Diplomatica Belgica - Record 4657

DiBe ID

4657

ACTORS

Issuer(s)
(= author)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: cathedral/collegiate chapter
Name: Robert provost and Hakettus dean
Institution/jurisdiction: Bruges (S.Donatian)
Diocese: Diocese Tournai
Principality: Flanders
Religious order:

DATE

Scholarly dating (preferential)	6/7/1173 (donnée par document / mentioned in document - )
Scholarly dating (any)	6/7/1173 (donnée par document / mentioned in document - ) Scholarly qualification: -
	4/7/1173 (date impossible / impossible date - WAUTERS) Scholarly qualification: -
Date in the charter	6/7/1173
Place-date (in the text)	Anagniae
Place-date (normalised)	Anagni (ITALIA, Latium, Frosinone) Diocese: Principality: Papal States

SUMMARY AND DESCRIPTION

Summary	confirme les privilèges et les prérogatives du chapitre
Description	Language: Latin Authenticity: unsuspected document Textual tradition: original Nature of the charter: bull

FULL TEXT OF CHARTER


ALEXANDER, EPISCOPUS, SERUUS SERUORUM DEI, DILECTIS FILIIS ROBERTO, PREPOSITO, AKETO, DECANO, ET CANONICIS ECCLESIE BEATI DONATIANI BRUGENSIS EORUMQUE SUCCESSORIBUS CANONICE SUBSTITUENDIS IN PERPETUUM. Effectum iusta postulantibus indulgere et uigor equitatis et ordo exigit rationis presertim quando petentium uoluntates et pietas adiuuat et ueritas non relinquit. Quocirca, dilecti in Domino filii, uestris iustis postulationibus clementer annuimus et prefatam ecclesiam in qua diuino mancipati estis obsequio, sub beati Petri et nostra protectione suscipimus et presentis scripti priuilegio communimus, statuentes ut quascumque possessiones quecumque bona eadem ecclesia in presentiarum iuste et canonice possidet aut in futurum concessione pontificum, largitione regum uel principum, oblatione fidelium seu aliis iustis modis prestante Domino poterit adipisci firma uobis uestrisque successoribus et illibata permaneant. Ad hec liberam prepositi uestri electionem sicut huc usque habuisse noscimini uobis et ecclesie uestre duximus in perpetuum confirmandam. Preterea precibus et instantia dilecti filii nostri nobilis uiri Phylippi, Flandrensis comitis, benignius inclinati presenti decreto statuimus ut, sicut a primis temporibus statutum est, quicumque communi electione decani et capituli ecclesie uestre constitutus fuerit prepositus, idem a comite Flandrensi cancellarius ordinetur. Rationabiles etiam consuetudines ecclesie uestre et assiduam deuotissimamque diuini seruitii curam necnon etiam communitatem refectorii ac dormitorii consideratione pia ac prouida constitutam, auctoritate apostolica confirmamus et sicut huc usque seruata est, ita deinceps precipimus inuiolabiliter obseruari. Sepulturam quoque Flandrensium comitum et notariorum atque officialium suorum, sicut eam hactenus habuistis, necnon etiam aliorum qui apud uos sepeliri elegerint, nisi excommunicati sint uel interdicti, liberam esse concedimus ut eorum deuotioni et extreme uoluntati nullus obsistat, salua tamen iustitia illarum ecclesiarum a quibus mortuorum corpora assumuntur. Cum autem generale interdictum terre fuerit, liceat uobis clausis ianuis, exclusis excommunicatis et interdictis, non pulsatis campanis, suppressa uoce diuina officia celebrare. Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere, minuere seu quibuslibet uexationibus fatigare, sed illibata omnia et integra conseruentur eorum pro quorum gubernatione et sustentatione concessa sunt, usibus omnimodis profutura, salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit, secundo tertioue commonita, nisi presumptionem suam digna satisfactione correxerit potestatis honorisque sui dignitate careat reamque se diuino iudicio existere de perpetrata iniquitate cognoscat, et a sacratissimo corpore ac sanguine Dei et Domini redemptoris nostri Iesu Christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax Domini nostri Iesu Christi quatinus et hic fructum bone actionis percipiant, et apud districtum Iudicem premia eterne pacis inueniant. Amen. Amen. -ROTA- -MONOGRAMMA- Ego Alexander catholice ecclesie episcopus SUBSCRIPSI. -CRUX- Ego Guillelmus presbyter cardinalis tituli sancti Petri ad Uincula SUBSCRIPSI. -CRUX- Ego Boso presbyter cardinalis sanctę Pudentianę tituli pastoris SUBSCRIPSI. -CRUX- Ego Petrus presbyter cardinalis tituli sancti Laurentii in Damaso SUBSCRIPSI. -CRUX- Ego Iohannes presbyter cardinalis tituli sancti Marci SUBSCRIPSI. -CRUX- Ego Hubaldus Hostiensis episcopus SUBSCRIPSI. -CRUX- Ego Bernardus Portuensis et sancte Rufine episcopus SUBSCRIPSI. -CRUX- Ego Gualterius Albanensis episcopus SUBSCRIPSI. -CRUX- Ego Oddo diaconus cardinalis sancti Nicholai in Carcere Tulliano SUBSCRIPSI. -CRUX- Ego Cinthyus diaconus cardinalis sancti Adriani SUBSCRIPSI. -CRUX- Ego Manfredus diaconus cardinalis sancti Georgii ad Uelum Aureum SUBSCRIPSI. -CRUX- Ego Hugo diaconus cardinalis sancti Eustachii iuxta Templum Agrippe SUBSCRIPSI. -CRUX- Ego Petrus diaconus cardinalis sancte Marie in Aquiro SUBSCRIPSI. -CRUX- Ego Hugo diaconus cardinalis sancti Angeli SUBSCRIPSI. Datum Anagnie per manum Gratiani Sancte Romane ecclesie subdiaconi et notarii, II nonas iulii, indictione VI, incarnationis dominice anno M° C° LXX° III°, pontificatus uero domini Alexandri PAPE anno XIIII.

Source	LAMBERT V. 2008

TRADITION

Original	Yes Bruges, Archief Bisdom [A Bisdom], S.Donaas, A241/22
Manuscripts	Lille, Archives départementales du Nord [AD], B 1597 ()
	Ghent, Universiteitsbibliotheek, Manuscrit 466 (112) ()

EDITIONS AND SECONDARY LITERATURE

Editions	LAMBERT V.. De oorkonden van het Sint-Donatiaanskapittel te Brugge (9de eeuw-1300) (Koninklijke Academie van Belgie. Koninklijke Commissie voor Geschiedenis. Series I in 4°), Brussel, 2008., n.38, p.50-52,
Secondary literature	DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.477, LINK LINK LINK
	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.12229, p.266, LINK LINK LINK LINK LINK LINK LINK
	GODEFROY D.-J.. Inventaire chronologique et detaillé des chartes de la chambre des comptes a Lille, s.l., s.d., n.101, p.47,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1453, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.537, LINK LINK