‹
›
return to all results
| DiBe ID | 4663 |
| ACTORS |
|
Author(s) of the actio juridica (= disposer) |
Function/title:
count/countess Name: Baldwin IX of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
county Name: Institution/jurisdiction: Hainaut Diocese: Diocese Cambrai Principality: Hainaut Religious order: |
| DATE |
|
Scholarly dating
(preferential) |
28/7/1200 (donnée par document / mentioned in document - ) |
|
Scholarly dating
(any) |
28/7/1200 (donnée par document / mentioned in document - ) Scholarly qualification: - |
|
Date in the charter
|
28/7/1200 |
|
Place-date (in the text) |
Montibus in castro |
|
Place-date (normalised) |
Mons (BELGIQUE, Région Wallonne, Hainaut)
Diocese: Diocese Cambrai Principality: Hainaut |
| SUMMARY AND DESCRIPTION |
| Summary | lois de la cour et du comté de Hainaut concernant les successions en matière de fiefs et d'alleux |
|
Description
|
Language:
Latin Authenticity: unsuspected document Textual tradition: original Nature of the charter: notitia |
| FULL TEXT OF CHARTER |
| Hec est declaratio legum in curia et comitatu Hainoensi communi consensu et consilio ac deliberatione sana que recordatione uirorum nobilium et ministerialium ad comitatum Hainoensem pertinentium discretius conscriptarum sigillis que et iuramentis domini Balduini comitis Flandrensis et Hainoensis et fidelium hominum suorum ad comitatum et dominationem Hainoensem pertinentium ad perpetuam obseruationem confirmatarum. Firmatum est igitur ad legem ut si homo tenens feodum duxerit uxorem et ex ea filiam habuerit et non filium ipsa filia succedet patri et matri in feodis. Si prima hominis uxore defuncta homo aliam duxerit uxorem et ex ea filium habuerit filius succedet in feodis suis patris set non filia prime uxoris. Est quoque ad legem firmatum ut si homo tenens feodum habuerit filios uel filias tantum et primus filius uel prima filia habuerit heredem proprii corporis et moriatur ipse primus filius uel ipsa prima filia antequam pater heres illius non succedet auo in feodo set succedet ei in feodi tenore morienti propinquior heres superuiuens filius scilicet uel filia in feodo. Si homo tenens feodum moriatur absque proprii corporis herede feodi successio deueniet ad propinquiorem eius heredem illum scilicet qui de illa fuerit consanguinitate de qua feodum illud antea descenderat. Eadem est lex de femina tenente feodum si absque proprii corporis herede decesserit. Si homo ducens uxorem de feodo eam dotare uoluerit hoc per dominum feodi et per testimonium hominum ipsius domini fieri oportet. Si homo absque proprii corporis herede decesserit eius uxor in feodis eius uel in allodiis que ex parte uiri iure hereditario prouenerint nichil retinebit nisi tantummodo dotalicium et mobilia in terra cultibili illius anni. Est etiam ad legem ut si homo et femina per matrimonium conuenerint et ex parte unius uel utriusque feoda seu allodia prouenerint et moriatur homo uel femina absque proprii corporis herede feoda uel allodia que ex parte hominis mortui uel femine mortue prouenerant ad suos propinquos heredes statim redibunt ita quod uir in uxoris hereditate nichil retinebit nec femina in sui uiri nisi dotalicium saluis tamen utriusque mobilibus in terra cultibili illius anni. Si homo moriatur antequam eius uxor heres eius si etatem habuerit succedat patri statim in feodis ita quod uxor nichil inde retinebit nisi dotalicium et mobilia illius anni in terra cultibili que uulgariter waignale dicitur. Similiter si femina decesserit antequam eius uir heres eius si etatem suam habuerit succedet statim matri in feodis ita quod uir in illis nichil retinebit nisi mobilia que supra terram suam cultibilem id est waignale fuerint illius anni. Ad legem etas hominis est quindecim annorum femine uero duodecim. Habetur etiam ad legem ut si homo et eius uxor feodum pariter acquisierint et homo absque proprii corporis herede decesserit feodum illud ad propinquum ipsius hominis heredem statim deuenire debet ita quod heres propinquior illud a domino feodi recipiet et ei hominium faciet et munitionen si qua fuerit habebit et hominia ad feodum pertinentia uxor uero dum uixerit medietatem commodorum et prouentuum habebit in illo feodo absque seruitio faciendo et absque iustitia facienda domino feodi. Heres uero aliam medietatem qui inde seruitium et iustitiam facit domino feodi. Si homo et femina allodium pariter acquisierint et decesserit homo sine proprii corporis herede femina quo aduixerit totum allodium tenebit post decessum uero femine totum allodium ad propinquos uiri heredes deueniet. Si femina decesserit ex cuius parte feoda uel allodia prouenerint uir eius ante puerorum suorum plenam etatem in ipsis pueris et in feodis eorum et bonis baiulationem habebit quousque pueri etatem suam habuerint. Similiter si homo decesserit ex cuius parte feoda uel allodia prouenerint femina in pueris suis et eorum feodis et bonis eandem baiulationem habebit homo autem dum uixerit allodia uxoris sue licet pueros habeant tenebit femina uero uiri sui allodia eodem modo tenebit. Si homo et femina decesserint antequam pueri eorum etatem suam habeant propinquior heres puerorum qui de illa fuerit proximitate in pueris et eorum feodis et allodiis baiulationem habebit quousque pueri etatem suam habuerint. Seruus aliquis allodium suum a manu sua nullatenus potest eicere uel feodum facere nisi assensu domini sui. baiulus domini comitis Hainoensis supra omnes alios baiulos sub testimonio hominum domini comitis constitutus iusticiam potest facere de uno homine contra alium et exercere de omnibus rebus tamquam dominus comes. Homines uero domini comitis pro illo iusticiam plenarie debent facere de uno scilicet homine contra alium tamquam pro domino comite. Ipse autem baiulus de possessionibus et tenuris et hereditate domini comitis placitare non potest quod comes per illius iusticiam uel manu tenementum perdere possit non potest baiulus aliquem domini comitis hominem trahere in causam uel querelam de tenuris suis uel hereditate eius nisi in presentia domini comitis. De mobilibus autem inter comitem et homines suos potest baiulus potestatiue placitare et de catallis. Cause preterite et querele que antea iudicate fuerant rate manent sicut inde iudicatum fuerat. Dominus uero comes Balduinus Flandrensis et Hainoensis et fideles homines sui Philippus scilicet marchio Namucensis ipsius comitis germanus Henricus etiam eiusdem comitis germanus Walterus de Auennis Alardus de Cimaco Rasso de Gauera Gerardus de Iacea Nicholaus de Barbencione Eustachius de Rues Willelmus auunculus predicti domini comitis Willelmus de Cheui Renerus de Trit Nicholaus de Ruminio Walterus de Kauren Egidius de Trasiniis Engelbertus de Aengien Henricus patruus domini comitis Gerardus de sancto Oberto Willelmus de Hausi Adam de Wallencurt Egidius de Berlenmont Arnulfus de Aldenarda Walterus de Sotenghien Osto de Waudripont Walterus de Villa Nicholaus de Condato Egidius de Brena Henricus castellanus Binciensis Gerardus prepositus Duaci Walterus castellanus Duaci Petrus de Duaco Gerardus senascalcus Buscheni Stephanus de Deneng Arnulfus de Kauren Hugo de Sancto Oberto Willelmus de Gominiis Gillenus castellanus Bellimontis Henricus castellanus Montensis Osto de Arbro Hugo de Gaia Renardus de Strepi Achardus de Verli Hugo de Crois et quamplures alii hec omnia tactis sacrosanctis se obseruaturos iurauerunt suo addentes iuramento quod siquis hominum has leges conscriptas in aliqua parte infringere presumpserit omnes alii contra illum erunt ad plenam omnium predictorum obseruationem. Actum anno uerbi incarnati millesimo ducentesimo Montibus in castro V° kalendas augusti feria VI ante festum sancti Petri ad uincula. | |
| Source | FAIDER C. 1871 |
| TRADITION |
| EDITIONS AND SECONDARY LITERATURE |
|
Editions
|
BRASSART F.. Histoire du château et de la châtellenie de Douai, 3 vol., Douai, 1877., 3 (Preuves), n.45 (édition fragmentaire), p.63-64, LINK LINK LINK LINK LINK LINK |
| CHARTAE GALLIAE. Base de données de chartes médiévales, Ressource électronique, F13630, LINK LINK | |
| FAIDER C.. Coutumes du pays et comté de Hainaut (Recueil des anciennes Coutumes de la Belgique), 3 vol., Bruxelles, 1871-1883., 1, p.3-6, | |
| Secondary literature | WYMANS G.. "Per manum Gilleberti", dans: Scriptorium, 33 (1979), p.17-24., p.18-24, |
| DE RAADT J.-TH.. Sceaux armoriés des Pays-Bas et des pays avoisinants (Belgique, royaume des Pays-Bas, Luxembourg, Allemagne, France): recueil historique et héraldique, 4 vol., Bruxelles, 1897-1903., 1, p.361, LINK LINK | |
| DE LA RONCIÈRE C. -BONDOIS P.-M.. Catalogue des manuscrits de la collection des Mélanges de Colbert, 2 vol., Paris, 1920-1922., 2, n.413/861, p.62, LINK LINK LINK | |
| DERECK D.. Guillaume l'Oncle (Circa 1150-Novembre 1219). Rôle politique, fortune et descendance d'un fils naturel du comte de Hainaut Baudouin IV, dans: Annales du Cercle archéologique de Mons, 78 (1999), p.43-135., n.80, p.110, | |
| GODEFROY D.-J.. Inventaire chronologique et detaillé des chartes de la chambre des comptes a Lille, s.l., s.d., n.226, p.100-101, | |
| DE RAADT J.-TH.. Sceaux armoriés des Pays-Bas et des pays avoisinants (Belgique, royaume des Pays-Bas, Luxembourg, Allemagne, France): recueil historique et héraldique, 4 vol., Bruxelles, 1897-1903., 2, p.15, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.659, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.135, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.338, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.418, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
