Diplomatica Belgica - Record 4665

DiBe ID

4665

ACTORS

Issuer(s)
(= author)

Function/title: count/countess
Name: Baldwin II
Institution/jurisdiction: Hainaut
Diocese: Diocese Cambrai
Principality: Hainaut
Religious order:

Author(s) of the actio juridica

(= disposer)

Function/title: count/countess
Name: Baldwin II
Institution/jurisdiction: Hainaut
Diocese: Diocese Cambrai
Principality: Hainaut
Religious order:

Beneficiary(ies)

(= recipient)

Function/title: monastic house
Name: Albert abbot
Institution/jurisdiction: Hasnon
Diocese: Diocese Arras
Principality: Hainaut
Religious order: Benedictines

DATE

Scholarly dating (preferential)	//1096 (terminus ante quem - WAUTERS)
Scholarly dating (any)	//1096 (terminus ante quem - WAUTERS) Scholarly qualification: -
	//1092 (terminus post quem - WAUTERS) Scholarly qualification: -
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	confirme à l'abbaye ses biens situés à Wavrechain-sous-Denain
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis patris et filii et spiritus sancti. Ego Balduinus dei gratia Hanonensium comes notum uolo fieri tam presentibus quam futuris quod uenerabilis abbas Albertus et fratres Hasnoniensis ecclesie nostram presentiam adierint et sibi quasdam possessiones quas in uilla sua uocabulo Vauurechin adquisierant auctoritate nostra et sigilli nostri impressione confirmari petierint. Ego autem justum intelligens eorum petitionem et me de prouidentia ad hoc in sublimitate positum ut utilitatibus seruorum dei contra malorum hominum peruasiones in futurum prouidere deberem libenter annui et etiam qualiter ipse possessiones ad ipsos peruenerint in hac nostre deliberationis scedula ad adnotandum decreui firmamentum futuri. Unde uolo ut ad noticiam tam presentium quam futurorum transeat quod easdem possessiones Willelmus filius Heluini cuidam Petro cum ei sororem suam coniugio copularet contulerit ac deinde predictus abbas Albertus eas ab ipso Petro ex integro emerit ita scilicet ut quicquid earum idem Petrus ex dono Guillelmi possederat tam in terra arabili pratis et aquis quam etiam in aduocatia uille ecclesie Hasnoniensi accederet ne ulterius aliquis aduocatie dominium in eadem uilla exercere presumeret. Sed quia Petrus has possessiones tenebat etiam ex Geruasio Geruasius autem has acceperat ab Hugone castellano Hugo uero eas tenuerat ex nostre largitatis dono me annuente et abbate Alberto instante actum est at Petrus eas Geruasio Geruasius Hugoni Hugo redderet mee liberalitati quales a singulis nobis redderentur sine reclamatione ecclesie Hasnoniensi quod ita factum est. Nam ego sicut ante ceteros eas tenueram ita post ceteros eas ab omni exactione liberas coram optimatibus meis ecclesie Hasnoniensi perpetuo possidendas concessi atque ut hec concessio inconuulsa in perpetuum maneret omnes qui contra eam deinceps uenire auderent in nostra presentia astantibus monachis clericis principibus et burgensibus Valencianarum ubi res acta est gladio anathematis percutiendos decreui. Preterea Hugo Vitulus uidebatur posse in hiis reclamare predictus abbas Albertus et fratres Hasnonienses cum ipso egerunt ut et ipse concessioni faueret quin insuper et ab ipso et ab Hugone castellano et Geruasio et Petro et Guillelmo filio Heluini impetrauerunt ut tactis sacrosanctis reliquis sacramento firmarent quod nullam deinceps iniuriam de his possessionibus ecclesie Hasnoniensi facerent et de his que in presentiarum erant. Huius conuentionis testes idoneos aduocauerunt quorum nomina hec sunt Ernulfus de Crois Hugo de Helciis Balduinus de Roisins et filius eius Balduinus Anselmus de Melbriis Gerardus de Wallairs Guido de Ciruia Guigerus de Tuin Engelbertus de Peresel Ratbodus de Dosemeir Almannus Rode et Gonterus frater eius Gotsuinus de Montibus Anselmus maior et Fulco de Valencenis. Super omnes autem ego ipse comes Balduinus testis horum accedo et auctoritate nostra et sigilli nostri impressione hanc nostre deliberationis cartulam corroboro eam que Hasnoniensi ecclesie ad cautelam futurorum conseruandam concedo.

Source	WAUTERS A. 1875

TRADITION

Original	No
Manuscripts	Mons, Archives de l'Etat [AE], Fonds Cartulaires 29 (1201-1300)
	Douai, Bibliothèque municipale [BM], Manuscrit 1342 (1401-1500)

EDITIONS AND SECONDARY LITERATURE

Editions	WAUTERS A.. Exploration de chartes et de cartulaires belges existants à la Bibliothèque Nationale à Paris, dans: Compte-rendu des Séances de la Commission royale d'Histoire, 4e série, 2 (1875), p.78-198, 65-108., n.4, p.182-184, LINK
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.183, LINK LINK