Diplomatica Belgica - Record 447

DiBe ID

447

ACTORS

Issuer(s)
(= author)

Function/title: bishop
Name: Burchard
Institution/jurisdiction: Cambrai
Diocese: Diocese Cambrai
Principality: Cambrai
Religious order:

Author(s) of the actio juridica

(= disposer)

Function/title: bishop
Name: Burchard
Institution/jurisdiction: Cambrai
Diocese: Diocese Cambrai
Principality: Cambrai
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: S.André-du-Cateau
Diocese: Diocese Cambrai
Principality: Cambrai
Religious order: Benedictines

DATE

Scholarly dating (preferential)	2/6/1123 (donnée par document / mentioned in document - )
Scholarly dating (any)	2/6/1123 (donnée par document / mentioned in document - ) Scholarly qualification: CONFIRMATION
	26/10/1122 (donnée par document / mentioned in document - ) Scholarly qualification: ACTION
Date in the charter	26/10/1122
	2/6/1123
Place-date (in the text)	Cameraci
Place-date (normalised)	Cateau-Cambrésis (FRANCE, Hauts-de-France, Nord) Diocese: Diocese Cambrai Principality: Cambrai

SUMMARY AND DESCRIPTION

Summary	confirme à l'abbaye ses possessions (énumération)
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sanctae et indiuiduae trinitatis. Ego Burchardus dei miseratione Cameracensis episcopatus minister indignus cum aliquando ex officio pastoralis solertiae quaedam euangelica uerba diuinae comminationis in memet recogitarem hinc scilicet de torpentis et inutilis serui damnatione illinc de prudentis et fidelis dispensatoris remuneratione inter cotidianam ecclesiarum dioecesis nostrae sollicitudinem ecclesiam beati Andree apostoli a praedecessoribus nostris domno scilicet Gerardo antiquo constructam et a domno Lietberto domno que Gerardo secundo alodiis reditibus altaribus et uillis amplificatam ego quoque prout opportunum fuit aliquantulum rebus nostris promouere et tueri curaui. Suggerente itaque dilectissimo fratre Gerlando Aquicinense monacho quem disponente deo ante biennium abbatem eiusdem praefeceramus ecclesiae altare de Squarminio altare de Hunechiis altare Aldonis Curtis supradictae contuli ecclesiae libera omnino excepto quod tertiam partem obsonii archidiacono persoluat. Praedictum quoque abbatem secundum tenorem a supradictis episcopis abbatibus loci illius antiquitus collatum ita nobis familiarem esse constituimus ut unus ex archicapellanis nostris habeatur et in domo nostra hunc locum habere ut Cameraci ueniens cibum de mensa nostra si ei placuerit percipiat quin etiam duas partes obsoniorum omnium altarium suorum sicut et antecessores eius a supradictis episcopis tenuerunt in beneficium et ut ita dicam in feodum perpetualiter teneat. Concessimus etiam hanc eum apud nos obtinere gratiam sicut in chartis priorum episcoporum auctoritate signatis uidimus contineri ut quodcumque ligauerit siue malefactores si qui forte ecclesiam ipsam perturbauerint siue omnes quicumque eam aliquo modo uexauerint excommunicauerit a nobis quoque eodem ligatus teneatur quippe cui etiam uices nostras in plerisque negotiis exequendi si quando defuero potestas antiquitus concessa sit. Praeterea ne quando per labentia tempora a succedentibus sibi episcopii ministris archidiaconis scilicet et decanis aliquam infestationem in exigendis obsoniis altarium suorum praedicta patiatur ecclesia ipsa altaria sancti Andreae et quid obsonii uite debeant hic adnotari fecimus. Igitur altare sancti Martini ipsius uillae cum obsonio duodecim denariorum et non plus omni tempore altare de Ors similiter altare de Fontaines similiter altare sancti Martini de Cameraco similiter haec quinque altaria una eadem que lege teneantur. Decem uero altaria scilicet de Ferrariis de sancto Benigno de Iusseio de uallis de Audeniis de mares de Liniaco de Huneciis de Aldonis Curte de Lelgiis unumquodque eorum singulis annis duos solidos debet quarto uero anno duplum. Altare uero de Briastro quia capella est duodecim tantum denarios omni tempore. In pago uero Hanoensi de sancto Piatone quod Guiffridus capellanus contulit sancto Andreae duos solidos tantum debet omni tempore altare uero de Verteneio unoquoque anno debet duos solidos quarto autem quindecim altare de Squarminio similiter de Germiniaco de Herines in Braibant similiter de Petroso similiter de Basuello uero quia dimidia ecclesia est medietas supradicti obsonii debetur de Ruenna quia capella est duodecim denarii debentur. Horum omnium altarium bissem id est duas partes debiti sicut antecessores mei concesserunt pro redemptione animarum suarum meae et successorum meorum seu congregationis sanctae Mariae sicut supradiximus sancto Andreae et abbatibus eius remisimus et successores nostros in caritate dei commonemus et obsecramus ut quod tam pro illorum quam pro nostra salute fecimus ratum et inuiolatum saepedictae ecclesiae et monachis inibi deo militantibus benigne conseruent. Interdicimus quoque sub anathematis maledictione et uerbi nostri et sigilli confirmatione ne quis uel decanus uel episcopalis minister a supradictis altaribus quicquam praeter quod supra posuimus exigere praesumat excepto quod debita uina soluant Cameracensia scilicet ii sextaria VIII denariorum Hainoensia autem unumquodque per annum tria sextaria XVIII denariorum. Actum est hoc apud Nouum Castellum anno uerbi incarnati MCXXII indictione XV et datum manu mea super altare sancti Andreae VII calendas- nouembris quando curtim imperatoriam adibam. Et confirmatum Cameraci post reditum meum IIII nonas iunii coram legalibus tam clericis quam laicis uiris quos huius rei testes adhibui. Signa- archidiaconorum Iohannis Anselmi Rodulfi. Signa- abbatum domni Fulberti domni Ernaldi Hunocurtensis domni Raineri Lessiensis. Signum Erleboldi praepositi signa- Oilardi decani Roberti cantoris Werinbaldi cancellarii. Signa- laicorum Walteri tonitrui Rodulfi de Rumili Oilardi uillici Widrici fratris eius Gerardi infantis Gerardi praepositi. Haec nostrae constitutionis scripta a fidelibus dei obnixe petimus obseruari et conseruantes aeterna gloria munerari amen. Ego Werinbaldus- cancellarius subscripsi.

Source	DUVIVIER CH. 1898

TRADITION

Original	No
Manuscripts	Lille, Archives départementales du Nord [AD], 8 H 265 ()

EDITIONS AND SECONDARY LITERATURE

Editions	DUVIVIER CH.. Actes et documents anciens intéressant la Belgique (Publications de la Commission royale d'Histoire, Series II in 8°), 2 vol., Bruxelles, 1898-1903., 1, p.264-268, LINK LINK
Secondary literature	VAN MINGROOT E.. Indictio secundum stilum Cameracensem, dans: Bulletin de la Commission royale d'Histoire, 143 (1977), p.139-205., p.160, 192,
	VAN MINGROOT E.. Liste provisoire des actes des évêques de Cambrai de 1031 à 1130, dans: Serta devota in memoriam Guillelmi Lourdaux. Pars posterior: cultura mediaevalis, ed. W. VERBEKE, M. HAVERALS, R. DE KEYSER, J. GOOSSENS (Mediaevalia Lovaniensia, n.21), Leuven, 1995., n.57, p.49,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.123, LINK LINK