Diplomatica Belgica - Record 4423

DiBe ID

4423

ACTORS

Issuer(s)
(= author)

Function/title: bishop
Name: Henry of Leez
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Henry of Leez
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name: John II abbot
Institution/jurisdiction: Reims (S.Nicaise)
Diocese: Diocese Reims
Principality: France
Religious order: Benedictines

DATE

Scholarly dating (preferential)	24/6/1154 (terminus post quem - COSSE-DURLIN)
Scholarly dating (any)	24/6/1154 (terminus post quem - COSSE-DURLIN) Scholarly qualification: -
	//1154 (donnée par document / mentioned in document - ) Scholarly qualification: -
Date in the charter	//1154
Place-date (in the text)	Leodii
Place-date (normalised)	Liège (BELGIQUE, Région Wallonne, Liège) Diocese: Diocese Liège Principality: Liège

SUMMARY AND DESCRIPTION

Summary	rappelle la fondation du prieuré de Hamme-Mille par Arnoul , "miles" de S . Remy-Geest et son frère Jean , et confirme leurs donations (énumération)
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Ego Henricus diuina superhabundante gratia Leodicensis episcopus. Notum facio omnibus tam futuris quam presentibus quod Arnulphus miles de Gest et Iohannes frater eius interne conpuncti quicquid habebant patrimonii pia deuotione in patrimonium contulerunt Ihesu christi atque pro salute anime sue et parentum suorum quecumque habebant possidebant et in omni iure quo ea tenebant ecclesie beati Nichasii Remensis libere et absque ulla contradictione contradiderunt facta est autem hec donatio tempore predecessoris nostri domni Alberonis secundi felicis memorie in communi capitulo sancti Lamberti coram legitimis uiris et probabilibus personis. Ne quid uero in posterum reclamare possent ibidem in eodem scilicet capitulo guirpitionem et effestucationem fecerunt. Hec autem sunt que in usus fratrum deo et sancto Nichasio seruientium dederunt medietas de Ham cum ecclesia et medietate molendini et totius alodii quod eidem uille adiacet in campis pratis et siluis cum iure omnium feodorum que ab eis tenebantur medietas de Resbais et de terris adiacentibus in campis pratis et quod in Iusenene Uilla possidebant et terra de Hesbinis et terra de Romestut et pars decime de gozonis. Curte huic autem Donationi interfui ego ipse qui tunc temporis eram prepositus interfuerunt et alii archidiaconi elbertus Dodo Iohannes de laicis uero comes Lambertus Iulioth de Wahart Wericus de prato et Eurellus item prepositus Iohannes atque Euerellus miles qui horum compositionem receperat hortatu domni Arnulfi ad mortem infirmantis recognouerunt hanc eandem donationem in presentia mea et archidiaconorum Amalrici et Balduini et abbatis de parco laicorum uero Godefridi ducis Luuaniensis Willelmi de Dunglubir et Henrici fratris eius et filii eiusdem Henrici rain Philippi dellaiz Richardi de Mauruiles et filii Bonefacii et reliquorum multorum qui ibidem conuenerant. Item tertio die post obitum Arnulfi frater eius Iohannes iam factam tam a se quam a fratre suo donationem apud Gemblacum recognouit et libere approbauit atque in manu Iohannis abbatis sancti Nichasii tradidit sub testimonio expectabilium uirorum Willelmi de Dunglubir cum filiis suis Willelmo et Gerardo Gerardi de Hupain Euerelli et aliorum multorum. Quo facto Iohannes mente mala mutata in breui omnia data impudenter saisiuit sibi que pertinaciter usurpauit unde per biennium a nobis excommunicatus et a liminibus sancte ecclesie sequestratus. Tandem penitentia ductus in presentia nostra in plena sinodo sub testimonio idoneorum uirorum abbatis Gemblacensis abbatis Odelini de Villari archidiaconorum Amalrici Balduini atque Philippi Huberti decani Willelmi de Birbeis Gerardi de Hupain Richardi de Marmules et Bonefacii filii eius atque Gozolonis auunculi eiusdem Bonefacii iustam ecclesie sancti Nichasii possessionem suam que iniustam rapinam recognouit de forifactis satisfecit ueniam petiit et absolutionem et sic impetrauit Remis que profectus et in capitulo per librum receptus omnem prefatam donationem scilicet quicquid a predecessoribus sibi prouenerat excepto uno suo seruo Amichun pro salute sua atque suorum super altare sancti Nichasii per ramum et cespitem presente conuentu in odorem suauitatis deo et sancto obtulit. Omnibus itaque rebus illis statim Fastradus prior totum que capitulum monachum fratrem Samuelem sub oculis et noticia omnium preposuit. Qui deductiore tempore bona illa pro nutu suo dispensauit atque apud Gest Alonem maiorem constituit. Ecclesia uero sancti Nichasii tantis beneficiis domini Iohannis non ingrata sicut in presentia nostra apud Leodium prelibatum fuerat benigne concessit ut quamdiu Remis morari uellet honestam pro facultate sua uite sustentationem ei administraret cum uero apud Gest quoad uiueret usuarium fructum de Gest Iuseneuilla atque Hesbinis perciperet ea conditione quod de uniuersa hac possessione nichil penitus daret inuadiaret neque distraheret ne quod impedimentum uel detrimentum ecclesia incurreret. Quia uero ad officium nostrum spectat ut bona ecclesiarum confouendo manu teneamus super hoc cartam fieri et sigillo nostro precepimus confirmari. Huius autem confirmationis testes sunt Alexander archidiaconus et prepositus elbertus Rainerus Amalricus Balduinus Philippus Bruno archidiaconi Hubertus decanus Gerardus de Morelmeis Amalricus nepos Amalrici canonici sancti Lamberti Henricus custos sancti Martini Henricus sancti Pauli laici liberi Willelmus de Birbeis Berengerus Willelmus Gozelo de Leiz Richardus de Marules et Bonefacius filius eius Euerellus de Huardes qui horum affectationem susceperat de familia Werricus de prato Lambertus de Hoio. Hec acta sunt et peracta Leodii anno uerbi incarnati M° C° L° IIII° indictione secunda epacta IIII° concurrente IIII° anno imperii Frederici secundo episcopatus Henrici secundi anno X°. Quisquis uero huius nostre sanctionis temerario ausu uiolator extiterit subiaceat sententie excommunicationis.

Source	DE GOURJAULT O.-WAUTERS A. 1882

TRADITION

Original	No
Manuscripts	Reims, Bibliothèque Carnegie. Bibliothèque d'étude et du patrimoine [BM], Manuscrit 1843 (1201-1300)

EDITIONS AND SECONDARY LITERATURE

Editions	VARIN P.. Archives administratives de la ville de Reims. Supplément: Table générale des matières par L. Amiel (Collection de Documents inédits sur l'histoire de France. . Première série. Histoire politique), 3 vol. in 5., Paris, 1839-1948., I,1, n.115, p.331-333, LINK LINK LINK LINK
	COSSE-DURLIN J.. Cartulaire de Saint-Nicaise de Reims (XIIIe siècle) (Documents, Etudes et Répertoires publiés par l'Institut de Recherche et d'Histoire des Textes), Paris, 1991., n.53, p.228-229,
	CHARTAE GALLIAE. Base de données de chartes médiévales, Ressource électronique, F13238, LINK LINK
	DE GOURJAULT O.-WAUTERS A.. Chartes inédites extraites du cartulaire de Sainte-Nicaise de Reims, dans: Compte-rendu des Séances de la Commission royale d'Histoire, 4e série, 10 (1882), p.167-246., n.7, p.181-185, LINK LINK
Secondary literature	POIRIER-COUTANSAIS F.. Les abbayes bénédictines du diocèse de Reims, dans: Gallia Monastica. Tableaux et cartes de dépendances monastiques publiés sous la direction de J.-F. LEMARIGNIER, I, Paris, 1974., p.234, 264,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.378, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.262, LINK LINK
	REUSENS E.. Eléments de paléographie, Louvain, 1899., p.177, LINK LINK
	REUSENS E.. Eléments de paléographie, Louvain, 1899., p.179, LINK LINK