‹
›
return to all results
| DiBe ID | 4696 |
| ACTORS |
|
Issuer(s)
(= author) |
Function/title:
count/countess Name: Eustace III Institution/jurisdiction: Boulogne Diocese: Diocese Thérouanne Principality: Boulogne Religious order: |
|
Author(s) of the actio juridica (= disposer) |
Function/title:
count/countess Name: Eustace III Institution/jurisdiction: Boulogne Diocese: Diocese Thérouanne Principality: Boulogne Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: La Capelle (Notre-Dame) Diocese: Diocese Thérouanne Principality: Boulogne Religious order: Benedictines |
| DATE |
|
Scholarly dating
(preferential) |
17/6/1119 (terminus ante quem - DIPLOMATA BELGICA: FIN BAUDOUIN VII) |
|
Scholarly dating
(any) |
17/6/1119 (terminus ante quem - DIPLOMATA BELGICA: FIN BAUDOUIN VII) Scholarly qualification: - |
| 6/10/1111 (terminus post quem - DIPLOMATA BELGICA: DEBUT BAUDOUIN VII) Scholarly qualification: - | |
| //1119 (terminus ante quem - DESPLANQUE) Scholarly qualification: - | |
| //1111 (terminus post quem - DESPLANQUE) Scholarly qualification: - | |
| 13/4/1113 (conjecture précise / accurate conjecture - WAUTERS) Scholarly qualification: - | |
| //1100 (donnée par document / mentioned in document - ) Scholarly qualification: - | |
|
Date in the charter
|
//1100 |
|
Place-date (in the text) |
in villa Merc |
|
Place-date (normalised) |
Marck (FRANCE, Hauts-de-France, Pas-de-Calais)
Diocese: Diocese Thérouanne Principality: Boulogne |
| SUMMARY AND DESCRIPTION |
| Summary | approuve la fondation de l'abbaye par ses parents et confirme ses possessions (énumération) |
|
Description
|
Language:
Latin Authenticity: unsuspected document Textual tradition: indeterminate textual tradition Nature of the charter: charter |
| FULL TEXT OF CHARTER |
| In nomine sancte et indiuidue trinitatis. Ego Eustacius Boloniae comes succedens in hereditatem patrum meorum patre jam defuncto sed adhuc superstite matre et commorante in monasterio quod ipsa annuente et confauente patre meo construxit in uilla olim Burchain nunc Capella sanctę Marie dicitur omne sue donationis beneficium quod eidem monasterio parentes mei contulerant premonitus et jussus a matre mea non modice mihi dilecta ratum habeo approbo et concedo. Sunt autem hec beneficia tota uilla prenominata cum omnibus appendiciis suis due berquarie in uilla Oya cum comitatu et tota decima allodium Herpolphi similiter cum comitatu et tota decima allodium Brunechardi cum comitatu allodium Almari iudicis cum comitatu. Sunt autem hec omnia in eadem libertatis plenitudine ecclesie data in qua fuerant ab ipsis datoribus habita scilicet ut neque comiti neque cuiquam alii aliquid juris debeant uel de forisfactis respondeant nisi eiusdem ecclesie abbati uel monachis. Data est etiam a parentibus meis eidem ecclesie decima de Osterwich due quoque piscationes una scilicet in aqua Funna alia a ponte Merc usque in mare in aqua que dicitur Houtled quocumque deducta fuerit una quoque uaccaria in uilla Petrissa nominata. Volens etiam prefatam ecclesiam adhuc nouellam crescere et multiplicari donationibus a parentibus meis factis pro salute anime mee parentum et fratrum meorum superaddere studens quatuor altaria scilicet altare de Merc altare de Oia altare de Houe altare de Herewech per manum domini Iohannis tunc Teruanensis episcopi ipso ita ordinante et ab omni debito sinodali et omni actionis grauamine ipsa altaria absoluente ita uolente et premonente matre mea concedo decimas quoque agnorum et annone de duabus berquariis meis quae sunt in parrochia de Merc que ex occidentali parte iacent super aquam que uocatur Mercled que fluctu accedente in mare recurrit. Preterea si quid hiis berquariis sed et berquariis de Oia ante jam habitis hominum industria uel maris beneficio accreuerit in futurum in secundo datis decimam in primo datis terram et decimam et comitatum pia liberalitate concedo. Totam etiam decimam Folpoldi quam in parrochia de Merc habebat quam ipse et uxor eius et filii pro eterna retributione deo et prefate ecclesie dederunt duas etiam partes decime Fulconis quas in uilla Elceke habebat quas ipse et uxor eius et filii me presente et annuente deo et beate Marie dederunt duas insuper partes decime alius terre quam in Anglia Malgerus filius amici de me tenet in feodo quas per manum meam idem Malgerus sepius dicte ecclesie contulit insuper et telonei libertatem de Witsand cum supradictis omnibus dei seruis et sue genitricis ministris integre habere uolo et contrado. Supradictis quoque adiungo quod siquis terram suam dare uel uendere uoluerit uel aliquod beneficium conferre jam dicte ecclesie liberam habeat facultatem et quam nunc terram habet et quam habitura est inposterum sub domini terrae protectione et patrocinio quiete possideat. Porro ne ecclesia forinsecus ad aliena jura discurrere et formidolosa judicia sustinere opus habeat liberum ei scabinatum concedo et abbas quos uoluerit de hiis scabinos constituat qui omnium censualium ecclesie tam infra comitatum suum quam extra in terra mea manentium jura tractent et judicia dicant. Sed infra comitatum ecclesie de causis omnibus forisfactum erit totum abbatis de extra comitatum existentibus censualibus tamen id solum et tractent et dicant quod ad jus censuale pertinere dinoscitur scilicet de portione terrarum ecclesie de uenditione de inuadiatione et de inuasione censualium alterius in alterum de terris quas tenent de ecclesia. In his autem tractandis si quod forisfactum euenerit munus erit et abbati cedet. Nolo etiam et sub pena forisfacti inhibeo nequis censualium terram unde censualis est presumat uendere emere uel inuadiare nisi per manum abbatis in curia sua quod siquis fecerit penam abbati soluat si quis uero non censualium terram ecclesie non per abbatem intrauerit domino terre forisfacti reus sit. Postremo si quam legem in curia sua abbas consilio suo fratrum suorum et hominum posuerit ad cautelam ne domus sua in detrimentum ruat per principem terre inuiolabiliter obseruetur. Hec autem dona nequis in posterum euacuare infringere seu etiam diminuere temerario ausu presumat sigilli mei confirmatione corroborare studeo. Actum est hoc in uilla Merc anno dominice incarnationis M° C° domno Iohanne Morinorum episcopatum tenente Lodowico regnante in Gallia Balduino principante in Flandria. Testibus hiis Arnulfo clerico Bernardo presbytero Eustacio uicecomite Fredeboldo et filiis eius Waltero Conone Osmundo Extacio nepote eius Folpoldo et Eustacio filio eius Malgero Ostone Malgero iudice Balduino constabulario Huberto et aliis multis. | |
| Source | MIRAEUS A.-FOPPENS J.F. 1723 |
| TRADITION |
| EDITIONS AND SECONDARY LITERATURE |
|
Editions
|
MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 2, n.72, p.1311-1312, LINK LINK LINK LINK |
| Secondary literature | DESPLANQUE A.. Recherches sur l' abbaye de La Capelle en Calaisis, dans: Annales du Comité flamand de France, 9 (1867), p.330-382., p.338, LINK LINK LINK |
| GODEFROY D.-J.. Inventaire chronologique et detaillé des chartes de la chambre des comptes a Lille, s.l., s.d., n.43, p.21, | |
| DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.469, LINK LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.67, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
