Diplomatica Belgica - Record 4472

DiBe ID

4472

ACTORS

Issuer(s)
(= author)

Function/title: pope
Name: Honorius II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Honorius II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Folcmarus abbot
Institution/jurisdiction: Luxembourg (Altmünster)
Diocese: Diocese Trier
Principality: Luxembourg
Religious order: Benedictines

DATE

Scholarly dating (preferential)	12/4/1128 (donnée par document / mentioned in document - )
Scholarly dating (any)	12/4/1128 (donnée par document / mentioned in document - ) Scholarly qualification: -
Date in the charter	12/4/1128
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	prend l'abbaye sous la protection du Saint-Siège contre un cens annuel d'une monnaie d'or et confirme ses possessions (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Honorius episcopus seruus seruorum dei. Dilecto filio Fulmaro abbati monasterii sancte Marie de Lucelemburgo eius que successoribus regulariter subtituendis in perpetuum. Ad hoc uniuersalis ecclesie cura nobis a prouisore omnium bonorum deo commissa est ut religiosas diligamus personas et bene placentem deo religionem studeamus modis omnibus propagare. Nec enim deo gratus aliquando famulatus impenditur nisi ex caritatis radice procedens a puritate religionis fuerit conseruatus. Hoc nimirum caritatis intuitu dilecte in domino fili Fulmare abbas tuis rationabilibus postulationibus annuentes monasterium sancte Marie de Lucelemburgo cui auctore deo preesse dinosceris sub beati Petri tutela nostra que protectione suscipimus et scripti nostri pagina communimus statuentes ut quascumque possessiones quecumque bona prefatum monasterium in presentarium iuste et legitime possidet firma tibi tuis que successoribus et illibata permaneant. In quibus hec propriis nominibus duximus exprimenda uidelicet in Lucelemburgo mansum indominicatum unum et quatuor mansos uestitos montem ipsum et planitiem ab extrema turri usque ad aquam et liberam piscaturam circa supra et infra cum molendinis et furnis et omnibus usibus suis familiam in Cezingen cum hiis que possidet et apud Gocingiam uillam familiam cum terris que ibi habentur ad montem Cuconis familiam cum terris suis apud Matheis cum familia et terris suis et Marsei pratum cum omni usuario suo curtem de Pris cum banno familia et omnibus redditibus suis uillam Rodenges cum banno familia et omnibus redditibus suis ecclesiam de Lenda ecclesiam de Furen ecclesiam de Rode ecclesiam de Santwilre allodium Scefledinges cum familia et redditibus allodium de Roldenges cum familia piscatura et redditibus allodium de Garnis cum familia piscatura et redditibus allodium apud Honestor cum redditibus quinque quartaria in Bale septem quartaria in Heinrici Capella in Merra septem mansos cum banno et familia allodium de Hermestorh cum banno et familia allodium de Della cum banno et redditibus. Ad indicium autem quod predictum monasterium iuris beati Petri sit aureum unum quotannis palatio Lateranensi persoluet. Ad hec adicientes decernimus ut quecumque in posterum idem monasterium largiente domino iustis modis poterit adipisci quieta tibi tuis que successoribus et integra conseruentur salua dyocesanorum episcoporum iustitia et reuerentia. Si qua igitur in futurum ecclesiastica secularis ue persona huius nostre constitutionis paginam sciens contra eam temere uenire temptauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax domini nostri Ihesu christi quatenus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. Ego Honorius catholice ecclesie episcopus subscripsi-. Datum Laterani per manum Aimerici sancte Romane ecclesie diaconi cardinalis et cancellarii II idus aprilis indictione VI-a incarnationis dominice anno M CXXVIII pontificatus autem domni Honorii pape secundi anno IIII.

Source	WAMPACH C. 1935

TRADITION

Original	No
Manuscripts	Brussels, Bibliothèque royale de Belgique / Koninklijke Bibliotheek van België, Manuscrit 17436 (Catalogue Van der Gheyn 4672) ()

EDITIONS AND SECONDARY LITERATURE

Editions	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.19, p.109-111,
	WAMPACH C.. Urkunden-und Quellenbuch zur Geschichte der altluxemburgischen Territorien bis zur burgundischen Zeit, I-II, Luxemburg, 1935-1938., 1, n.371, p.532-535, LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.7302, p.832, LINK LINK LINK LINK LINK LINK LINK