum mei ipsius Balduini comitis. Signum Adelidis uxoris meę. Signum Godefridi et Balduini filiorum meorum. Signum Ernulfi de Bealdengies. Signum Vualcheri de Bruilo. Signum Eustachii de Ruz. Signum Theoderici de Linge. Signum Adam de Vuallaincurt. Signum Egidii de Busennies. Signum Roberti de Aisonuilla. Signum Theoderici de Uuaslers. Signum Gerardi de Donengio. Signum Amandi de Donengio. Signum Adam dapiferi. Signum Florii fratris eius. Signum Roberti de Montengi. Signum Uualteri de Alnoith. Signum Hauuel de Cheueren. Pacem eidem loco seruantibus pax ęterna detur in cęlis. Actum anno Uerbi incarnati M°C°L°VIII°.

Source	GERZAGUET J.-P. 2005

TRADITION

Original	Yes Lille, Archives départementales du Nord [AD], 1H 9/155
Manuscripts	Paris, Bibliothèque nationale de France [BNF], Collection MOREAU 69 ()

EDITIONS AND SECONDARY LITERATURE

Editions	GERZAGUET J.-P.. Les chartes de l'abbaye d'Anchin, (ARTEM. Atelier de Recherche sur les Textes Médiévaux, 6), Turnhout, 2005., n.107, p.205-206,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.201, LINK LINK

	BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.2, LINK