Diplomatica Belgica - Record 4201

DiBe ID

4201

ACTORS

Issuer(s)
(= author)

Function/title: other
Name: Leutgardis
Institution/jurisdiction: UNKNOWN
Diocese:
Principality:
Religious order:

Author(s) of the actio juridica

(= disposer)

Function/title: other
Name: Leutgardis
Institution/jurisdiction: UNKNOWN
Diocese:
Principality:
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Trier (S.Maximin)
Diocese: Diocese Trier
Principality: Upper Lorraine
Religious order: Benedictines

DATE

Scholarly dating (preferential)	8/4/960 (donnée par document / mentioned in document - )
Scholarly dating (any)	8/4/960 (donnée par document / mentioned in document - ) Scholarly qualification: -
Date in the charter	8/4/960
Place-date (in the text)	Treveris in cenobio sancti Maximini
Place-date (normalised)	Trier (S.Maximin) (DEUTSCHLAND, Rheinland-Pfalz, - ) Diocese: Diocese Trier Principality: Upper Lorraine

SUMMARY AND DESCRIPTION

Summary	donne pour le salut de l'âme de ses parents et de ses deux époux défunts son bien situé à Mamer
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Cum scriptura diuina omnem hominem moneat elemosinis esse peccata redimenda quia: sicut aqua extinguit ignem ita elemosina extinguit peccatum et item: facite elemosinam et munda erunt omnia uobis idcirco ego Liutgardis necessariam esse huius precepti obedicionem omni christiano prospiciens tam salubri ammonicioni fidelem obedientie aurem accomodare disposui et ne inutilis esset hec et uana cogitacio operibus adimplere curaui. Tradidi igitur sancto confessori christi Maximino qui in suburbio urbis Treuerice requiescit quoddam mee proprietatis predium Mambra nuncupatum ad opus monachorum ibidem dei seruientium in comitatu Mithegouue cui Godefridus comes preesse uidetur quod michi ex parentibus meis Wigerico et Cunegunda hereditario iure accessit pro remedio et absolutione eorundem parentum meorum seniorum quoque meorum Alberti et Euerhardi uel filiorum meorum et remissione peccatorum meorum cum ecclesia eiusdem uille et omnibus appendiciis suis uel quicquid eo loci possessionis habere uidebar tam in mancipiis quam in edificiis terris cultis et incultis pratis pascuis siluis aquis aquarum ue decursibus molendinis mobilibus scilicet et immobilibus exitibus et reditibus quesitis et adquirendis ut absque ullius contradictione iure perpetuo teneant et possideant ea siquidem conditione ut meis utilitatibus quousque uixero cędat et postea plena et perfecta possessione ad prescriptum cenobium appendeat. Ne uero hec tradicio debilis et infirma esse uideretur uestituram eis de eadem proprietate concessi mansum uidelicet unum cum ancilla Alphilda et filiis eius Woppone Humboldo et Thietgero. Si uero post obitum meum eiusdem monasterii abbas uel alia persona eundem locum in beneficium aut in precariam alicui dare temptauerit in primis ipse deo omnipotenti reus existat et idem predium in ius heredum meorum absque ullo illorum periculo uel culpa redeat familia quoque predicti loci eisdem legibus quibus ab antiquitate uel sub parentibus meis uel etiam me subiecta fuerat utatur nec aliis grauioribus subdi cogatur. Acta est hec traditio publice Treuiris in cenobio sancti Maximini sub die VI idus aprilis anno dominice incarnationis DCCCC° indictione III regno serenissimi Ottonis XXV per manum Irimberti sub fideiussoribus quos uulgo saleburgiones uocamus Cundaro Folmaro Wolmaro astante ipsius loci abbate Wikero omni que congregatione monachorum coram eiusdem cenobii aduocatis Adalberto et Hildrado et testibus subnotatis Erbardo Bernuino Alberto Liuthardo Thiedone et multis aliis.

Source	WAMPACH C. 1935

TRADITION

Original	No
Separate copies	Paris, Archives nationales [AN],
Manuscripts	Paris, Archives nationales [AN], KK 1248 D (1601-1700)

EDITIONS AND SECONDARY LITERATURE

Editions	WAMPACH C.. Urkunden-und Quellenbuch zur Geschichte der altluxemburgischen Territorien bis zur burgundischen Zeit, I-II, Luxemburg, 1935-1938., 1, n.168 (+ fac-similé), p.216-219, LINK LINK
Secondary literature	WAMPACH C.. Urkunden-und Quellenbuch zur Geschichte der altluxemburgischen Territorien bis zur burgundischen Zeit, I-II, Luxemburg, 1935-1938., 1, p.216, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.366, LINK LINK